Asuransi

DÍLI----Ministeriu Administrasaun Estatal (MAE) dau-daun ne'e rekolla ona dadús no finaliza ona hosi benefisiáriu sira iha teritóriu laran tomák, hamutuk milaun 1.5 seí iha diretu hetan Cesta Básica hosi Governu. Ministru Administrasaun Estatal (MAE) Miguel Pereira de Carvalho informa dau-daun ne'e dadús sira ne'e fornese ona ba Ministériu Koordenadór Asuntu Ekonómiku MKAE, hodi nune'e bele planu ba diskusaun ho komunidade sira iha tempu oin mai.

“Dadús ne'ebé mak hosi Ministériu Administrasaun Estatal simu hosi Suku Teritóriu laran tomák, konfirma ba membru agregadu familia hotu, no sidadaun sira ne'ebé mak atu hetan nesesidade sesta básika ne'e Milioens 1.5 ba benefisiáriu," Dehan MAE Miguel Pereira De Carvalho hafoin remata enkontru iha Konsellu Ministru ba Jornalista sira iha Palásiu Governu, Kuarta (21/10).

Governante ne'e haktuir, dadús ida ne'ebé mak Ministériu fornese ona ba iha Ministériu Koordenadór Asuntu Ekonómiku (MKAE), atu bele trasa Planu hodi bele hala'o distribui ba apoiu Cesta básica ida ne'e rasik. Nia admiti, identifikasaun ba benefisiáriu sira ne'e, utiliza dadús agregadu familia ne'ebé mak antes ne'e MSSI utiliza hodi halo pagamentu ba apoiu umanitariu $200.

MAE uza fila-fali dadús sira ne'e, hodi tun fila-fali ba Xefí Suku no Xefí Aldeia sira hotu, hodi konfirma kada Xefí familia iha membru familia hira, no tuir fixa familia ne'ebé mak rejista ona iha kada Suku, ne'ebé mak komunidade sira iha teritóriu laran tomák ba rejistu antes loron 8 fulan Maiu tinan 2020. Miguel profinda, sira ne'ebé mak rejistu ona iha livru Suku, ne'ebé hetan fixa familia antes loron 8 fulan Maiu, Xefí Suku sira mak seí verifika no Bazeia fixa familia ne'e rasik, mak Xefí Suku sira hodi mai iha Ministériu Administrasaun Estatal, ho total benefisiariu kuaze Milioens 1.5.

Governante konfirma, iha loron 8 fulan Maiu tinan ida ne'e, Suku sira hotu iha Timor-Leste, rejistu ona Xefí familia no nia membru familia sira ne'ebé iha livru Suku hotu, ne'e responsablidade Xefí Suku sira, tenki bele rejista kada Xefí familia no nia membru familia sira iha fixa familia laran. Alende ne'e mós cesta básica MKAE prevé orsamentu kuaze Milioens $71, orsamentu hirak ne'e mak seí distribui no fó apoiu ba cesta básica iha fulan rua Novembru no Dezembru tinan ne'e.

Ekipa Ministériu implementadór sira hanesan MKAE, MTKI, SEKoop no entidade sira seluk, hodi halo kompra, bainhira distribuisaun ne'e to'o iha fila-fali ba lideransa autoridade lokál bainhira sasan sira ne'e to'o iha Suku no Aldeia. Alende ne'e mós hosi Ministru Koordenadór Asuntu Ekonómiku Governu Prepara liu semana oin, bele hala'o ona lansamentu, tanbá iha preparasaun finál nian.

Governante konfirma, tenki sura ho realistiku, tanbá iha posiblidade lato'o, maibé ita sura mós sira nia siklu epoka, tanbá programa ne'e ninia intensaun seluk atu estimula. Tanbá iha informasaun dehan saláriu maximu labele hetan sesta básika, maibé Ministru ne'e esplika Lei la bandu ema iha hotu diretu hetan sesta básika, tanbá lei dehan ema hotu iha diretu hetan nesesidade basiku. (BT)