Asuransi


DÍLI----Ekonomia Timor-Leste ne’ebé ohin loron ninia kreximentu ekonomia tun ba porsentu neen negativu (6%) setór privadu rai laran husu ba governu atu injeta orsamentu iha Banku Nasional Komersiu Timor-Leste (BNCTL) hodi fó kreditu ba setór privadu sira halo sira ninia investimentu no husu atu banku aplika jurus (funan) kreditu nian ki’ik hahu husi porsentu 3-5.

Situasaun ekonomia rai laran monu la’os de’it ho prezensa surtu COVID-19 maibe parte ida mos haree husi situasaun politika iha rai laran mós hetok a’at liutan, entaun rendimentu negosiante nian iha Timor-Leste menus ba bebeik no empreza barak hahu hakdasak tanba laiha rendimentu.

Prezidente Camara Comersio Industriál Timor-Leste (CCI-TL) Oscar Lima hatete impaktu hosi impase politika ne’ebé la’o lori tempu naruk no aumentatan ho surtu COVID-19 halo setór ekonómia barak mak lakon rendimentu tanba ne’e husu ba governu atu tau osan iha banku nune’e bele fó kréditu ba setór privadu sira ho jurus ne’ebé ki’ik. “Ami husu ona ba governu para bele tau osan iha BNCTL minimu milllaun $200 ital para nia bele fó kredito para Timoroan sira bele diversifika sira nia aktividade ekonómikú,” hatete Oscar Lima ba jornalista BT, iha nia kna’ar fatin, CCI-TL, Akait, Dili, Sexta (14/08).

Diversifika ekonomia enkuantu setór privadu sira foti sira kapital rasik mak tau iha ne’eba ne’e ema hotu hakarak tau halo bo’ot maibe labele tanba osan la to’o entaun presiza kreditu, mak bele fó maibé ho jurus ne’ebe mak ki’ik pelumenus 3-5 porsentu (3-5%). Governu bele investe iha BNCTL tanba BNCTL nu’udar uniku banku estadu nian no di’ak tebes nune’e bele fó kredito ba emprezariu sira hodi sira bele halo atividade ekonómika sira seluk hanesan agrikultura indústria buat sira ne’e hotu presiza halo investimentu.

Prezidente CCI-TL ne’e husu mós ba governu atu selu dividas empreza sira nia ne’ebé to’o ohin loron seidauk selu, maske governu promete ona. “Ami ko’alia liu ne’e atu hakarak ka lakohi governo hakarak halo rekuperasaun ekomika iha Timor-Leste primeiro empreza sira ne’ebe dividas ho governu ne’e governu selu ne’e osan namkari tun mai automatikamente osan ne’e sirkula tanba dividas sira ne’e ema balun sei selu nia tusan balun sei selu nia traballadores sei selu ne’ebé deve hela durante ne’e,” hatete nia.

Governu hakarak ka lakohi governu mak tenke brani atu halo investimentu iha setór infraestrutura iha todo teritório nasionál ida kona-ba estradas uma balun ne’ebé atu iha foho estadu sira nian hadia hotu tiha para fó serbisu ba ema atu to’o iha munisipiu to’o postu administrativu tanba saida ita fó tun ba postu administrativu ne’e para osan ne’e namkari ba povú nia le’et. Nia infirma labele investimentu, iha nasionál maibé presiza mós iha area rurál sira atu bele atu hasa’e kreximentu ekonómia povu nian, iha area rurál sira bele nia folin iha atu bele povu sira bele sustenta nesesédade baziku.

“Lalika prosesu hot-hotu iha sentrál ne’e de’it, osan sira atu osan sira tun hotu ba munisipiu hanesan ne’e atu ita halo buat ruma ne’e para ema mós bele kuda modo ruma ka iha buat ruma iha foho ne’ebá ne’e modo sira ne’e bele folin buat sira ne’e bele folin selae buat sira ne’e la folin ema brani ema servisu no hakarak serbisu maibé ita la sosa mós barak serbisu,” nia hatete.

Tuir Menajer Loja Vaganza Fatima dos Santos hatete, ho situasaun surtu COVID-19 ne’e fó impaktu tebes ba loja na’in sira nia rendimentu tanba sasan sira kompradores sira ladun tama hola tan deit surtu COVID-19 fó amiasa ne’e, Entaun loron-loron hanesan empregador rendimentu menus. “Roupa ne’ebé fa’an dala-ruma husi dader to’o loraik ema la hola no dala-ruma sira hetan $100 deit, dala-ruma la to’o $50 dollar mos bele iha tanba la hanesan uluk ona, agora ema tauk COVID-19 lamai hola,” Hateten Manajer Fatima dos Santos ba jornalista BT, iha loja Vaganza 88, Kinta (13/08).

Tuir manajer ne’e katak, afetadu Surtu COVID-19 ne’e emprezariu sira laiha rendimentu atu selu emaprega sira durante iha estadu emerjensia, maibe Traballador sira matein serbisu hanesan bai-bain. “Osan laiha ha’u atu selu ha’u nia traballador iha ne’e hamutuk na’in-5 maske ho situasaun COVID-19 maibé ha’u nia karyawan nafatin tama ho oras no sai ho oras, ohin dader to’o agora ema seidauk tama atu halo roupa,” nia imforma.

Nia akresenta, hanesan empregador sente triste tanba lor-loron osan ladun tama ba hodi selu traballador sira. “Ha’u senti triste maibe atu halo nusa no ami labele obriga ema atu hola ami nia sasan, ema tama la hanesan ema hola,” nia subliña. Maske nune’e emprezariu ne’e husu ba parte hotu tenke suporta malu no tenke hamutuk hodi luta hasoru no kombate COVID-19. Entretantu, Prezidente Camara Comersio Industria Timor-Leste (CCI-TL) Oscar Lima hateten katak ohin loron Ekonomia Timor-Leste monu ona husi impase politika no liu husi sumba Orsamentu Jeral 2020 lori ekonomia monu hetok liu tan.

“Ita hatene katak ho impase politika ne’ebé naruk tebes hahú husi tinan 2017 to’o 2020 depois ita mos hakarak hateten loloos katak pior liu tan kuandu ita sumba orsamentu 2020, Timor-Leste nia ekonomia ne’e monu no agora monu at liu tan,” dehan Prezidente CCI-TL Oscar Lima. Nia mós esplika katak maske Timor-Leste tama hela iha situasaun impase politika mai tan ho problema global hanesan Pandemia virus Corona nia implikasaun lori ekonomia mundu no Timor-Leste hetok piur liu tan.

“Depois ekonimia Timor-Leste monu no nia impaktu bo’ot liu tan mak ho COVID-19 nia impaktu ne’e bo’ot tebes maske ita la hatene moras ne’e mai husi ne’ebe no nia impaktu kuaze rai hotu-hotu sofre moras ida ne’e no nia impaktu mos ba iha ekonomia global,” esplika nia. Ohin loron iha Timor-Leste setór privadu ne’ebe sai parseiru ba governu hasoru problema finanseiru atu halo investimentu tanba nia impaktu husi impase politika no pandemia virus Corona.

Antes ne’e Ministru Kordenadór Assuntu Ekonómiku (MKAE) interinu Fidelis Manuel Leite Magalhães hatete ho problema COVID-19 konsege lori impaktu bo’ot ba iha TL tanba populasaun nia komsumsi tun, no komfiansa ba atua ekonomiku sira monu, rezultadu rendimentu husi populasaun menus, empreza sira lahetan lukru, no empreza sira mós sei lulun biti.

“Ba parte fortura nian iha ita nia populasaun nia komsumsi sei tun, no komfiansa ba atuas ekonomiku sira sei monu, tanba inserteza ne’ebé mak kauza husi COVID-19, no distribuisaun ne’ebé mak mosu, no ba redinmentu mós sei menus. Ida ne’e sei redus ema nian poder de kompra ba empreza sira. Tanba ida ne’e mós, rezulta empreza sira barak mak sei taka, iha redusaun prokura. Emjerál ita rejista redusaun ne’ebé mak kontante husi importasaun no setór turizmu ita bele dehan sei paradu totál,” Hateten Ministru Koordenadór Assuntus Ekonómikus Fidelis Manuel Leite Mgalhães, iha PN, Kinta (23/04).

Nia hatutan, rendimentu iha Timor-Leste tun no empreza barak mak taka, tanbá tuir previzaun Banku mundiál nian katak Timor-Leste ninia kreximentu negativu iha tinan 2020 menus husi porsentu 2.8 (2.8%). “Provisaun de baze ba tinan 2020, wainhira ita laiha pandemia COVID-19 ne’ebé mak mosu oras ne’e, tuir previzaun ne’e mak Banku mundiál hato’o katak ita sei iha kreximentu negativu iha tinan 2020 menus 2.8% maibe, ida ne’e rejulta husi falta Orsamentu Jeral Do Estadu, no redusaun iha gastu públiku emjerál,” Hateten Fidelis.

Nia haktuir, COVID-19 ne’e fó impaktu ba ekonomika sira ne’e, tanbá naturalmente sei depende ba medidas kontensaun ne’ebé mak governu sei foti, previzaun hatudu katak hanesan komparasaun iha krize finansiamentu mundial. “Maibe impaktu ekonomika sira ne’e naturalmente sei depende ba medidas kontensaun ne’ebé mak governu sei foti, previzaun hatudu katak hanesan komparasaun iha krize finansiamentu mundial, iha reinu unidus 2008, lakon nia perra do PIP, mensal purvolta 4% tun 2%, gripes Espanola iha 1917 mensalmente iha 2008,” Informa Nia.

Purenkuantu, “Kontextu pais barak mak halo prejisoens kona-ba posiblidade paradu ba sira-nia ekonomia, produsaun iha rai laran nian, emjeral nivel global, projisoens hotu hatudu katak purvolta de 2% ne’ebé mak ita dehan optimista liu to’o 5%, ba kada fulan ita implementa distánsiamentu social kada fulan ita medidas sanitaria sira,” Hateten Fidelis. Nune’e mos iha selebrasaun loron restaurasaun Independensia ba dala-18 Prezidente da Republika Francisco Guterres (Lú-Olo) iha nia deskursu hateten katak ohin loron ekonomia nasaun tama hela iha ambiente Namlaek (laburas).

Ekonomia Timor-Leste tama iha ambitu refere tanba Timor-Leste ohin loron tama hela iha Estadu Emerjensia tanba kauza husi Pandemia Verus COVID-19 ne’ebé ohin loron nasaun hotu hasoru. Nia dehan TL lao ho situasaun estadu emerjensia nudar dalan ida atu oinsa bele salva vida povu Timor-Leste husi pandemia verus Corona ne’ebé sai problema global ohin loron. Tan ne’e hare husi problema refere, liga ba independensia TL ne’ebé kompleta ona ba dala XVIII maibe ekonomia kontinua lao namlaek hanesan mos ho nasaun sira seluk.

Prezidente hateten, ekonómia Timor-Leste laburas tanba tuir relatóriu anuál husi Banku Sentral fó-sai katak atividade ekonómika ladún lao, produtu internu brutu mós tun, maske ekonomia iha tinan kotuk sae maibé iha tinan ida ne’e, tun fali pursentu ida (1%). Ekonomia TL tun tamba fatór lubun ida, hanesan Orsamentu Jerál Estadu xumba iha Parlamentu Nasionál no obriga Estadu moris ho rejime duodésim, Mudansa klimatika ne’ebé mak halo hodi populasaun lubuk ida tenke afeita inundasaun iha sidade Dili no Munisipiu balun inklui mos pandemia virus Corona (COVID-19).

“Fatór sira ne’e hotu afeta tebes ita-nia ema-sira ne’ebé moris husi sira-nia negósiu ki’ik, médiu no bo’ot. Ho rendimentu ne’ebé ki’ik ka menus, família-sira lakon kbi’it hodi sosa ai-han no produtu sira seluk ne’ebé presiza lorloron,” hateten Sefe Estadu. Xefe estadu afirma ho próblema ne’ebé iha liu-husi Governu Konstitusional Da-ualu aprova no hahú ona implementa Pakote Ekonómiku, ho kuaze dóllar milliaun atus ida limanulu, hodi responde ba moras COVID-19 no estragus husi udan bo’ot iha aspetu ekonómiku-sosiál,” Katak Nia.

Pakote Ekonómiku nia objetivu mak atu apoiu uma-kain ho rendimentu ki’ik liu dollar atus lima kada fulan no evita empreza sira taka sira-nia atividade komersiál ka hatún saláriu no/ka hasai traballadór sira. “Importante hotu-hotu hatene katak Pakote Ekonómiku ida ne’e mak hahalok dahuluk atu hamenus Povu-nia susar balun iha períodu emerjénsia. Maibé la’ós resposta ba problema hotu-hotu iha rai laran.

Montante dóllar milliaun atus ida lima nulu ne’ebé aprova husi Parlamentu Nasional ba fulan tolu lato’o atu hasa’e kreximentu ekonómiku ida ne’ebé ita hotu hakarak,” klarifika Prezidente da Republika. Tan ne’e Prezidente-Repúblika fiar katak liu husi planu ne’ebé mak Governu da-ualu aprova garantia bele rekupera sosiál no ekonómika no hahú ona prepara Orsamentu Jerál Estadu ba tinan ida ne’e no ba tinan oin. “Ha’u fiar no ita hotu-hotu fiar no hanoin katak importante tebes hala’o fila-fali ita-nia ajenda reforma sosiál no ekonómika atu ita bele hakbi’it no sustenta ita-nia ekonomia atu buras babeibeik,” katak nia.

Nia informa katak ohin loron Estadu labele kontinua funsiona de’it ho rejime duodésimu tanba Rejime duodésimu nu’udar rejime tranzitóriu ida exekusaun orsamentál nian ne’ebé garante, ba tempu badak hodi funsionamentu serbisus públikus. Enkuantu TL la iha Órsamentu Jerál Estadu, maske TL ho kreximentu ida ke ki’ik no hatudu katak ekonomia lakon kbi’it, tanba ne’e, TL tenke rekupera fila-fali atu fó konfiansa ba ajente ekonómiku-sira hotu.

“Urjente tebes halo rekuperasaun sosiál no ekonómika. Atu bele lao ba oin ho susesu, ita presiza fó atensaun bo’ot liu ba kapital umanu tanba ita-nia ema mak rikusoin bo’ot liu ne’ebé Timor-Leste iha. Hanesan ezemplu, ha’u temi de’it kona-ba nesesidade atu kapasita ita-nia ema iha área saúde. Importante tebes kapasita sira ho padraun internasional atu ita-nia profissionál sira bele fó prestasaun servisu saúde ho kualidade a’as no hatene fó kedas resposta adekuadu bainhira surtu moras mosu derepente. (BT)