DÍLI----Sentru Integradu Jestaun ba Krize (SIJK) rejista kazu foun Iha Dili no munisipiu hamutuk-98 no na’in-90 mak ohin hetan rekoperadu. Tuir Komunikadu Imprensa, Ofisiál Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo katak kazu rejistadu loron ohin hamutuk na’in-98 no na’in-90 mak heran rekoperadu no kazu sira ne’e hatudu asintomátiku.

Nune’e, Kazu foun husi Loron 7 no 8 husi Munispiu Díli na’in-67, Baucau na’in-5, Ermera na’in-20, Covalima na’in-1, Ainaro na’in-5, hamutuk na’in-104 no rekopera na’in-90, ativu iha Isolamentu na’in-493. “Kazu foun na’in-98, mane 57, feto 41, Hotu-hotu asintomátiku,” Nota informasaun KI, Ofisiál Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, Kinta (08/04)

Ho nune’e, Kazu Husi loron 7 to’o 8 fulan Abril de 2021 hamutuk hotu LNS halo 1125 testes PCR, inklui 530 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili. Tuir Nia, Iha loron 5 fulan Abril de 2021 deteta kazu pozitivu 3 iha Postu Administrativu Maubara, Munisipiu Liquiça. Ema sira ne’e, husi Dili, Oras ne’e dadaun sira hala’o izolamentu iha Dili no Iha Munisipiu Baucau, iha dia 7 & 8 de Abril 2021 deteta kazu foun 5. Kazu pozitivu hirak ne’e ba husi Dili. Hamutuk hotu iha Baucau iha 34 Kazus detetadus, iha cluster 11.

Nune’e, iha loron 7 fulan Abril de 2021 deteta tan kazu pozitivu ida iha Munisipiu Covalima. Kazu pozitivu ida ne’e halo viajen husi Dili iha dia 2 de Abril de 2021 no Munisipiu Ainaro, iha dia 7 de Abril 2021 deteta kazu foun 5. Kazu pozitivu hirak ne’e ba husi Dili no lori mai izolamentu iha Dili. Ekipa konjunta saúde buka-tuir ona kontaktu-besik sira hotu. “Kazu detektadu ho kategoria moderadu nain-3, iha Vera-Cruz/Lahane, alta ona iha dia 7de Abril no Kazu detetadu ho kondisaun grave nain-1 mak sei iha Vera-Cruz/Lahane. Kondisaun ohin, dia 8 de Abril de 2021 diak, maski sei nafatin uza oksijéniu liu husi kánula,” Tenik Nia.

Ne’e Dunik, Apelu ba sira ne’ebé maski lakon uma, sasan no hela fatin no tenki evakua ba fatin publiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho beé no sabaun ka dezintetante ruma. “Husu mós ba populasaun ne’ebé provizoriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu, ba populasaun ne’ebé la afetadu husi efeitu inundasaun, favor respeita nafatin regra sira ne’ebé Governu hatu’ur ona atu prevene moras Covid-19 da’et ba mai,” Informa nia. (BT)