DÍLI----Porta Voz VIII Ministru Prezidensia Konsellu Ministru (MPKM) Fidelis Manuel Leite Magalhães, Hatete, Reprezentante VIII Governu hato'o sentidu Kondolensia ba Saudozu Max Stahl ne'ebe hakotu i'is ohin iha Brisbane-Australia, Moras kleur Desde Selebra tinan 30 Sebastião Gomes nian hafoin Hakotu I'is ohin, nune’e povu Timor nafatin agradese ba kontribuisaun ba autodeterminasaun nasionál Timor-Leste nian.

“Lori Governu no Povu Timor tomak nia naran, hato’o ami nia sentidu kondolénsia ne’ebé kle’an tebes ba familia no amigu estimadu Max Stahl nian, nune’e Povu Timor nafatin agradese ba ninia kontribuisaun ba autodeterminasaun nasionál” no katak ”ninia korajen no legadu husi ninia serbisu sei nafatin metin iha ami hotu nia memória,” Hateten Porta Voz VIII Ministru Prezidensia Konsellu Ministru (MPKM) Fidelis Manuel Leite Magalhães, ba Jornalista sira iha Salaun PCM Palasiu Governu, Kinta (28/10)

Ho sentimentu ne’ebé kle’an Governu Timor-Leste simu ona notisia falesimentu husi Max Stahl, jornalista no realizadór, ne’ebé responsavel ba filmajen husi imajen Masakre Santa Cruz nian, iha tinan 1991, hodi permite atu bolu atensaun ba situasaun ne’ebé Pais hasoru, no koloka Timor-Leste iha topu ajenda internasionál nian, ne’ebé sai hanesan kontributu importante ida ba autodeterminasaun Povu Timoroan nian.

Max Stahl, husik i'is, ohin loron 28 fulan-Outubru, iha Brisbane-Australia, vítima husi moras ne’ebé kleur, iha loron ne’ebé hanesan bainhira ita selebra tinan 30 ba Sebastião Gomes nia mate, ne’ebé ninia omenajen mak hamosu masakre Santa Cruz. Saudozu Jornalista Christopher Wenner, konhesidu liu ho naran Max Stahl, moris iha loron 6 Fulan Dezembru tinan 1954 iha Reinu Unidu. Hafoin liu tiha Senériu barak konflitu nian, liu-liu iha Amérika Latina, iha fulan-Agostu tinan 1991, Max Stahl mai iha Timor-Leste hodi halo filme dokumentériu ne’ebé sei hanaran ”In Cold Blood: The Massacre of East Timor”.

lha loron 12 fulan-Novembru tinan 1991, nia akompanha marxa omenajen husi lgreja Motaél to’o iha rate Sebastião Gomes nian, ne’ebé to'o hamosu Masakre Santa Kruz, iha ne’ebé joven timoroan atus ba atus militár Indonéziu sira oho. lmajen sira ne’e, da’et ba mundu tomak no hatudu ba mundu internasionál drama timoroan nian.

Ninia profisionalizmu no ninia korajen ne’ebé bo'ot tebes fó impulsu fundamentál ba frente diplomátika Rezisténsia Timoroan nian, ne’ebé lori Timor-Leste ba pajina dahuluk meiu komunikasaun sosiàl mundiál, hafoin tinan barak iha ne’ebé Opiniaun publika mundiál Ia hatene situasaun iha Timor-Leste nian.

Max Stahl entrevista ona lider rezisténsia sira iha Timor, hanesan Komandante David Alex "Daitula" no Komandante Nino Konis Santana. Kria ona Sentru Audiovizuàl Max Stahl iha Timor-Leste (CAMSTL), ho objetivu atu prezerva no divulga kolesaun audiovizuàl ne’ebé dokumenta periodu rezisténsia nian, durante akontesimentu sira ne’e no hafoin referendu no tinan dahuluk sira independénsia nian to'o ba loron ohin. lha tinan 2013, kolesaun ida ne'e rekonese ona hosi UNESCO, ba rai iha Rejistu Memoria ba Mundu, kria ona programa ida ho objetivu atu proteje no promove patrimoniu dokumentàl mundiàl liuhusi konservasaun no asesu ba dokumentu sira.

lha tinan 2000, nia simu prémiu Rory Peck Award nu’udar omenajen jornalista video independente nian sira. Nia simu mos prémiu barak hanesan rekofiesimentu ba nia servisu sira iha zona konflitu Iaran, hanesan funu iha Balcãs no iha El Salvador. lha tinan 2009, hetan kondekorasaun ho Insignia Orden Timor-Leste nian no iha tinan 2019 nia simu kolér Orden Timor-Leste nian, kondekorasaun Nasionál ne’ebé a'as liu.

lha tinan 2019 mos, nia hetan nasionalidade timoroan husi Parlamentu Nasional, iha aktu ida ne’ebé ”reprezenta omenajen husi Povu Timor-Leste nian ba espiritu umanista, altruizmu no korajen ne’ebé bo'ot tebes Max Stahl nian” no ne’ebé ”hato’o agradesimentu no rekonesimentu ba ninia asaun di’ak tebes ne’ebé nia halo”. (BT)