Asuransi

DÍLI----Primeiru Ministru (PM) Taur Matan Ruak deklara iha debate espesialidade, iha Parlamentu Nasional hatete katak VIII Governu sei kontinua nafátin defende Kadoras mai Timor-Leste tanbá estadu servisu makás ona. Tuir Xefí Governu Taur informa hakarak no lakoi tenki dezenvolve Greater Sunrise nune'e bele fó rezultadu di'ak ba jerasaun foun.

“Hakarak no lakoi ita tenki dezenvolve infelismente ko’alia Greater Sunrise ne'e dalaruma ha'u seí eskola, maibé ha'u nia fu’uk mutin ona, maibé seidauk ha'u espera iha ainda iha hau nia jerasaun ninian rezultadu seí iha,” Dehan Xefí Governu Taur hafoin remata Orsamentu Jerál Estadu 2020 ba Jornalista sira iha resintu Parlamentu Nasionál, Kinta (08/10).

Nia hatutan, Husi Failansu ne’ebe mak iha ka hasoru halo ita hodi bele kontinua servisu makás, nasaun no povu tomák, ne'ebé mak servisu makás hodi nune'e ita bele dezenvolve rekursu ne'e. Nune’e hanesan Xefe do governu nia hanoin osan ne'ebé mak mai rekursu ne'e benefisiu ita tomák, maibé ba jerasaun foun sira tuir mai. Primieru Ministru kontinua argumenta katak, “Governu servisu makás hodi dada mai, no dada ba ne'ebé, halo servisu no ita nia ambisaun hodi lori mai, maibé ita mós tenki tau atensaun ne'ebé mak ba Mina Rai nian, tinan hira liu ba milloens $113,” Salienta nia.

Nia esplika, foin dau-daun iha tempu Covid-19 nia laran $20, agora sa'e tia ona $40, ita espera katak nia presu ne'e di'ak ema halo investimentu no ita halo investimentu laiha benefisiu ba ita nia rai. Xefe Governu, sujere programa bo’ot ne’ebe mak governu prioritariu liu, mak planu rekoperasaun ekonómiku, nia valor milloens $113 ne'ebé mak seí ba diresaun ba ita nia komunidade sira, emprezarial traballadór formal no naun formal.

Ho nune'e Governu seí servisu makás los, hodi nune'e bele implementa programa ida ne'e, iha kurtu prazu iha fulan rua nia laran, tanbá nia kontinuasaun seí mai orsamentu 2021. “Dalaruma ita nia asesor sira mak sala, ita dehan Governu mak sala hotu, ne'ebé ita aprende hanesan ne'e, maibé naturalmente Governu halo esforsu hodi nune'e bele kontinua hadia tanbá ne'e mak tinan ba tinan mellora nafátin, hodi aprezenta orsamentu ida, estruturalmente konvenset nia konteudu ne'ebé mak di'ak, no tuir ita nia konstituisionál tuir ita nia lei no tuir rejimentu Parlamentu Nasionál nian,” Informa nia. (BT)