Asuransi

DÍLI----Governu liuhusi Ministeriu Turizmu Komérsiu no Industria (MTKI) halo lansamentu programa fasilidade kréditu (Soft Loan) ho jurus porsentu 3 (3%) empreza ki’ik no mediu hodi haboot sira nia empreza, no iha loron hanesan MTKI asina mós akordu tékniku ho United Nation Development Program (UNDP) ho Banku Nasional Komersiu Timor-Leste (BNCTL) ho Instituto ao Desenvolvimento Empresarial (IADE)

Tuir Vise Ministru Turizmu Komérsiu no Industria (MTKI) Domingos Lopes Antunes hatete, MTKI halo lansamentu fasilidade kréditu no programa ida, hodi fasilita garantia kréditu ba mikro pekena no emprezaria sira. “Ohin halo lansamentu ida deskobre ba fasilidade barak iha kréditu, fasilidade kréditu ne’e hanesan programa ida ami halo konkordansia ida agénsia UNDP, atu halo programa ida ne’e, fasilidade garantia kréditu ne’e mak kria Soft Loan, impresta save ou kreditu ne’ebé mak ba empreza mikro pekena no empreza mediu sira,” Hateten vise ministru (MTKI) Domingos Lopes Antunes ba jornalista iha salaun MTKI Mandarin Dili, Segunda (21/09).

Nia dehan, Husi kreditu ne’e ho-nia objektivu atu haktuir ita-nia joven sira, ita-nia empreza sira ne’ebe foin hahu ho ita-nia empreza ezistente iha planu negosiu di’ak nomos halo negosiu iha area Agrikultura, Turizmu, Pekuaria, Peska No Industria Komersiu. Nune’e, Kréditu ne’e konkordu ho banku sira, estabélese 3% kada tinan ba mikro Pékenu atu asesu kápital ba kréditu Soft Loan ba minisipiu sanulu resin rua (12) no Rejiaun Administrativa Espesial Oe-Cusse Amabeno (RAEOA).

“Kréditu ami konkorda ho banku ohin ita hotu hatené ne’e prosesu naruk ida, konkorda banku ami estabélese 3% kada tinan ba mikro pekéna sira, no mos Soft Loan iha kritéira balun atu asesu ba kapítal atu asésu ba kréditu ne’e ninia karakter Soft Loan, entaun la’os fundu de’it mak ki’ik 3%, maibé iha mos periodu klasé, iha periodu klasé 3/6 kada fulan, ne’ebé ha’u dehan bainhira ita boot sira laiha no ita nia maluk sira halo kréditu, wainhira sira halo nia negósiu nia la selu diréita ba banku,” Dehan nia.

Nia afirma, BNCTL sei fó tempu oitoan ba sira fulan ne’en (6) hafoin selu osan, fundus ne’ebé apóiu ba asosiasaun garante kréditu nian, MTKI ho UNDP konkorda tau orsamentu $480 mill dollar. “Maibé fó tempu grasa oitoan ba sira ou fulan ne’en (6) hafoin iha selu osan, no prinsipiu ne’e ho fulan teste soft, fundus ne’ebé apóiu ba asosiasaun garante kréditu nian, MTKI, PNUD ka UNDP konkórda tau $480 mill dollares fase ona ba konta BNCTL, nain mak MTKI sei hamutuk no IADE, ohin akordu ida asina ho IADE atu hare’e gia ida ba impleméntasaun fasilidade garantiasaun Soft Loan atu nune’e labéle kria problema bainhira ema asésu” nia salienta. 

Nia esplika, MTKI hamutuk ho BNCTL iha planu negosiu ida hodi hasai fundu hamutuk $500 mill, maibe fundus ne’e ki’ik entaun labele fó ba ema hotu. “Ami haree de’it sira ne’ebé hala’o iha planu negosiu atu atribui ida ne’e, fundu ne’ebé ami hasai tiha ona tau hamutuk besik $500 mill, maibe fundus ne’e ki’ik entaun ita labele fó hotu ba ema hotu-hotu, maibé sira hatene funan ki’ik, ema hakarak mai ho aplikandu sei barak ami hanoin orsamentu 2021 tinan oin, ami hakarak propoin ba governu bele aumenta tan ba ida ezistensia ne’ebé ohin hau temi ita fundus pursentus limitadu, atu nune bele fó ba ema barak no emprezas barak liu,” Tenik nia.

Nia hatutan, Governu fó jurus kreditu ne’e ba munisipiu sanulu resin rua (12) inklui Oe-Cusse sei halo sosialijasaun ba area rural atu joven sira empreza foin hahú atu hatene prosesu ba fundu finanseiru iha planu negosiu ne’ebé sira halo. “Ida ne’e ba munisipiu sanulu resin rua inklui Oe-Cusse, sei halo sosializasaun ba area rural to’o iha minisipiu para joven sira empreza sira foin hahu atu hatene prosesu, depois aplika ba findu ne’e atu finanseiu sira nia planu negosiu, iha akordu ida ami halo ho BNCTL ne’e Soft Loan ba ema foin hahu negosiu, entaun ami deside hahu husi $1 mill to’o iha $25 mill dollares tamba sira foin hahu, ita akompaña lai, fó ifesti ida ki’ik maibé ho fundu ki’ik, bainhira sira ultra passa ona ba negosiu ida, sira gradua husi saida mak sira hahu ne’e sira bele ba iha komersiu nian ne’e ona, maibé banku dadaun ne’e oferese iha montante limite, sira bele asesu 30 mill to’o 100 mill,” nia subliña

BNCTL Orgullu ho Konfiansa Governu
Diretor Ezekutivu Banku Nasionál Komersiu Timor-Leste (BNCTL), Brigidio De Sousa hatete, esforsu tomak MTKI nian ohin konsege lansa kreditu ba mikro pekena ho médiu empreza sira. “Ami agradese ba ministru MTKI ne’ebé mak halo esforsu maka’as ohin loron ita realiza asina akordu hamutuk ho BNCTL atu implementa programa kreditu Soft Loan ba negosiu sira en’ebé mak iha mikro pekena no mediu empreza sira iha Timor-Leste,” dehan Brigidio De Sousa iha nia diskursu, lansamentu programa kréditu iha salaun MTKI, Mandarin, Segunda (21/09).

Nia hatutan, Programa ida ne’e hahu inisiu kedas halo inskrisaun iha V Governu konstituisionál, maibé Governu sira troka lalao ba oin, ami mós hein hela lideransa husi vise ministru nian ohin loron ita bele realiza akordu. Nia informa, akordu ida ne’e importante tebes, kooperasaun ho BNCTL ne’e importante Apoiu husi UNDP no husi parte emprezariu sira hotu, liu-liu ita hare’e katak iha programa ne’e hakarak oinsa mobiliza negosiu sosiál sira, hodi nune’e aselera atu ita bele atinji lalais Timor-Leste nia Dezenvolvimentu ne’ebé mak sustentavel.

“BNCTL hanesan banku komersiu no mós Banku Komersiu Timor-Leste nian, banku ita nia hotu sente orgullu hetan fiar ida ne’e, tanba ministeriu lahili banku seluk banku lima (5) kedas iha Timor-Leste maibé hili BNCTL ida ne’e hanesan onra boot ida ba BNCTL no husi parte ami ho nia dirijente sira hotu, ami kompremitidu katak programa ida ne’e kuandu hahu husi ohin ami halo esforu hotu atu implementa ho di’ak,” katak nia

Nia salienta, asesu ba finansas ne’e sei sai problema ne’ebé empreza sira hasoru ho rajaun oin-oin falta kolaterál no falta de konhesimentu, lei sira ne’e hotu, funan sei a’as tanba ne’e ema barak mak hakilar maibé buat sira ne’e obstaklu bareira sira ne’e hotu la’os banku sira mak hakarak atu inpoin maibé dala barak mós husi prinsipál husi ambiente negósiu iha Timor-Leste seidauk amijavel ba ita hotu, liu-liu ba setór privadu sira hotu no mós banku sira atu konsellu kreditu ho seguru.

“Ami sente katak programa sira hanesan ne’e bele ajuda liu-liu ba negosiu sira ne’ebé mak ita hare’e foin hahu estudu liu-liu joven sira ne’ebé foin eskola hotu hanesan eskola vokasionál sira ne’ebé mak iha konesementu iha kapasidade maibe simplemente sira hakarak negosiu iha espiritu emprendorizmu maka’as teb-tebes maibe felizmente sira laiha kapitál atu hola ekipamentus atu investe buat ruma, ga atu investe buat ruma no selu ema atu servisu, nune’e sira bele hetan fasilidade kréditu ida ne’e sira bele hetan apoiu finansiamentu husi banku, ho funan ne’ebé ho 3% funan ne’e ki’ik liu banku hotu-hotu iha Timor-Leste,” nia hatutan.

Nia informa, karik iha mundu 3% ne’e jurus ne’ebé ki’ik teb-tebes, ha’u bele dehan katak BNCTL sei la manan buat ida, 3% ne’e jurus eletrisidade maibe ida ne’e la’os problema ba BNCTL, “Ha’u fó fila ona tanba ne’e graduamente jurus kréditu BNCTL uluk 18% agora tun to’o 6% entaun banku ne’e Timor nian, banku estadu nian maske ho limitasaun hotu-hotu maibe koko atu gradualmente hatun jurus ne’e, maske ambiente ita nia negosiu iha Timor-Leste seidauk seguru kréditu ne’ebé Banku fó iha Timor-Leste konsideradu kréditu ne’ebé inseguru tuir padraun Internasionál nian, maibe dirijente BNCTL se halo no tauk risku, se buat hotu ita tau ba risku di’ak liu ita ba toba iha uma,” dehan nia

Reprezentante UNDP Munkhtuya Altangerel hatutan, dezenvolvimentu ba Empreza, Mikrok ki’ik no medium ne’e importante ba kriasaun Empregador esplikasaun ekonómia, maibe asesu ba Finanseiru sai nafatin Obstaklu ba sira nia dezenvolvimentu. Nia informa, dadaun porsentu 12% 180 joven 1105 Joven Mak servisu ba hasae Emprendedor nia rezultadu husi treinamentu oi-oin, kona-ba inovasaun implikabilidade no emprendedorizmu, maibe iha joven barak ne'ebe dezenvolve ona sira nia ideia negosiu, Maibé labele komesa tanba orsamentu limitadu.

Reprezentante UNDP hatete, Asesu ba finansas permite, empregador Aspirante sira, atu investe hahu haboot sira nia negosiu, no investe iha teknologia no hadia sira nia konektibilidade, UNDP kontente bele asina memorandu de entemdimentu Ba implementasaun konsiliasaun no ejekusaun sistema garantia imprestima ba negosiu sosiál, iha Elia koperasaun ha’at (4), implementasaun sistema garantia emprestimu ba negosiu sosiál,”

Iha fatin hanesan Vice-Ministra Turizmu Komunitaria no Kultural Inacia Texeira informa, “Ita ko’alia kona-ba Negosiu ne’e buat ne’ebá la fasil, negsiu presiza komitmentu no presiza sakrifisiu, negosiu mós presiza ema ida en’ebé mak inovativu no mós kreativu, tanba atu reinforsa setór privadu iha Timor ita sei iha prosesu naruk sei lao, maibé la tarde ita bele komesa agora. Vice-Ministra Turizmu Komunitaria no Kultural Inacia Texeira hato’o votus parabens ba susesu tomak ohin loron lansa ona. “desizaun ne’e faze importante tebe-tebes hodi halo memorandu atendiemntu ida ohin, ita foin konsege halo ida ne’e ho MTKI tan ne’e ha’u hakarak fó parabenss,” nia hatutan.

Nia hatutan, ba sosiál sira ne’ebé mak sosial negosiu, banhira nia atu rezolve pobreza ida nia mai ho konseitu no ideial ida ne’e, ha’u espera katak sosiál bisinis ida ne’e ami iha Timor ne’e hanesan dalan ida di’ak hodi bele atinji ekonomia sosiál ida ne’ebé sustentavel ba ekonomia nian no mós kria kanpu traballu no dalan ida atu ita akouzu probreza hodi reinforsa setór privadu iha Timor.

Nia klarifika, Matadalan ne’e ita sei hetan obstaklu ne’ebé mak barak tebes, liu-liu joven sira ne’ebé mak sei hetan kréditu atu ba prosesu ida ne’ebé mak naruk ida ne’e, maibe ho komitmentu no hanoin inovativu kreativas ha’u fiar katak papel husi IADE Nian importante tebes tanba tau hahu negosiu ne’e ita tenke iha mine chat no buss skill ne’ebé mak tau uluk,”

Nia husu ba CCI bele loke atividade ida iha ne’ebá ita bolu bisnis TOOK, ita koalia kon-ba negosiu oinsa joven sira bele hetan esperensia bele fahe ba malu, bele fahe hanoin ba joven sira atu bele iha esperensia bele hatutan ba. “Objetivu sosiál business ne’e husi nia prinsipiu klasiku katak atu hamenus probreza, esperansa katak bainhira ita kolabora hamutuk ho ajensia sira iha ne’e hamutuk bele atinji, naran katak hotu-hotu servisu di’ak iha ne’e ho ida ho laran ida de’it, hakarak lori nasaun ne’e ba oin iha kréditu ne’e tenke implementa sistema Transparensia justu no fé ba joven hotu,”

Nia husu ba BNCTL no CCI-TL atu halo matadalan ba iha area rural, atu sira mós asesu ba iha mikro kréditu ida ne’e, tanba iha nivel suku ne’e joven sira ida ne’ebé mak barak tebes kona-ba asesu kreditu ida ne’e, tanba matadalan ne’e importante tebes. Iha parte seluk Diretór Ejekutivu IADE Filomeno Belo nia agradese ba kooperasaun ho IADE, bele estabeles tamba prosesu ne’e hahu husi tinan kotuk.

“Ha’u lori IADE nia Naran hakarak agradese ba esforsu ida ne’ebe Ministeriu Turizmu Komersiu no Industriál (MTKI) halo kopera ho IADE, tanba komseptu ida ne’e diskusaun iha tinan kotuk liu maibe labele estabelese tanba prosesu ita hotu hatene, iha ita nia koperasaun ida ne’e, IADE orgullu tebes ba Vice-Ministru nia fiar, ba ita nia koperasaun ida ne’e, programa sira ne’bé asina ho IADE ne’e atu promove ita nia joven sira iha negosiu,” informa, Filomeno Belo.

Nia hatutan, kada tinan IADE Sempre halo kompetisaun planu negosiu invativu nasionál maibe ho koperasaun ida ne’e ami sente katak merese duni ita tenke foti husi kraik, kompetisaun planu negosiu inovativu sei mosu mai husi munisipiu sira, ida ne’e mak sai planu prioridade ba ami nia kooperasaun ne’e,” Iha programa asina akordu ne’e mós ohin iha programa ligasaun negosiu ligasaun entre produsaun na’in ho kompra na’in, inklui atu estabelese mós halo feira ba ita nia emprezáriu sira, ida ne’e ami IADE Prontu atu ejekuta, mai ita servisu hamutuk atu dezenvolve ita nia emprezariu sira iha Timor-Leste.

Iha fatin hanesan Prezidente CCI-TL Orcar Lima, hatete tinan barak ona maibe nia tenta Banku nasionál atu fó kréditu ho funan ki’ik, maibe ohin loron konsege realiza ona. “Ami kleur tebes ona mezmu ha’u sai prezidente Kamara Komersiu indsutria Timor-Leste iha tinan hira liu ba kotuk iha 2014 ha’u sempre tenta bebeik BNCTL, uluk pratikamente laiha kréditu kuaze, uniku banku fó kréditu oitua-oituan ne’e mak BNCTL,” hatete Orcar Lima.

Nia hatutan, pontu importante mak ne’e atu kapasita BNCTL atu oinsa mak BNCTL bele fó kréditu tanba Banku ida ne’e mak fó kréditu maka’as liu Timor-Leste ba Joven sira ho jurus ne’ebé ki’ik ami husu duni $250 dollares, maibe ami rona koordenador asuntus ekonomikus parese osan mak oituan de’it so bele aumenta de’it $5 millaun ha’u hanoin banku laiha buat ida atu halo la konsege hatun folin tanba osan ne’e boot ho razaun ida katak osan ne’e invez tau iha Amerika dada balun mai tau iha ne’e atu bele fó ba BNCTL no banku sira seluk tan se bele atu bele sira bele fó jurus ne’ebé ki’ik, bele aumenta kapasidade emprezariu sira-nia iha Timor-Leste sira bele diversifika sira nia-an.

Prezidente CCI-TL husu ba kréditu na’in sira atu bele responsabiliade ba kréditu ne’e tanba Govenru fó oportunidade. “Ha’u hakarak hatete ba Joven sira ne’ebé mak atu simu, halo favor jere osan ne’e ho didi’ak tanba BNCTL fó ba osan ne’e sein fó fila-fali ho nia lukru ne’ebé mak ki’ik 3% ne’e di’ak tebes ona ita boot sira sei hetan 3%,” nia informa.

Nia husu ba Emprejariu sira exerse didi’ak imi nia funsaun hanesan emprezáriu hetan oportunidade ida ne’e labele fó fali Koremetan, Lia-Adat no seluk tan, osan ne’e tenke koloka didi’ak pior liu tan mak hola kareta uluk wanhira seidauk iha lukru ne’e pior liu, tanba programa kréditu ne’e importante tebes. Prezidente CCI-TL ne’e espera katak joven sira ne’ebé mak hetan kréditu ne’e sei susesu tanba Prezidente mós esperensia husi negosiu mak susesu to’o ohin sai prezidente CCI-TL. (BT)