DÍLI----Sentru Integradu Jestaun Krize (SIJK) entrega ona mate isin Armindo Borges ba familia atu hakoi iha semiteriu Manleuana. Tuir Kronolojia katak iha loron Domingu (11/04) Matebian Armindo Borges moras grave, matan bubu, nomós ra’an sai husi tilun família deside lori ba Hospitál Nasionál Guido Valadares (HNGV) hodi leno, maibé to'o ne’eba hafoin leno liu Minutu 15 rezultadu hatudu katak pozitivu Covid-19.

Ho nune’e, SIJK deside lori matebian ba Vera-Cruz maibe família matebian la aseita tanba Matebian moras fulan ida ona iha uma tanba kabun bubu no struk, matan bubu nomós ra’an sai husi tilun.

Ho rezultadu ne’e, Lider Karismatiku Kay Rala Xanana Gusmão hamutuk ho família matebian la aseita, katak Matebian laos moras COVID. Nune’e, Matebian Armindo Borges hakotu i'is iha tuku 11 kalan iha Hospitál Nasionál Guido Valadares (HNGV), laos mate iha Vera-Cruz, mate ho idade-47.

Ne’e Dunik, ho diferensia ideolojia entre familia matebian hamutuk ho lider Karismatiku Kay Rala Xanana Gusmão hein iha Portaun Sentru Saude Vera-Cruz durante loron loron ha’at (4) kalan tolu (3), ne’ebe hahú iha segunda feira (12 Abril) to'o ohin kinta (15/04) hafoin entrega mate isin ba Familia Matebian ho Lider Nasional Kay Rala Xanana Gusmão.

Intrega Mate isin ho prezensa husi SIJK iha izolamentu Vera-Cruz, Kinta (15/05) ohin lokraik ne’e, lider Karismatiku Xanana Gusmão husu labele halo violensia iha estadu direitu demokratika no bainhira halo ona violensia ne’e laos ona estadu demokrasia. “Ita la halo violensia iha ne’e, ita respeita tiu ho maun polisia sira, karik ita halo violensia sira kumpri sira-nia dever atu hanorin ita,”dehan Xanana.

Ne’e dunik, nia dehan laiha ema ida mak manan fali ema ida, tanba mai iha ne’e la buka atu hatun no sei laiha liu, Maibe atu hadia prestasaun povu kona-ba pandemia covid-19, ne’e duni entidade hotu sei ajuda nafatin estadu, governu, saude no seguransa ninian. “Tanba bainhira presiza ita atu koalia ho povu atu tuir regras protokolu, Presiza hatur lialos ba,” Apela Xanana.

Nia hatutan, Ho ida ne’e komprimisiu liu no mai iha ne’e dehan covid laiha atu bolu atensaun deit forma halo buat sira ne’e mak halo povu la fiar tiha no tenke muda. “Ita la kritika, maibe ita bolu atensaun de’it katak imi muda ami mos sei apoiu imi,” Xanana fo hanoin.

Eis Primeiru Ministru ne’e mos agradese ba iha governu, Ministriu Saude no SIJK hodi servisu hamutuk no vontade atu hanoin hodi rezolve tiha prolema ne’e.

“Hau fiar ba oin ita hotu sei rona bainhira Governu koalia kona-ba Covid, ita tenke apoia atu ita labele hetan Covid,” Nia relata. Nune’e, Xanana husu atu labele halo viva no basa liman tanba atu lori mate isin lori sai husi Vera-Cruz. Aliende ne’e, nia mos husu atu lori mate isin ba halot tiha hotu-hotu ne’ebe iha fatin ne’e fila tenke teste swab. (BT)