DÍLI----Ministru Edukasaun Joventude no Desportu (MEJD) Armindo Maia fó posse ba Vise-Prezidenti Institutu Nasionál de Formasaun de Docentes e Profisionais da Edukasaun (INFORDEPE-sigla portuges) na’in tolu atu oinsa bele hamutuk lidera instituto ida ne’e, hodi hadia kualidade ba futuru oin mai.

Nia Dehan, Husi Na’in tolu ne’ebe mak ohin simu pose, sira ne’ebe mak iha kapasidade esperiensia servisu iha tempu naruk ona tan ne’e, hili sira hamutuk hodi lori instituto ida ne’e sai kualidade diak liutan ba futuru.

“Ohin ita kontinua husi segunda faze ba Vise-Prezidenti hotu tiha sei mai Direktores sira ne’e iha INFORDEPE de’it, sira seluk sei tuir mai, hanesan ita hotu hatene katak INFORDEPE ne’e iha prezidenti ida iha mós vise Prezidenti na’in tolu, Prezidenti ida hare’e ba Formasaun Akademika ba Profesores sira, ida fali Vise-Prezidenti kontinua ba Profesores sira no ida seluk kona-ba Peskija no Dezenvolvimentu, sira na’in tolu ne’ebé ohin Tomada de Pose ita hare’e katak iha kapasidade esperiensia servisu iha tempu naruk ona no espera katak sira bele hala’o servisu ho di’ak,” Hatete MEJD Armindo Maia ba jornalista sira iha salaun INFORDEPE Balide-Dili, Sexta (07/05).

Nia hatutan, Ohin simu posse no sira ne’ebe servisu iha INFORDEPE ne’e ninia funsaun ida importante tebes, ita hotu hatene ema seluk hatete edukasaun la iha kualidade, maibé kualidade atu la’o di’ak primeiru tenki liu husi Rekursu Umanu. Tan ne’e, “Ha’u nia mensajen ba vise-prizidenti Infordepe na’in tolu ne’ebé ohin simu posse no sira ne’ebé servisu iha INFORDEPE katak infordepe ne’e ninia funsaun ida importante tebes, ita hotu hatene ema seluk bele hatete dehan edukasaun lao la dun di’ak no kualidade, kualidade atu la’o di’ak primeiru ita tenki liu husi Rekursu Umanu,” dehan Armindo.

Nia haktuir, INFORDEPE ne’e ninia funsaun ne’e atu forma profesores sira, ke profesores sira agora hala’o dadaun nia kna’ar ona ne’ebé ita bolu naran formasaun Kontinua, ida fali mós ba sira ne’ebé agora dadaun karik sei iha Universidade ne’ebé sei hala’o sira nia formasaun, iha mós formasaun akademika iha ne’e.

“Tanba ne’e mak ha’u nia mensajen katak Edukasaun ne’e ita hot-hotu hatene importante, maibé ita hotu presija tau matan ba profesores sira, kuandu ita-nia profesores sira kualidade la di’ak, entaun ita bele iha edifisiu ne’ebé iha kompletu Sekulu 21 no 22 ninian, Ekipamentus di’ak hotu, maibé kuandu Profesores la di’ak ne’e ita la’o ba oin mós ha’u hanoin susar,” Realsa nia.

Ne’e Dunik, Kuandu profesores di’ak kada ves bele eskola iha ai-hun ida mós bele, tanba professor ne’e di’ak bele lori alunus sira ba oin ida ne’e mak mensajen ikus mai ita hotu konklui edukasaun liu husi apoiu ba profesores sira. Nia Informa, Agora dadaun ita-nia programa eskola iha uma iha episode 200 ital no sei kongege liu tan ida ne’e iha tinan 2021.

“Ita-nia programa eskola ba uma agora dadaun ne’e iha ona 200 ital episode, hanesan hori-bainhira ha’u hatete iha Parlamentu Nasionál katak iha ita-nia target ne’e iha 2021 ne’e minimu 200 ital, parese ita sei konsege liu ida ne’e, para alem ida ne’e husi Vise Ministru mak koordena,” Relata Nia. (BT)