DÍLI----Iha Serimonia inagurasaun edifisiu foun foun Ministeriu Publiku no Prokurador Jerál Republika (PJR) nian iha Kolmera, Presidente Republika Demokratika de Timor-Leste (PRDTL) Francisco Guterres “Lu Olo” husu ba Sidadaun hot-hotu atu mantein proteje-an husi hada’et pandemia global Corona Virus Desease 2019 (COVID-19) tanba moras virus ne’e sei lalakon mundu.

“Situasaun Covid tun maibé Covid ne’e lalakon ida, tanba ne’e duni mak ha’u apela ba nafatin ba sidadaun sira ne’e hot-hotu tantu iha Díli persentajem konaba vasina nian boot liu ona maibé tenke kontinua proteje-an nafatin,” Hateten Presidente Republika Demokratika de Timor-Leste (PRDTL) Francisco Guterres “Lu Olo” ba Jornalista sira hafoin Inagura Edifisiu Foun, iha Resintus PJR Kolmera, Kuarta (27/10)

Xefe do Estadu hatutan, Ba familia sira simu vasina, hanesan mós iha munisipiu sira seluk atu bele sira proteje sira nia-an, sira nia saúde atu kontra moras ne’ebé mak dadaun ne’e sei lao hela iha rai laran. “Iha mós moras Variante foun ida, tan ne’e mak ita presisa kuidadu nafatin, seidauk too iha ne’e maibé iha indikasaun tan ne’e presisa kuidadu,” Afirma Xefe Estadu. (BT)