DÍLI----Representante Governu Nova Zelándia Iha Timor-Leste Liu Husi Embaixadór Nova Zelándia Philip Hewitt hatete Nudar parseria Apoiu liu husi Programa Ai-han Mundial Nasoens Unidas (PAM) Hodi Hakman Difikuldade Ne’ebé Mak Povu Hasoru Hanesan Covid-19 No Kalamidade Inundasaun iha Timor Leste, Nova Zelandia kontribui Orsamentu rihun $200 hodi oinsa hakman infrentasaun komunidade ne’ebe hela iha refuziadus.

“Governu Nova Zelándia liu husi Embaixador Nova Zelándia, Kontribuisaun Osan dolar Amerikanu $200,000 liu husi Programa Ai-han Mundial Nasoens Unidas (PAM) hodi responde ba uma kain sira ne’ebé afetada husi inundasaun ne’ebé a’at liu nasaun ne’e hasoru iha tinan ne’e,” Hateten Embaixadór Nova Zelándia iha Timor Leste, Philip Hewitt ba Jornalista sira liu husi komunikadu Imprensa, Kinta (06/05).

Nia hatutan, Nova Zelándia parseira ho PAM iha tempu naruk no ajuda umanitaria ida ne’e nudar ami nia perioridade. Propagasaun COVID-19 iha Timor-Leste no inundasaun difikulta feto no labarik sira atu hasesu ai-han ne’ebé adekuadu no nutritivu. Alende ho kontribuisaun ida ne’e, ami sei bele sustenta vida uma kain sira ne’ebé moris iha kondisaun emerjensia, Iha loron 4 Abril 2021, nasaun islandesa ho total populasaun 1.3 milliaun afeitada husi udan maka’as no inundasaun. Uma kain hamutuk rihun 25 maka afetadu husi munisipiu hamutuk 13. Husi porsentu 83 ne’ebé iha kapitál Dili. Kauza husi kalamidade ne’e mós estraga Estrada, ponte no infraestrutura no área boot agrikóla sira.

Nota iha KI dehan, Bainhira inundasaun ne’e halo aumenta folin marjinal kuaze iha produtu ai-han sira nian, folin sira husi produtu hirak ne’e iha ona tendénsia aas tebes iha tinan ikus ne’e tamba COVID-19 no nia impaktu iha rede abastesimentu iha nível global no rejional. Exemplu folin atuál foos importadu, besik porsentu 10 aas liu fulan neen liubá no porsentu 20 aas liu tinan ida liubá, bazeia ba monitorizasaun husi PAM.

Ne’e Dunik, Funansiamentu husi Nova Zelándia ne’e mosu iha momentu krítiku wainhira seguransa ai-han ba povu Timor-Leste nian hetan ameasa husi jeopardie/perigosu dupla COVID-19 no mudansa klimátika,” tenik Dageng Liu, Diretur PAM. “Ho rai agrikóla barak ne’ebé sei nakonu ho bee, ita hasoru kolleita a’at liu iha kolleita batar no produtu agríkola sira seluk. Timor-Leste persiza tulun husi komunidade internasionál hodi prevene hamlaha no sofrimetnu. “Timor-Leste iha numeru subnutrisaun ne’ebé aas liu iha Ázia no Pasífiku, ho stunting afeta metade labarik mane sira no porsentu 47 ba feto sira. Anemia mos iha prevalesente aas tebes entre feto iha tinan fértil ka tinan produtivu,” Nota KI.

Ho ida ne’e, Kontribuisaun ne’e sei permite ba PAM hodi sosa biskuitu enerjia ne’ebé riku ho vitamina no minerais ba inan isin-rua no inan fo-susu – sei distribui ba Ministériu Saúde no Sekretariadu Estadu Protesaun Sívil. Finansiamentu ne’e sei fasilita mós kontrolu kondisaun Nutrisaun entre uma kain sira ne’ebé sujeitu ba malnutrisaun, nomós ajuda Ministériu Saúde transporta material nutirionais emerjensia sira husi Dili ba distritu sira. (BT)