Asuransi

DÍLI----Maske Timor-Leste gasta ona osan billaun $12 hosi Fundu Petroliferu, maibé povu Timor-Leste 46% mak sei kontinua moris iha kiak no mukit nia laran iha multi-dimensional tanba laiha asesu ba servisu béziku. Nune’e Timor-Leste ukun-an tinan saunulu resin ualu (18) maibé estadu gasta ona fundu petroliferu billaun $12 maibe povu kontinua moris kiak hanesan asesu ba iha nesesidade bazika bee-moos, saúde no edukasaun ne’ebé seidauk adekuadu.

Tuir sosiedade sivil Lao Hamutuk Elizaria Fabe Gomes hatete, Governu seidauk uza riku soin mina no gas ne'e ho kuidadu atu hadi’ak povu ki’ik sira nia moris ki’ak tanba durante tinan 18 ona maibe povu kontinua moris iha pobreza nia laran. “Setór hirak ne‘ebé potensiálmente bele eleva povu sira nia moris kontinua la hetan mudansa signifikativu. Governu no parseiru dezenvolvimenlu sira nia relatoriu 2019 fó sai katak populasaun 36% iha Timor-Leste nafatin moris ho kondisaun inseguransa ai-han kroniku. Uma ka’in 15-37% de’it mak iha kbi’it asesu hahán loro-loron ho nutrisaun kompletu 3.46% labarik ki’ik sira ho idade menus tinan 5 moris ho kra'es badak ka (stunting) no 40% mak todan menus,” dehan Elizaria Fabe Gome iha nia apresentasaun kona-ba OJE 2020 nia iha salaun FONGTIL, KAIKOLI, Tersa (29/09).

Nia Hatutan, Ukun na’in Timor-Leste presiza duni atu realiza tuir prinsipiu husi Artigu 139 iha Konstituisaun RDTL nian no Fundu Petroliferu katak riku-soin úniku ida ne’e ninian benefisiu ba duni povu no merese duni atu hadi’ak sira nia moris no tuir duni sira nia kondisaun real, la‘os tuir ambisaun politika ukun na’in sira nian hodi sakrifika nafatin povu ki’ik sira nia moris no jerasaun sira tuir mai. Ho nune’e, liu husi submisaun ida ne'e ami hakarak fahe ami nia perspetiva no kontextu jerál bazeia ba ami nia analiza sira ne’ebé karik bele ajuda mos distintu Deputadu/a sira iha debate plenária durante prosesu OJE 2020. Maske Parlamenlu Nasionál iha de‘it tempu badak nia laran hodi halo diskusaun Orsamentu rua ba tinan ne’ebé diferente, hein katak ita bo’ot sira bele uza kna’ar Konstituisional atu diskute kle'an ho Governu kona-ba proposta ida ne‘e.

Sosiedade Sivil mós preokupa Oinsa Garante Ezekusaun ho saida mak lmplementa ona iha OJE ba tinan 2020 ne’ebé ho emerjensia. “Situasaun impasse politiku, transferánsia orsamentu estraordináriu ba estadu emerjénsia, no volatilidade ekonómia mundiál ne’ebé mosu husi pandemia Covid-19 nian, fó dezafiu oin-oin ba implementasaun programa Governu nian durante tinan ne'e. Maske implementasaun OJE 2020, bele fó seneza, transparánsia. Apoiu ba programa Governu nian, ita presiza konsidera mos realidade katak susar tebes karik perigozu atu gasta osan bo’ot ho lalais durante fulan 1 molok tinan 2020 remata. Governu presiza asegura kalak OJE 2020 la enkoraja Ministériu ka implementador sira atu gasta fundu ho lalais, la hanoin naruk no la ho planu ne'ebé konkretu no realistiku.

Ezemplu alokasaun proposta OJE 2020 iha Ministériu Transporte no Komunikasaun, ne'ebé hetan alokasaun tokon $6.5 iha proposta OJE ida ne'e. Montante ne’ebé Ministériu presiza gasta ho 69% iha sira nia alokasaun tomak durante fulan tolu de‘it molok tinan remata. Husi montante ne'e, alokasaun ba bens e servisus 25% mak gasta ona no ba fulan tolu tuir mai sira presiza gasta tan 75%. Maske, dezenvolvimentu transportasaun no komunikasaun mos importante. Ita presiza konsidera kapasidade instituisional atu gasta orsamentu ida ne'e durante tempu badak. Iha posibilidade katak presaun atu gasta orsamentu ho lalais bele hamenus kualidade programa no elisiénsia ba implementasaun programa iha instituisaun refere.

Tuir peskiza katak Husi alokasaun tomak ba Ministériu Turizmu, Komérsiu no lndústria hatudu katak restu ba gasta fulan tolu 46%. Ministériu hirak ne'e, sai hanesan ezemplu husi tendénsia kapasidade ezekusaun ba tempu badak nia laran. “Instituisaun Tribunal sira iha sira nia alokasaun ho tokon $4.9 ba tinan ida tomak, maibé iha sira nia ezekusaun hatudu katak sira bele gasta tan 45% durante fulan tolu nia laran. Husi alokasaun tomak ba Ministériu Turizmu, Komérsiu no lndústria hatudu katak restu ba gasta fulan tolu 46%. Ministériu hirak ne'e, sai hanesan ezemplu husi tendénsia kapasidade ezekusaun ba tempu badak nia laran ne'ebé ministériu no ajénsia sira seluk bele hasoru iha sira nia ezekusaun ba tinan ida ne’e,” dehan nia.

Sosiedade enkoraja, Parlamentu Nasionál atu analiza kle'an ba kapasidade no nesesidade sira iha kada Ministériu nian liga ho sira nia alokasaun orsamentu ba OJE 2020, Enkoraja Governu Atu Nafatin Kumpre Prinsipiu Transparénsia inklui ba RAEOA-ZEESM. Sosiedade sivil nafatin duvida ba transferénsia espesiál ne’ebé Governu propoin ba iha RAEOA-ZEESM ho dotasaun ba iha transferénsia publika ho montante tokon $76. Aleinde simu parte disproporsional husi 015, ZEESM to'o ohin loron seidauk konsisténsia ba informasaun no justifikasaun klaru ba sira-nia akontabilidade orsamentél.

Mekanizmu transferénsia ida ne'e taka dalan ba prosesu transparénsia no akontabilidade publiku ne'ebé normal hanesan sira seluk. Ami apresia més ba publikasaun relatériu atividade sira no protesaun de kontas finanseira durante trimestre primeiru ba dotasaun orsamentu 2020. Maibé, to’o agora RAEOA-ZEESM seidauk iha lei espesifiku ne'ebé obriga sira atu publika despeza iha Portal transparénsia. Entidade hotu iha Timor-Leste, presiza aplika sistema transparénsia no akontabilidade ne'ebé justu, hodi nune'e publiku bele tau matan no bele sai na’in ba projetu ida ne’e.

“Ami hanoin katak, RAEOA-ZEESM la presiza hetan transferénsia espesiál tanba RAEOA-ZEESM mos hanesan instituisaun publika iha estadu Timor-Leste. Iha parte seluk, bainhira ita halo aprosimasaun ha iha kontribuisaun no kometimentu kona-ba sira nia jestaun husi RAEOA rasik, seidauk fó retornu di’ak ba iha ekonomia Timor-Leste kompara ho saida mak Governu aloka ona ba sira, ida ne'e bele nota husi reseita ne'ebé menus husi tokon $5 durante tinan hira liu ba. Ami mós kestiona kona-ba tokon $31 ba iha Fundu Dezenvolvimentu Espesié iha alokasaun ZEESM. Tuir prinsipiu transparénsia no akontabilidade, ita labele fó "Cheque branca" (xeke mamuk) ba entidade se de’it,” Esplika nia.

Alokasaun ne’ebé tu’un ba Projetu Tasi Mane hanesan pasu pozitivu, kuaze tinan sanulu nia laran Governu gasta ona tokon atus barak ba iha Projetu Tasi Mane ne’ebé mak sei nafatin iha inserteza no seidauk iha prova katak projetu ida ne’e bele fó duni benefisiu ba povu Timor-Leste nia moris ba iha tempu naruk.  “Ba tinan ida ne‘e, ami apresia VIII Governu tanba redus ona alokasaun orsamentu ba Projetu Tasi Mane ba tokon $17 direta no indireta aloka ki’ik liu kuaze 73% kompara ho despeza iha tinan 2019 no tu’un 85% kompara ho tinan 2018.

Ami flar katak Governu sei muda nia diresaun no halo investimentu masimu ba setór importante sira ne'ebé sei fó benefisia direta ba komunidade sira nia moris di’ak. Tanba to'o ohin loron seidauk iha avaliasaun independente ba projetu ida ne’e, dala barak peritu sira fó sai katak projetu ida ne'e tenke hetan avaliasaun kompletu hodi bele hatudu analiza ba kustu no benefisiu sira inklui mos nia risku sira iha futuru oin mai. Ho nune'e, ami apresia mos ba vontade di'ak husi Ministru MPM no Prezidente Timor Gap ne'ebé sempre fó sai ba média katak iha inisiativa hotu halo revizaun ba estudu hotu-hotu relasiona ho projetu bo’ot sira mina no gas nian inklui projetu Tasi Mane,” Dehan nia.

Sosiedade sivil enkoraja atu Governu bele avansa ho estudu independente hodi fornese analiza ka estudu kredivel kona-ba kustu, benefisiu no risku sira husi Projetu Tasi Mane no Greater Sunrise, hodi bele asegura maxima benefisiu ba povu Timor-Leste no redus risku sira ne’ebé bele prejudika nasaun nia integridade sosiu ekonómiku. Realidade ema barak mak rekonese ona katak Timor-Leste nia rezerva mina Bayu Undan besik mamuk ona, maibé ita nafatin kontinua la fó importénsia ba investimentu ekonomia naun-petroliferu sira, ne’ebé importante tebes ba moris di’ak povu nian.

Nune’e, Sosiedade Sivil enkoraja Governu atu fó atensaun di'ak no sériu ba dezenvolvimentu ekonomiku no sosial bazeia ba faktu sira, la'os fantazia. Eleva ekonomia ki'ik povu sira nian bele garante moris sustentável, tanba produsaun husi rai laran seidauk dezenvolve atu hamenus dependensia fundu petroliferu. Situasaun produsaun agrikultura rai laran to’o 2020 hatudu katak ita-nia setór produtivu seidauk dezenvolve didi’ak hodi hamenus ita nia dependénsia ba Fundu Petroliferu ne’ebé limitadu tebes. “Iha setór agrikultura, produsaun ai-han nafatin laiha mudansa signifikante kompara ho tinan sanulu liu ba no laiha diversifikasaun ai-han atu hamenus ita-nia dependénsia ba importasaun foos.

Iha tinan 2019 TImor-Leste nia produsaun foos nasional mak tonelada 47,822 de'it, kuaze hanesan kompara ho produsaun nasionál iha tinan 2008 ho tonelada 48,154. Produsaun batar iha 2019 tu’un ba tonelada 75,690, ki'ik liu kompara ho produsaun iha 2015 ho tonelada 95,433. Kategoria sira OJE ba tinan 2020 OJE tomak tokon $1,497. “Situasaun ne’e halo ita ninia dependénsia ba ai-han importadu sira aumenta ba beibeik, no bainhira hasoru situasaun hanesan COVlD-19, ita hetan ameasa bo’ot ba ita nia seguransa ai-han. Setór agrikultura sai fonte ai-han no rendimentu prinsipál, liu 64% uma-kain iha Timor-Leste. maibé setór ne’e kontinua la hetan prioridade,” Salienta nia.

Nia haktuir, lda ne’e tanba falta de vontade politika no vizaun estratéjiku ida ne’ebé konlextual kona-ba oinsa dezenvolve no proteje setór agrikultura sai pilar forte Ida ba Timor-Leste nia ekonomia Tanba laiha vontade politika, vizaun no estratéjia ne’ebé klaru, tinan-tinan alokasaun OJE ba agrikultura (ne’ebé menus husi 1% iha proposta OJE 2020) kontinua gasta barak ba sosa no fahe simu (input) oin-oin hanesan imi adubus no mákina sira ba halo produsaun, maibé la konsege transforma ba setór agrikultura sai setór ida ne’ebé forte, ita bele hare to’o ohin loron, produsaun ai-han la sa'e area kultivasaun tu’un ba bebeik, dadus estatistika agrikultura la kompletu no la kredivel, MAP laiha kapasidade kontrola moras animal hanesan Africana Sweme Flu, indL’Isma prosesamentu produtu agrikultura la dezenvolvidu, no tinan-tinan ita-nia importasaun ai-han sa’e ba bebeik. Ezemplu, konkretu iha leten ba setór agrikultura hatudu katak Governu kada tinan maski hasai osan barak ba 0JE, maibé montante hirak ne’e la benefisia ba povu agrikultór sira atu hetan moris di’ak no saudável hodi garante oportunidade servisu ne’ebé dura ba tempu naruk.

Sosiedade Sivil observa katak Ministériu Asuntu Ekonomiku hahu koordena ona ho Ministériu komérsiu, no industria, Sekretariu Estadu Kooperativa no Ministériu Agrikultura atu oinsa orienta agrikultor sira hasa’e produsaun ai-han iha rai laran hodi fornese ba “Sesta Baziku,”. Nune’e ho Modelu ida ne'e, bele insentiva agrikultor sira atu produs barak liu tan hodi fornese ba programa ida ne’e. Maibé, ami nafatin enkoraja Governu atu la repete esperiénsia sira iha programa pasadu, hanesan programa “Povu Kuda Governu Sosa” no “Loja do Povu”. Ami fiar. programa foun ida ne’e la’o ho mekanizmu klaru liu-liu oinsa atu sosa produtu agrikola iha merkadu lokál no mós husi agrikultor rasik ho intensivu hodi hametin ekonómia iha baze no iha territóriu tomak.

Tuir rekomendasaun Komisaun Rekuperasaun Ekonomia, Governu sei fornese voucher ba sidadaun ida-idak ne'ebé hela iha érea urbana iha munisipiu hotu. Ami rekomenda ba Governu atu asegura katak voucher sira hotu bele válidu ba iha merkadu lokál sira atu nune’e benefisiu husi programa ida ne'e bele hadi’ak direta ekonomia povu ki’ik sira. “Ami hein katak OJE 2020 bele hahu halo diskusaun kle’an ba setór save sira. Ami mós rekonese katak OJE 2020 hamosu iha situasaun normál atu halo diskusaun maibé, ami espera ita hahu iha OJE ne’e halo diskusaun kle’an liu tan ba iha OJE 2021 kona-ba setór produtivu sira. Públiku presiza hatene kle’an kona-ba tusan ne’ebé gasta no fó impaktu iha Futuru, Governu ne'ebé fó sai ona informasaun sira iha proposta ba atu gasta osan husi empréstimu sira ne'ebé hamutuk tokon $60 iha tinan 2020.

Ami apresia ba Governu ne'ebé fó sai ona informasaun sira iha proposta ba atu gasta osan husi empréstimu sira ne'ebé hamutuk tokon $60 iha tinan 2020. Maibé, tenke rekonese ita-nia situasaun ekonomiku no realidade kona-ba rezerva Fundu Petroliferu ne'ebé sei mamuk iha tempu badak no produsaun Bayu-Undan sei remata lalais. La‘o Hamutuk konsidera katak ita la bele kontinua atu selu Timor-Leste nia kapasidade atu selu fali deve bazeia ba GDP no reseitas ohin loron nian. Bainhira Fundu Petroliferu mamuk, no produsaun Bayu-Undan remata ona, sasukat ne'ebé governu no ajénsia internasionél uza atu hatene risku husi deve sira bele hatudu risku ne’ebé a’as liu,” Esplika nia.

Nia Esplika rasio entre reiembolsu divida ho reseita no rasio entre divida esterna relasiona ho Produtu Interna Brutu (PIB) hatudu Timor-Leste la hasoru risku bo’ot direta husi empréstimu. Maske nune‘e, Governu seidauk públika informasaun kona-ba kalkulasaun rua refere bazeia ba situasaun iha tinan 2035, Bainhira Governu estimatiza FP sei mamuk, ita presiza hatene risku husi deve ne’ebé ita hasoru ohin loron, no risku sira ne’ebé ita sei hasoru iha futuru. Projesaun no informasaun ne’ebé Governu publika iha proposta OJE 2020 seidauk fó informasaun loloos kona-ba obrigasaun atu selu ba fali no risku sira iha futuru.

Nia informa, Bazeia ba informasaun iha livru 1 OJE 2020 mos fó sai kona-ba planu bareira akordu empréstimu foun nian ho montante tokon $200. No Ida ne'e la klaru ho informasaun sira kona-ba se mak sei sai kreditér. Mekanizmu atu selu oinsa, no to’o tinan hira mak Timor-Leste tenke selu fali inklui detallu sira kona-ba distribuisaun iha bareira refere kona-ba modelu husi objetivu empréstimu, ezemplu hanesan planu bareira ba 40% ba bee-moos no saneamentu seidauk klaru ba modelu saida mak Governu planu atu aplika, no ita nia kapasidade atu selu fali bainhira Timor-Leste laiha ona reseita FP. Tuir mai, ami sujere katak Governu tenke fornese informasaun no projesaun kle'an no loloos kona-ba proposta empréstimu foun, hanesan ho kontratu empréstimu ne'ebé Governu asina tiha ona.

Rekomendasaun sira Ami sujere katak Governu aloka orsamentu ba lnstituisaun sira bazeia ba kapasidade implementasaun durante tempu badak ida ne'e no ami enkoraja Parlamentu atu ezijee akontabilidade hanesan ba ZEESM hodi aplika ba fundu publiku sira seluk ho hanoin katak Parlamentu no ukun na'in sira seluk bele halo monitorizasaun projetu ne'e ho efikés no rigorozu liu tan. Maske La'o Hamutuk apresia ho alokasaun orsamentu ki’ik ba Projetu Tasi Mane durante tinan 2020, maibé ami sujere atu Governu suspende ba implememasaun projetu sira iha komponente Tasi Mane tomak to’o ita hetan nia rezultadu husi estudu kona-ba kustu, benefisiu no risku sira iha projetu ida ne'e.

Atu hasai Timor-Leste husi dependénsia ba importasaun foos no ai-han sira seluk, ne’e presiza iha komitmentu iha ekonomia rai laran, tanba VIII governu aloka ona Orsmentu atu rekoperasaun ekonomia iha tinan 2021. Nia dehan, Governu no entidade relevante sira presiza hametin no diversifika produsaun ai-han iha rai laran hodi eleva kualidade moris povu no hametin ekonomia familla. Ami observa katak alokasaun iha rekuperasaun ekonomia ba situasaun Covid-19 ho montante tokon $109 signifika katak Governu iha kometimentu atu prevene ba situasaun urjénsia. Ho nune'e, ami sujere atu Governu presiza investe Iha setór produtivu no setór sosiál sira hodi bele ajuda Timor-Leste bele adapta iha krize saida de’it.

Lao hamutuk sujere, “Ami sujere ba distintu Deputadu/a sira presiza diskute ho kle'an ba asuntu empréstimu no husu ba Governu atu fornese informasaun sira hotu kona-ba kustu no risku husi empréstimu bainhira Timor-Leste laiha ona rezerva husi FP iha futuru no detallu husi planu ba kontratu empréstimu foun ne’ebé Governu hatur iha Sira nia bareira (loans ceiling). La’o hamutuk rekonese katak OJE 2020 iha de’it fulan tolu nia laran hodi implementa programa sira, maibé ami sujere ba Governu iha futuru ba OJE tuir mai nafatin prioritiza ba nesesidade servisu baziku sira, hanesan bee-moos no saneamentu, edukasaun, saude hodi responde ba povu nia situasaun urjénsia,” Hateten nia.

Iha parte seluk tuir Pontu de vista akdemi Camilo Alves katak, Maske Timor-Leste foin ukun-18 maibe estadu Foti fundu Petrolifero billaun $12 maibé Povu Timor-Leste sei ki’ak maioria. “Timor-Leste parte ki’ak ne’e numeru 1, Timor ne’e maioria riku maibé la eskola mak barak, entaun ida ne’e aloka hotu ba ki’ak, atu moris di’ak ne’e nivél dependensia kada uma-kain,” dehan Camilo Alves ba Jornalista BT iha nia kna’ar fatin kanpus Lama Kaikoli, Kinta (01/10). “Atu kore Ita Nia Kia’k Ne’e Tenke Distribuisaun Ne’ebé Mak Hanesan Iha Ekonómia Distribui Liu Husi Haruka Oan Sira Ba Eskola Atu Nune’e Bele ba moris di’ka hodi bele hamenus kiak 46%,” tenik nia.

Tuir Pontu de vista akademi katak solusaun atu halakon povu Timor-Leste nia ki’ak husi porsentu 46% Presiza investe maka’as iha setór edukasaun no ekonómia, liu-liu iha area edukasaun. Tuir akademi katak Governu kada tinan foti fundu petroliferu 1-2 Billaun maibe Governu laiha hanoin katak Osan mina ne’e sei hotu iha tempu badak no sei fó impaktu mak Numeru ki’ak lao menus maibe aumenta babebeik tanba Govenru hanoin de’it mak foti osan husi Fundu maibe la analiza katak mina sei maran iha futuru no osan fundus sei hotu. “Timor-Leste presiza investe maka’as iha area edukasaun, tanba edukasuan mak halo mundansa ba ema nia hnoin no karakter, se edukasaun iha Timor Laran mak sei inalfabetu ne’e sei susar atu bele rekopera kiak husi pursentu 46%,” Informa nia. (BT)