DÍLI----Ministra Saúde (MS) Odete Maria Freitas Belo Informa, aban mais-menus tuku 11:00, óras TL, Governu Timor-Leste seí simu vasina AstraZeneca 10 ml Doze ne'ebé mak apoiu husi Governu Austrália, iha Aeroportu Internasional Prezidenti Nicolau Lobato Comoro Díli. Nia dehan, Vasina AstraZeneca ne'e to'o Timor-Leste seí hala'o lansamentu iha loron 10 fulan Maiu tinan ne'e, ne'ebé mak vasina uluk ema sira ne'ebé mak moras TBC, HIV SIDA, Diabetiku no Komunidade idade Maior 60.

“Aban ita seí simu vasina AstraZeneca ne'ebé mak apoiu husi Austrália, ida ne'e la'os Covax Facility, maibé apoiu bilateral servisu hamutuk Governu Timor-Leste ho Governu Austrália,” Dehan Ministra Saúde (MS) Odete Maria Freitas Belo hafoin remata enkontru ho Xefí Governu ba Jornalista sira iha rezidensia Primeiru Ministru Taur Matan Ruak, Farol, Tersa (04/05).

Nia hatutanm, Aban ita seí hetan Vasina AstraZeneca 10 ml doze ba Kovid-19 nian, iha loron 5 no loron 9 ita seí hetan tan 10 ml Dozes, iha tempu ne'ebé mak hanesan ita mós prepara atu simu Vasina seluk husi Covax Facility nian, ne'ebé mak loron seida'uk serteza, no vasina seluk husi Xina nian Sinovac, maibé loron serteza seida'uk, Vasina Apoiu husi Billateral hanesan Vasina AstraZeneca hotu, aban seí to'o iha Timor-Leste 11 óras lasala.

“Ba Vasina 10 ml doze ne'ebé mak aban seí to'o Timor-Leste, ita hotu hatene katak agora dau-daun iha kazu ne'ebé mak ás iha Díli, 10 ml doze ne'ebé mak aban seí to'o Timor-Leste ne'e nia lansamentu seí hahú iha loron 10 fulan Maiu, ne'ebé mak ita hare liu ba iha ema sira ne'ebé mak ho moras, di'ak iha uma maibé hanesan moras TBC, HIV SIDA no Diabetiku fó uluk ba sira, no seí hare ba ema sira ne'ebé mak idade maior idade-60, tanbá sira mak risku ás liu,” Haktuir nia.

Prezidenti Repúblika promulga ona Orsamentu ratifikativu espesifiku ba Ministériu Saúde nian hamutuk Milioens $34, ne'ebé mak sosa Vasina, ekipamentu Médiku inklui hahán ba pasienti sira, no iha mós dividas balun ne'ebé mak ita presiza atu selu no ema sira ne'ebé mak halo fátin izolamentu no selu mós sira nia alozamentu sira. (BT)