DÍLI----Diretor Kompiñia Bobolait Carlito M.S. Pereira Informa katak Kompañia Bobolait ho komunidade tomak no joven sira iha Kulu-Hun sei koopera hodi asegura edifisiu BNCTL Kulu-Hun Boboalit oinsa banku ne’e lao ho diak.

“Ba ami kulu-hun tomak iha area Díli timur ne’e labele lao to iha plaza ne’eba maibé ami sei asegura fatin BNCTL kuluhun bobolait ne’e atu problema la iha ne’e tanba ami kolabora ho joven sira hamutuk para banku ne’e bele lao ho diak nafatin,” Hatete Diretor Kompañia Bobolait Carlito M.S. Pereira liu husi nia diskursu iha edisifiu foun BNCTL Kulu-Hun Bobolait Díli, Kuarta (14/04).

Enkuantu, Iha fatin hanesan Prezidenti BNCTL Antonio Vitor mos husu agradese ba Kompañia Bobolait ne’ebé oferese fatin no sai parseiru diak nomos kolaborador ho BNCTL. “Ha’u husu agradese ba kompaiña Bobolaitne’ebé sai ita-nia parseiru diak, laos deit ho estabelesementu iha ne’e maibé hanesan kolaborador ona ho BNCTL iha ita-nia edifisiu Oe-Cusse,” Dehan Antonio

Maibé agora tan ho komunidade ida ne’e ho laran luak oferese espasu ida ne’e para ita atu uza hanesan banku ida ne’e hatudu katak laos hanesan ita-nia kliente saida deit espesial deit maibé ema ida ne’ebé hamriik hamutuk ho BNCTL. “Ita espera katak labele hamriik deit maibé ita lao hamutuk ho BNCTL too rohan tanba ne’e komunidade ida ne’e labele lao dook tan maibé hakbesik an deit ba BNCTL kuluh-hun Bobolait ne’ebé mak iha fatin refere,” Sujere no Esperansa-nia (BT)