Asuransi

DÍLI----Sekretariu Estadu ba Komunikasaun Sosial (SEKomS) lansa kampaña kombate nositia falsu (Hoax) iha media sosiál (Medsos) ho tema “ko’alia lialos la’os bosok kombate Hoax hamutuk hamri’ik hapara liafalsu” kampaña ne’e hala’o ho long Marc husi Palasio Governu To’o Largo lecidere.

Partisipa iha long Marc ne’e husi Sekretariu Estadu Komunkasaun Sosiál (SEKomS) Mericio Juvinál dos Reis “Akara”, Amu Bento Barros Pereira, Prezidente ANC João Olivio Freitas, inklui estudante Universidade Nasionál Timor-Lorosa’e (UNTL), no funsionariu husi SEKomS. Iha Abertura ne’e loke husi sekratariu Estadu Komunikasaun sosiál (SEKomS) Mericio Juvinál dos Reis “Akara”, no Eventu kampaña no long Marca ne’e apoiu husi Ministeriu Turizmu, Arte no Kultura, no Husi Sekretariu Estadu Komunikasaun Sosial, No husi kompañia Telkomcel, Telemor, Timor Telecom, sekretariu estadu jiventude Desportu.

Tuir SEKomS Mericio Juvinal dos Reis “Akara” hatete, Hoax ne’e fó amiasa ba futuru Nasaun nia iha Era Globalizasaun. “Eventu ne’e importante tanba lia falsu sai duni amiasa real iha mundu Golbalizasaun ne’e, liu-liu iha ita nia rai, ita sei tama iha kultura foun mak kultura dijital, mundu ne’e hakarak lakohi ita sei husik ita nia kultura komvensionál ba iha kultura Dijital,” dehan Mericio Juvinal dos Reis “Akara” iha nia diskursu hafoin loke eventu kampaña Hoax, iha Largo Lecidere, Sexta (18/09).

Nia hatutan, ita tama iha dijital sei hasoru Positivu iha ne’ebá maibe ita sei lakuidadu mós ita sei hasoru problema, maibe hakarak lakhoi ita nia nasaun sei tama iha kultura ida ne’e, ita sei la ba kotuk ita sei ba oin, tanba ne’e maka atividade sira hanesan ne’e atu hola parte atu halibur ita hotu atu prepara ita nia sidadaun ba tama iha kultura foun. Kampaña Hoax ne’e sai hanesan edukasuan sivika ba populasaun sira ne’ebé mak uza internet ho konsensia pesoal nia atu kombate lai falsu ih amedia sosiál.

“Eventu nee hanesan edukasaun ida ne’e atu eduka ita nia sidadaun hotu, prepara ita nia nasaun atu tama iha Era Dijital, ERA dijital ajuda no fasilita ita nia komunikasaun sai lalais liu ajuda ita atu fahe ita nia esperensia ba ema barak liu tan,” Nia hatutan. Maibe iha ita nia kultura komvensionál ita fahe ita nia ideia ne’e ema oituan de’it mak konsumu, maibe ho meius dijital ema barak sei asesu lalais, la to’o oras ida ema bele atinji rihun ba rihun, tanba Era dijital famouzu liu iha mundu.

Hoax sai amiasa bo’ot ba ita liu-liu ba ita nia sidadaun seidauk iha konsesensia barak entaun ita konsume kualker informasaun ita konsumu, lia falsu, ema fahe informasaun ne’ebé mak hatun malu, la kuidadu bele destroi ema nia amizade iha sosiedade nia le’et. Governu iha preokupasaun oinsa nasaun ida nee lao to’o tinan10 mai, ho Kultura foun ida ne’e, ita bele halakon enerjia negetivu atu bele hamosu enerjia Positivu atu Dezenvolve iha Era Globalizasaun ne’e, maibe tempu noa ita kombate Hoax, maibé hamutuk atu promove internet saudavél.

Iha fatin hanesan Prezidente ANC João Olivio Freitas informa, atu kombate notisia Hoax iha media sosiál ne’e kontribuisaun husi pesoal no konsensia ema ida-idak nian. “Husi ema bo’ot no to’o ki’ik sira ne’e hotu-hout kontribuisaun Ba nasaun atu preven Hoax, atu prevene Hoax laos resposavel ema ida nian de’it, presisa tau konsensia ita ema ne’e atu utiliza MEDSOS ne’e ho di’ak,” nia hatuta. Papel ANC prepara infraestrutura nesesaria no regulamentu nesesaria hodi hato’o ba operadores sira atu lao tuir, atu bele kombate Hoax iha media Sosiál.

“Ami fasilita PIPA, buat sira ne’ebé mak halai iha PIPA Ne’e nia laran, ne’ebé mak ita bolu konkluidu resposablidade di’ak la di’ak ne’e se mak responsablidade no se mak tenke kontrola,”katak nia. ANC mai halao ami nia kna’ar, ami kria infra-estrutura nesesaria atu bele trata asuntu refere, ami prepara sistema rejistrasaun ida atu nune’e bele rejista numeru Telemovel hotu iha Timor ne’ebé mak fornese husi Timor Telekom, Telemor, Telkomcel, wainhira uza sala numeru ne’e hodi fahe informasaun Dezvantajem ba ema seluk, fasil ba ajensia Governu nian atu bele buka tuir no toma responsablidade. (BT)