DÍLI----Sua Eselénsia Primeiru-Ministru Taur Matan Ruak husu deskulpa ba família hosi matebian dahuluk ne’ebé mate ho COVID-19, hodi prosesu hakoi tuir protokolu saúde nian iha Metinaru ne’ebé ladún tuir prosesu normal, maibé husu komprensaun tebes hosi família matebian sira-nian ne’ebé fó importánsia ba saúde ema barak nian hosi perigu virus SARS-Cov-2 ne’e.

“Ha’u mós aproveita hanesan Primeiru-Ministru no mos Xefe ba Sala Situasaun, ha’u husu deskulpa ba família sira liuliu ida ne’ebé hakoi uluk, balun dehan hakoi ladún di’ak, la iha dignidade, ba ida ne’e ha’u husu deskulpa ba família, maibé ha’u mós husu komprensaun sira-nian para ke tau ita ema barak nia saúde em primeiru lugar”, dehan Xefe Governu, hafoin remata reuniaun semanal ho Xefe Estadu kinta ne’e iha Palasiu Prezidente.

Enkuantu kona-ba polémika mate daruak ho COVID-19 ne’ebé hetan impedementu direita hosi Eis Primeiru-Ministru Xanana Gusmão hamutuk ho família ne’ebé rekuza atu hakoi tuir protokolu saúde iha Metinaru, Xefe Governu esplika, desizaun hakoi ema mate ho COVID-19 ne’e mai hosi parte suade tuir protokolu ne’ebé OMS sujere, maibé hanesan Primeiru-Ministru no Komandante Operasionál Sala Situasaun durante polémika loron hirak ne’e, tenta jere situasaun ne’e hodi ikus mai desizaun sai fó satisfasaun ema hotu, nune’e iha loron ikus mai wainhira iha risku labele fó sala malu.

“Iha tempu hirak ne’e ha’u mós jere, tenta jere, pozisaun Saúde sira-nian, pozisaun ema hotu-hotu nian paraké desizaun ida ne’e sai ema hotu-hotu kontente, mas nia labele lori risku mai ita, karik aban bainrua iha risku, labele dehan Matan Ruak mak halo sala ou Maun Xanana mak halo sala, mas ita hotu sei asumi nia risku iha aban bainrua karik iha problema ruma.[…]Ne’e responsabilidade boot, ne’e la fasil, mas ha’u espera bele hetan solusaun di’ak, ita iha parte ida hakoi matebian sira ho dignidade mas parte seluk ita tenke proteje sidadaun sira ne’ebé moris para labele hetan infesaun”, tenik Xefe Governu.

Notas: Ho instrusaun hosi Xefe Governu nian hanesan Komandante Operasaun ba Sala Situasaun, ekipa ba Sala Situasaun nian ikus mai hetan solusaun ho família matebian no Eis Primeiru-Ministru Kay Rala Xanana Gusmão, hafoin impase durante loron 3, kona-ba mekanizmu hakoi nian. Iha kokordánsia ne’e, konkorda hakoi matebian iha rate ne’ebé família indikadu ona iha Manleu, maibé prosesu funeral kontinua nafatin uja padraun protokolu saúde ba hakoi ema mate ho COVID-19.

Portantu, Problema ne’e ita bele ultrapasa tanba Naturalmente problema ida ké ita tenke tau atensaun mak kona-ba protokolu saúde nian. “Problema Vera Crus nian, ha’u informa ba Prezidente Repúblika katak, ohin ha’u fó instrusaun ba Sala Situasaun para ko’alia ho família sira para bele hakoi señór ne’ebé mate ne’e.

Naturalmente problema ida ké ita tenke tau atensaun mak kona-ba protokolu saúde nian, iha espekulasaun barak katak regras sira ne’ebé impoin, protokolu saúde ne’ebé fó ne’e Governu nian, lae, Ne’e protokolu ida ke médiku sira mak estabele, saúde mak estabelese i ne’e la’ós desizaun Governu nian i ha’u (Atua Primeiru Ministru) hanesan Xefe ba Sala Situasaun, ha’u rona buat sira ne’ebé médiku sira ko’alia dezde primeiru inteiru no ida agora ne’e, ” Nota Esplikasaun KI.

Portantu atu hetan solusaun ida fali, ha’u fó ba iha Saude, soké ha’u-nia pedidu ida ba ita-nia doutor sira, ha’u bolu Doutor Rui ke eis Ministru Saúde, eis Primeiru-Ministru, ha’u mós bolu Dr. Sérgio serbisu iha ne’ebá , Doutor Nelson, tanba Sala Situasaun ne’e lidera hosi militar rua ho tan ha’u eis militar ida, entaun saúde ne’e ami la intende.

“Entaun ami husu sira para fó konsellu i ha’u mós ohin husu para sira ko’alia liafuan ida de’it, labele Dr. Sérgio ko’alia ba maun Xanana ida, ida ne’ebá ko’alia seluk, ha’u hakarak sira hateten A ne’e A, B ne’e B para ita hotu tuir ida ne’e, para atira kulpa, tanba Governu ne’ebé ha’u lidera nia preokupasaun ida de’it, se ita bele halo buat hotu para ita-nia ema labele mate, ita tenke halo. Tanba COVID ne’e la’ós ita nia problema, ne’e problema global i foin dadauk vasina, ha’u-nia deklarasaun ha’u hateten” Deklara Nota KI.

Ho Nune’e Primieru Ministru Mos Informa katak, Ema Ida seidauk bele livre enkuantu ema hotu-hotu seidauk livre, ne’e bele dehan ema na’in 10 simu tiha vasina, mas na’in 5 lakohi simu vasina, ne’e sei risku ba ita, mas se ita hotu simu ne’e di’ak liu. Ne’ebé ha’u espera problema ne’e ita bele ultrapasa. (BT)