Asuransi

DÍLI----Ministériu Obras Públika (MOP) tinan 2021 seí hala'o investimentu 33 pakote ba Suku 66 iha teritóriu Timor laran tomák, ne'ebé seída'uk asesu liña eletrisidade, hodi bele atinji vizaun VIII Governu Konstituisionál ba mandatu tinan 5. Tanbá planu tinan 2020 hodi halo investimentu iha área Bee-Moos no Sameamentu, Eletrisidade no infraestrutura hanesan Estrada no Ponte, maibé Orsamentu Jerál Estadu 2020 Xumba iha Parlamentu Nasionál hodi impedimentu ba programa VIII Governu nian.

Tuir Ministru Obrás Públika (MOP) Salvadór Eugénio dos Reis Pires relata, tinan 2021 seí hala'o investimentu 33 pakote ba Suku 66 ne'ebé mak seida'uk asesu liña eletrisidade iha teritórriu Timor laran tomák. "Ita iha hanoin atu halo 33 pakote husi 66 Suku ne'ebé mak seida'uk asesu liña eletrisidade, ne'e fazparte vizaun metas VIII Governu nian ba tinan 5 nia laran, ita atu kompleta tia 66 suku ne'ebè mak seida'uk asesu liña eletrisidade ita halo hotu," Dehan MOP Salvadór iha nia diskursu iha Novu Turizmu Bidau Lesidere, Kuarta (16/09).

Governante ne'e haktuir tan, durante tinan rua VIII Governu la konsege hala'o investimentu, maibé tinan 2021 ba oin Governu bele komesa hahú imvestimentu ba 33 pakote. "Durante tinan rua lakonsege halo investimentu, polítika Governu nian 2021 ba oin ita bele komesa hahú no bele halo investimentu ba VIII Governu, 33 pakote ne'e ita bele promove iha tinan 2021," Dehan Salvadór.

MOP Salvadór afrima, Planu investimentu 2020 atu komesa hahú, maibé orsamentu xunba iha parlamentu nasionál, tanbá ne'e orsamentu ida ne'e importante tebés, governasaun, liu-liu ba MOP hanesan Ministériu tékniku ne'ebé iha área kompeténsia liga ho nesesidade infraestrutura báziku ba liu povu nia nesesidade lor-loron nian. Nia esplika, 65 Postu Administrativu iha investimentu restante durante mandatu VIII Governu nian, atu nune'e bele atinji metas programa kada tinan VIII Governu nian.

Governante ne'e esplika, Área remotas ba Aldeia sira ne'ebé mak iha difikuldade atu halo koneksaun ba sistema distribuisaun, tanbá izoladu jeografikamente presiza duni atu hala'o, iha mós pakote kompetisaum ekonómiku ne'ebé kualia kona-bá asuntu ida ne'e, ita bele uza orsamentu ne'ebé atribui ba iha MOP, hodi bele dezenvolve projeitu área rurais.

Tanbá ne'e, iha estrada no ponte liga ho MOP nia osan, ita hanoin atu halo 240 estrada no ponte, liu-liu iha estrasa rurál kilometrus, ne'ebé tuir informasaun iha dezeñu ne'ebé mak prontu ona, no projetu fundu imfraestrutura hanesan fornesimentu Bee iha Munisípiu Lautém, Baukau, Vikeke, Same no Dìli, integradu ne'ebé orsamentu mai husi impréstimu ne'ebé iha hela aprovasaun husi Komsellu Ministru.

Orsamentu ida ne'e ita tenki prevé transformasaun diresaun jerál sira, atu nune'e iha empreza públika no autoridade tenki prevé ona nia orsamentu kona-bá reforma instituisionál pozisaun ho númeru ema ne'ebé mak atu servisu iha empreza liu-liu ba tinan 2021. Aktividade téknika sira hanesan liga ho aktividade lor-loron nian, aktividade previzaun viajen lokais sira, tenki prevé osan ne'ebé mak naton bainhira ita bele hala'o aktividade sira ne'e. (BT)