Asuransi

DÍLI----Ministru Turizmu Komersiu Indutria (MTCI) José Lucas do Carmo da Silva hatete, Timor-Leste ba Tuir eventu Expo Dubai ne’e ho objetivu lori produtu hanesna Kafe inklui produtu lokais nian ba mundu, no promove iha ema nian rain.

Objetivu eventu ida ne’e nia mak, ita hakarak atu lori Timor ba mundu, agora atu lori Timor ba mundu ita tenke identifika didi’ak, saida mak valores saida mak lori ba ne’ebá, produtu saida mak atu lori ba ne’ebá ita komesa iha ekipa, ne’e agora instala foun prin istala komesa identifika ona, sira halao ona servisu lubuk ida, atu identifika produtus lokais ne’ebé ita iha,” informa, José Lucas do Carmo da Silva Ba Jornalista BT iha Suai ROOM, Timor Plaza, Sexta (11/09).

Nia hatutan, Kona-ba expo Dubai ita iha rezolusaun fulan rua liu ba, iha ona rezolusaun foun, ne’ebé agora iha Ministru Turismu Komersiu Industria mak hala’o nia funsaun, hanesan prezidenti ba Autoridade ida Expo Dubai ninia. Nia Hakarak atu fó hatene mós ba públiku, Expo Dubai ne’e eventu ida ne’ebé ke durante ne’e halao ona iha ministeriu anterior sira seluk, ne’e laos programa foun ida, Ita uluk partisipa ona iha Expo Turin, Expo Sanhay no agora ida ne’e oportunidade Tuir Expo Dubai nian.

Ministru Turizmu hatutan, Eventu Expo Dubai ne’e atu lori Produtu lokál sira husi Timor ne’ebé mak beila sira han iha durante ne’e, no inklui Kafe Luak maibé ekipa sira servisu hela atu lori produtu sira ne’ebé mak mai husi agrikultura rasik. “Ita iha parte Kafe, ita hanoin atu lori Kafe Luak, maibé ita sei presiza buka identifika didi’ak Luak ida ne’ebé mak Timor ne’e ninia rasik, laos ida ne’ebé fatin sel-seluk iha katak ne’e iha ninia uniku valor, ida ne’ebé Timor ninia ne’e mak valor orijinal Timor nian ita hakarak lori, por exemplo ne’e agrikultor nia produtu mak ne’e ita mos hakarak lori Timor ne’e han ita nia avo sira uluk han saida, ne’ebé hakarak produs atu lori ba halo promosaun ruma, ba ita nia kulinaria tein ita lori ba ne’ebá.

Produtu lokál husi agrikultor Timor nian rasik ne’ebé ita hakarak buka ida orijinal Timor nian ne’e, ita atu ba hatudu iha mundu katak, ida ne’e mak ami Timor, ami han hanesan ne’e ami nia hahan mak hanesan ne’e no hakarak lori mós rikusoin, por exemplo rekursu rikusoin Minarais, ne’ebé ita iha Marmere, ne’ebé diak oin seluk ita fa’an iha ne’ebá ga hatudu iha ne’ebá, no fatuk ga rekursu minarais sira seluk ita hakarak lori ba ne’ebá. Nia afirma, rekursu sel-seluk atu lori ba mak Kultura, tanba Kultura mak sai identidade ba Timor-Leste, hanesan Tais Feto, Tais Mane, Dansa Kultura, no Musika Kultura ne’ebé mak orijinál, no inklui grupu balun ho selesaun.

“Ita hanoin hela oinsa atu lori Timor ne’e ba mundu, inklui mós haré ba kultura ita Timor ninia dansa mak oinsa ne’e, dansa ida orijinal Timor nian ne’e mak ita lori ba no nune’e mós entermo musika Timor ninia los mak ida ne’ebé ita koalia hela ho grupos barak dansa mos hanesan ita ko’alia ho grupo barak atu halo selesaun ba ida ne’e atu ita hetan orijinalidade Timor nian atu ita lori hatudu ba mundu,” tenik nia. Nia hatutan, Rekursu naturais kulturais sira ne’e iha hotu ne’e mak ita hakarak atu ba promove iha ne’ebá, maibé sei tau enfaze ba orijinalidade Timor ninia atu lori ba ne’ebá, maibé sei liu husi faze identifikasaun selesaun mak bele hetan oportunidade atu bele ba tuir eventu Expo. (BT)