DILI----Ministru Edukasaun Joventude No Desportu (MEJD) Armindo Maia, hatete, Ohin MEJD asina MoU ho KOICA Iha Timor-Leste atu implementa Projetu Kooperasaun ba Area Desportu ninian atu oinsa dezenvolve desportivu ba labarik sira nia futuru iha Timor-Leste nian.

“Asina MoU ne’e ida ho Country Director KOICA nian iha Timor-Leste ba implementasaun Projetu Kooperasaun ida iha area Desportu nian, projetu kooperasaun ne’e hanaran desportu ba labarik sira nia dezenvolvimentu iha Timor-Leste, no projetu ne’e hari'i kooperasaun ne’ebé atu hari’i Centru Futebol Juvenil Bekora no Rehabilita Kampu Komunitaria 3 tan iha Dili laran hanesan, Kampu Bintan Bidau, Kampu Futebol Kampu Alor no Kampu Futebol Malinamuk Komoro” Hatete MEJD Armindo Maia Ba Jornalista Sira Iha Salaun MEJD Vila-Verde, Dili, Tersa (04/05)

Nia hatutan, MoU ida ne’e mai husi Record Of Discussions entre SEJD ho KOICA ne’ebé mak asina husi SEJD no director KOICA nian iha loron 21 Agostu tinan 2020 iha Kampu Demokrasia Dili, ida ne’e atu formaliza konkordansia ne’ebé mak parte rua konese ona iha termus referesia.

“Termus referensia ida ne’e duni mak Ministeriu Edukasaun Joventude No Desportu aprezenta ba Konsellu Ministru hodi halo apresiasaun no aprova, iha fulan janeiru tinan ne’e nia klaran, KM halo apresiasaun no deside atu halo akordu ida ho KOICA liu husi Memorandu Intedimentu ida ba projetu ida ne’e, iha ne’ebá KM mós deside hodi delega poder ba asina MoU ida ne’e ho MEJD,” Dehan Armindo.

Nia dehan, Tuir Timor-Leste nia politika ba projetu kooperasaun Internasionál sira iha TL nia Aid Policy, desizaun ba projetu sira hotu ne’ebé mak ho Orsamentu liu $5 milloens kompetensia KM nian, tanba valor husi projetu kooperasaun ida ne’e ho orsamentu $6.5 Milloens ne’e mak presiza duni deliberasaun no desizaun husi KM.

“Alemde osamentu ne’e, atu oinsa hari’i centru no hadiak kampu sira, projetu kooperasaun ida ne’e mós sei fornese akipamentus desportiva sira ne’ebé nesesariu ba fasilidade desportu hirak ne’ebé projetu kooperasaun ida ne’e hari’i no rehabilita, tuir akordu ne’e sei iha mós apoiu husi nasaun Koreia ba formasaun teinamentu futeból juvenil sira no mós peritu balu atu ajuda elabora manual ba liga annual futeból juvenil ba labarik ho tinan 11-16,” Dehan nia.

Nia haktuir, Governu TL sei hari’i ekipa interministerial ida atu tau matan ba jestaun implementasaun projetu Kooperasaun ida ne’e, Governu TL liu husi Sekretariu Estadu Joventude No Desportu mak sei kobre kustu ruma kona-ba desalfandegamentu, sei iha duni kustu desalfandegamentu ba meterial ne’ebé mak tama iha TL na implementasaun projetu ne’e nian.

Nia Informa, Hafoin prosesu konstrusaun no rehabilitasaun sira remata sei sai haktuir Governu Timor-Leste nia responsabilidade atu garante manutensaun, Funsionariu no sustentabilidade fasilidade no ekipamentus domisilariu iha Dili. (BT)