Asuransi


ATSABE----Governu Australia liuhusi parseiru Market Development Facility (MDF) akompaña husi Diretór Nasionál ba Kafé, hodi lansa Kafe Organiku Atsabe ne’ebe mak halao husi Kompañia Mara Mresa Kafé. Lansamentu ne’e tanba Governu Austrlia iha Parseiru Market Development Facility (MDF) ne’ebé mak fó ona suporta husi Mara Mresa Kafé desde fulan Marsu tinan 2020 hodi nune’e bele hasae kafekultor sira nia kapsidade no prosesamentu hodi hadiak kualidade kafe nia musan.

Ho nune’e MDF nia suporta Mara Mresa Kafé lansa fatin prosesamentu Kafé Kulit Mean, dahuluk husi fatin prosesamentu, iha Kafé rua ne’ebé planeadu ona hodi ba laboratoriu hodi koko kafé no buka tuir Kafé nia kualiadade. Iha lansamentu Sekretáriu Governu Austrália iha Timor-Leste David Orr fó parabens ba MDF ne’ebé mak fó ona fasilidade ne’ebé mak foun, iha komunidade rurais sira, tanbá suporta kompania hodi halo produsaun produtu kafé atu bele hasa’e kafé nia kualidade iha nasaun seluk.

“Hau fó parabens ba Programa Dezenvolvimentu Merkadu (MDF) no Empreza Mara Mresa husi Ameta, ba fasilidade ne’ebé mak foun, iha komunidade rural no Suku Balabe,” dehan Segundu Sekretáriu Governu Austrália iha Timor-Leste David Orr, iha nia diskursu ba lansamentu kafe iha Aldeia Baboeleta, Suku Malabe, Postu Administrativu Atsabe, Munisipiu Ermera, Sexta (10/07).

Segundu Sekretáriu Governu Austrália iha Timor-Leste David Orr hatutan tan katak, suporta refere importante tebes, tanba projetu ne’e hodi implementa atu produs produtu kafé. “Tanbá suporta husi komunidade importante tebés ba empreza sira, projetu ne’e komplementa produsaun produtu ba kualidade kafe ne’ebé mak ás, ne’ebé mak ema hatene mai husi Ameta, hanesan hau hare’e haleu multidaun iha eventu ida ne’e no suporta sira hotu, ne’ebé mak fó ba Ameta, husi ninia familia,” dehan nia

Alende ne’e Diretor Emprezáriu Mara Mresa Kafé Mariano Da Costa Alves naran bolu Ameta esplika katak antes ne’e konsege fundu rasik hodi loke aktividade refere to’o ohin loron no iha tinan ne’e konsege hetan apoiu husi MDF oinsa bele aumenta tan sentru prosesamentu, hodi nune’e bele hasa’e kualidade kafé maske hasoru difikuldade barak. “Tinan ida ne’e aumenta tan sentru prosezamentu ida ne’e atu hasa’e kuantidade Kafé, sira presiza tan tonelada hamutuk 3, husi ida ne’e iha ona mudansa ne’ebé mak bo’ot, maske iha dezafiu ne’ebé mak iha, maibé sempre iha vontade nafátin, atu hasa’e kualidade kafé hodi fó apoiu ba to’os na’in sira,” dehan nia

Tanba ne’e diretor esplika, durante ne’e Governu Timor-Leste nunka fó apoiu ruma maibe, husi Governu Australia liuhusi Parseriu MDF mak durante fó apoiu hodi bele halo sentru prosesamentu kafe. “Hau senti durante ne’e parte governu nian seidauk hodi fó apoiu, hau rasik koko apoiu hatama proposta ba ministeriu diresaun agrikultura nian, iha tinan 2018 ne’ebe mak foin primeiru vez atu hahu, ami laiha makina atu dulas kafe nian, ami hodi manual deit, hau halo ona proposta maibe to’o ohin loron seidauk iha resposta ne’ebe mak pozitivu,” dehan nia

Nia afimra, primeiru inisiu, nia hari’i lori rasik osan, maibe to’o ohin loron mos involve a’an iha Asosiasaun Kafe Timor, hafoin hetan primeiru lugar ba kompetensia kualidade kafe nian. Husi rejultadu ne’ebe iha, parseiru barak mak atu servisu hamutuk, la’os fokus ba merkadu lokal no nasional, maibe hare mos ba merkasdu internasional. “Tanba ne’e hau mos konsege halo perseiru maluk balun husi Nova Zelandia, koko investe hamutuk ho sentru prosesamentu ida ne’e primeiru no tinan kotuk produz ona kafe tonelada 19 hodi halo exporta ba Nova Zelandia, Estadu Unidus no Australia,” katak nia. (BT)