DÍLI----Ministru Agrikultura no Peska (MAP) Pedro Dos Reis Informa, Kona-ba irigasaun ne’ebe mak hetan estragus husi mota, Ministeriu Agrikultura no Peskas kontaktu ona setór privadu sira iha Munisípiu sira hodi bele fó ajuda hasai sendimentasaun iha irigasaun laran, ne'ebé mak hetan estragus husi udan boot ne'ebé mak akontese iha semana kotuk.

“Medidas ne'ebé mak atu foti, ami kontaktu ho setór privadu sira ne'ebé mak iha terenu hodi halo atendimentu,” Dehan Ministru Agrikultura no Peska (MAP) Pedro Dos Reis akompaiña lansamentu AstraZeneca iha Sentru Saúde Formoza Díli, Kuarta (07/04).

Governante relata, Korenti mota ne'ebé mak boot hodi estraga irigasaun natar iha teritóriu laran tomák, tanbá ne'e mak MAP kontaktu direta ho emprezáriu sira hodi fó apoiu. “Irigasaun korenti mota estraga oituan, soke sendimentasaun makás hodi taka irigasaun laran ne'e hotu,” Salienta nia.

Tuir nia, medidas ami tenki foti tanbá ami labele destaka ami-nia operador husi Dili ba tanbá Díli implementa hela Serka Sanitária ho númeru ne'ebé mak áas, karik ami mobiliza ba orsida públiku interpreta sala katak, sasan ne'e liu husi ema seluk, maibé operador mak lori ba. Ho ida ne'e, “Ami tenki komunika setór privadu sira, hodi bele hala'o atendimentu hodi bele hasai tahu ten sira ne'ebé mak iha baleta no irigasaun laran,” Tenik nia.

Tanbá ne'e, prosesu tuir primeiru epoka ne'e komunidade sira kuaze kuda hotu ona, karik Bee laba komunidade nia haree kulit bele mate hotu tanba MAP identifika fátin ne'ebé mak hetan estragus husi mota, kuaze iha teritóriu laran tomák no dau-daun ne'e ami-nia atendimentu mós iha kuaze hotu.

Nia Relata tan, Dadús ne'ebé mak hetan estragus provizoriu hanesan iha Kasa besik 400 hektares, Oebaba produtivu ne'ebé mak boot ne'ebé estragus husi mota Kitai maibé MAP iha salvasaun, iha Munisípiu Maliana 2 laiha problema, tanbá fulan-5 no fulan-6 ami foti ona medidas hodi salva situasaun ida ne'e, kuaze 1500 hektares la'o di'ak.

Nia Informa, Orsa ne’e dadaun ekipa seida'uk halo destaka iha Munisípiu, maibé ami halo koordena ho lider komunitáriu, Prezidenti autoridade no Diretór Munisípiu sira no agora servisu la'o hela, ami labele husik selae ema nia hare mate hotu. (BT)