DÍLI----Emprezariu Timoroan Na'in ba Agua Gota, Nilton Gusmão husu ba VIII Governu atu kria Politika afavor ida ba Setór Privadu sira hodi kontinua emprega trabaladores Timoroan sira iha rai laran.

“Husu ba Governu bele halo politika ida afavor mós ba Setór privadu tanba setór privadu sira ne’e mak empréga Traballador Timoroan sira, portantu atividade ekonomia sira ne’e mantein nafatin atu ita bele fó servisu no kontinua nafatin loke kampu traballu ba Timoroan sira,” Hateten Emprezariu Timoroan Na'in ba Aqua Gota Nilton Gusmão ba Jornalista sira hafoin distribui sasan ba Refuziadu sira iha Salaun Dom Bosco Komoro, Segunda (05/04)

Nia hatutan, Rezolusaun Governu nian ne’ebé mak hasai ho medida serka Sanitaaria ne’ebé lao iha Díli laran inklui Munisipiu sira seluk ne’ebé mak afetadu ba Covid, ne’e Setór privadu sira ekonomia mono maibé kontinua lao maibé la normal. “Ita moris hela iha serka sanitaria atividade ekonómiku mono oituan la signifika katak ita paradu maibé ita kontinua lao nafatin ho protokolu saúde nian maibé ho neneik ita espera katak moras Covid-19 ne’e bele Ultrapassa lalais atu situasaun ekonómia bele rekopera hikas,” Tenik nia.

Maske iha situasaun serka sanitaria ne’e fó espassu oituan ba Kompañia sira maibé Produsaun kontinua lao nafatin no fornese kontinua lao ba Loja sira maske monu oituan, no inklui traballadores sira. “Traballadores sira kontinua halo servisu maibé mai halo rotasaun atu hamenus ema nia konsentrasaun tuir protokolu saúde nian, maibe ami kontinua maske ami muda part time, maibé ema mantein la despede Traballadores sira,” Katak nia.

Nia Hakotu, Saláriu ba Traballadores sira mós kontinua mantein la iha problema ho salariu ba traballadores maske ho situasaun serka sanitaria no muda rotasaun maibé salariu mantein hanesan situasaun babain, tanba ita foin hasoru SS fulan ida ou Rua, se ba Fulan-6 hanesan ne’e difisil ona ba Kompañia, maibé sei iha fulan ida ou rua ne’e empreza sei iha kbi'it atu rezolve situasaun ne’e. (BT)