DÍLI----Vise-Primeiru Ministru no Ministru Planu no Ordenamentu, José Maria dos Reis, hatete Kona-ba ekipa teknika ne’ebé mak hari husi kriasaun ne’en (6), husi Agensia Dezenvolvementu Nasionál (ADN), Ministeriu Obras Públik (MOP), Bé Timor-Leste (BTL), EDTL-E.P no Grandes Prozetu inklui mós Diresaun Jeral bá Ambienti hala’o reuniaun Kafe estra-ordenariu atu oinsa fó segementu despasu husi Primeiru Ministru nian hodi levanta no identifika dadus ne’ebe mak akontese dezastre naturaiz iha loron 4 Abril.

“Obejetivu ohin halo levantamentu identifikasaun no klasifikasaun bá iha dadus juizus ne’ebé mak husi kalamidade iha loron hira liu bá, iha Dili laran no Munisípiu sira seluk, nune’e ita bele kuantefika total bá juizus ne’ebé mak mai husi kalamidade,” Hatete Vise-Primeiru Ministru no Ministru Planu no Ordenamentu, José Maria dos Reis ba jornalista sira hafoin remata reuniaun Kafe Estra-ordenariu iha Salaun Ministeriu Finansas, Aitarak-Laran, Sexta (09/04).

Nune’e, Tuir mai planu rekoperasaun bá iha projetus ne’ebé mak importante tebes no urjenti atu halo bá rekoperasaun ida ne’e, depende bá levantamentu bá dadus identifikasaun no klasifikasaun, hotu ona foin kafe estra-ordenariu ulan fila-fali, atu haree lolos ida ne’ebé mak urjenti atu halo no ida ne’ebé mak tuir prosesu normal, tanba ida ne’e, hein ekipa sira desidi mós ba durante ne’e, halo traballu antes semana rua nia laran.

“Hotu-hotu hatene ita iha hela prosesu ida ne’e, mesmu orseik halo ona levantamentu bá konfinamentu maibé serka sanitaria no konfinamentu obrigatóriu la’o hela, tanba ida ne’e mak ekipa teknika atu sai ba munisípiu, ami mós sei husu bá Sentru Intergradu Jestaun Krize (SIJK), atu bele fasilita lalais ekipa tekniku sira sai husi Dili bá Munisipiu para atu halo levantamentu ida ne’e,” Subliña nia.

Nia dehan, Kosellu Ministru mós aprova ona deklarasun bá klamidade tanba ida ne’e atu bele fasilita halo mós mobilizasaun apoiu sira liuliu apoiu estadu atu bele fó apoiu bá rekoperasaun ida ne’e, ami diskuti iha enkontru, ita labele halo sala fali hanesan tinan-uluk, hatudu buat hotu la’o hodi asegura kuadru legal ida hodi tekniku sira bele hala’o ida ne’e.

Aleinde ne’e mós, bá iha parte ida ne’e, ami mós fó atensaun bá ekipa juridiku sira sei tur hamutuk, para atu diskute oinsa mak situasaun sira ne’ebé urjenti atu halo iha nia prosesu, iha espesialidade ida, maibé tenki asegura iha kuadru legal, hanesan estrada ida iha embassada Japaun nia oin, oinsa mak ita bele halo lalais iha situasaun ida ne’e.

“Sei la’o tuir prosesu, partisipasaun husi Empreza Nasionál no Internasionál, sei partisipa liuhosi prosesu nia laran, hanesan antes ita atu sobu ponti Bekusi tenki iha mós dezeñu ida, hodi halo ponti ne’e, sé ita sobu asesu bá bekusi sorin bá sorin seluk susar ona, tenki halo fali dala ida hodi komunidade sira la’o, maibé iha atensaun mós bá pakote ida, ponti Bekusi tama iha perioridade ida ne’e, atu halo sei sobu iha tempu badak, kuandu dezeñu prontu ona, ha’u hanoin prosesu ida tekniku sira komesa la’o dadaun ona,” Informa Nia. (BT)