DÍLI----Ministru Prezidensia Konsellu Ministru (MPKM) Fidelis Leite Magalhães informa katak Governu liu husi reuniaun Konsellu Ministru (KM), aprova ona projeitu ba membru Konsellu Direitus Umanu husi Organizasaun Nasoins Unidas (ONU), ba periodu 2024 to'o 2026 ne'ebé mak aprezenta husi Ministra Negósiu Estranjeiru no Kooperasaun (MNEK).

“Konsellu Ministrus (PM) aprova ona projetu Rezolusaun Governu nian, ne’ebé aprezenta husi Ministra Negósiu Estranjeiru, Adaljiza Magno, kona-ba aprovasaun ba kandidatura Timor-Leste hanesan membru Konsellu Direitus Umanu nian husi Organizasaun Nasoins Unidas (ONU), ba períodu tinan 2024 ba 2026,” Dehan Ministru Prezidensia Konsellu Ministru (MPKM) Fidelis Leite Magalhães hafoin remata enkontru ho Konsellu Ministru ba Jornalista sira iha Palásiu Governu, Kuarta (14/04).

Governante haktuir, Membru Konsellu diretus umanu 47, ne'ebé mak eleitu maiória husi Estadu Asembelia Jerál ONU nian ne'ebé mak mandatu durante tinan 3. “Konsellu Direitu Umanu sira iha membru hamutuk 47, eleitu liu husi maioria Estadu Asembleia Jerál ONU nian ba mandatu tinan tolu, país sira seluk mantein estatutu observadór sira.

Distribuisaun husi asentu sira sei halo tuir aprezentasaun jeográfika ekuitativa nian (Grupu 13 husi País Afrikanu, Grupu 13 husi País sira Aziátiku, Grupu 7 husi País sira Leste Europeu, Grupu 8 husi País sira Amérika Latina no husi Karaíbas nomos Grupu 7 husi País sira Europa Osidentál no Sira seluk,” Esplika Fidelis

Tuir nia, Hala'o mós aprovasaun ho alterasaun, ba Projetu Dekretu-Lei, kona-bá alterasaun dahituk ba Dekretu-Lei n. 10/2005, loron 21 fulan Novembru, ne’ebé prova Rejime Jurídiku Aprovizionamentu nian ho objetiva atu simplifika tramitasaun espesiál husi ajusta diretu urjente.

Ho Dekretu-Lei ida ne’e, halo introdusaun husi regra foun ba tramitasaun husi prosedimentu ajustu diretu kompras emerjénsia nian, tuir akontesimentu ne’ebé labele prevee, hodi tau risku iha saúde públika no seguransa nian, bainhira eziste nesesidade urjente ida, labele prevee no la provoka benefisiáriu aprovizionamentu nian kona-bá obra, beins no servisu sira, ne’ebé la’ós fasil prátiku hodi hahú prosedimentu sira husi konkursu no kualkér métodu sira seluk aprovizionamentu.

Porta Voz Governu dehan, Karik deklarasaun ofisiál husi katástrofe situasaun emerjénsia nian, ne’ebé tau nesesidade hodi halo servisu ho obra hodi fornese beins servisu sira, hodi evita lakon moris, no lakon propriedade sira Governu nian, ezijénsia sira seluk ne’ebé obriga asaun urjente iha interese públiku.

Enkuantu iha kazu sira ne’e, hodi permite ba órgaun kompetente, hodi asina kontratu atu bele prátika atus prosedimentu aprovizionamentu, no selebra kontratu sein kualkér formalidade sira. Nia dehan, maske kontratu ne’e prodús efeitu imediatu, atus aprovizionamentu no kontratu sira tenke redús eskritu iha prazu másimu loron 60, kazu sira ne’e la presiza autorizasaun no aprovasaun kabimentasaun seí asegura to’o momentu redusaun eskritu kontratu nian.

Governante ne'e fundamenta, bainhira trata kontratu sira ezekusaun obra nian, presu ne’e seí determina husi aplikasaun valór umanitáriu sira ne’ebé prevé iha Diploma Ministeriál Konjunta husi Governu, ne’ebé responsabiliza husi obras públikas no husi planu no ordenamentu.

Diploma refere, iha ámbitu deklarasaun estadu sítiu no estadu emerjénsia, nune’e mós deklarasaun husi situasaun alerta, kontinjénsia no kalamidade, bele utiliza prosedimentu aprovizionamentu husi solisitasaun husi kotasaun sira, indepedentemente husi valór, ba adjudikasaun kontratu sira ho kontrapartida iha despeza kategória husi beins servisu sira, iha sirkunstánsia espesífika sira. (BT)