Print
Kategoria: Politika
Hits: 454


DÍLI----Eletrisidade De Timor-Leste koordena ho Banku Nasionál Sentrál Timor-Leste hari’i universal Unidade iha edifisiu EDTL ho objetivu atu fasilita klientes sira atu selu taxa ba kofre etadu labele ba buka fatin antrian nia. Tuir Diretora Geral Eletrisidade De Timor-Leste (EDTL) Arlinda Maria do Rozario hatete, unidade BNCTL iha edifisiu EDTL atu fasilita di’ak liu tan servisu atendimentu no kontrolu ba kliente sira.

“Objetivu hari’i universal unidade BNCTL iha edifisiu EDTL atu fasilita di’ak liu tan servisu atendimentu ba kliente sira ne’ebé sai hanesan klientes ba serbisu no kliente ba EDTL halo kontrolu ba reseita sira ne’ebé konsidera hanesan reseita kaixa gerál du estadu,” hatete Arlinda Maria do Rozario ba Jornalista sira hafoin lansa Unidade iha edifisiu Kaikoli, Sexta (26/06).

Diretóra akresenta, parte seluk ajuda EDTL atu responde ba rekomendasaun husi tribunál kamara deskontas, sempre diariamente EDTL atu kliente sira atu hatama reseita ba kaixa jeral ba estadu, ba level kliente uza fospagu ba kliente sira hakarak ligasaun foun no mós ba kliente sira hakarak sai kliente sira nia parseiru faan pulsa no kompra venda. Durante iha klientes sira tau selu ne’e presiza ba fali fatin seluk tan ne’e mak EDTL koordena ho BNCTL hari’i unidade ne’e hadia tekniku sira ne’ebé mak EDTL nia klientes sira infrenta.

“Dezenvolvimentu ita nia rai, lao tuir nesesidades lao tuir ejizensia no lao tuir ne’ebé mak prosesu naruk, no tuir ita nia prioridade hari’i banku, wainhira kilentes barak ona presiza halo jestaun ne’ebé mak di’ak hadi’a jestaun tekniku jestaun finanseiru ne’ebé kabe ba lei,” tenik nia. Diretora nia apelu ba klientes nia hanoin di’ak iha vontade atu uza enejia ho di’ak no mós selu ho di’ak, ne’e liga ona ba direitu ho dever, ami EDTL koko tente atu hadi’a ami nia sistema no fornese mai nia enerjia eletrisidade ho di’ak ho kualidade ne’ebé di’ak iha oras 24 nia laran, maibe husu mós ba klientes nia komprensaun atu halo mós pagamentu ba reseita.

Apelu mós ba atendimentu iha durante atende hela mak ahi mate ne’e mós iha sistema distribuisaun seidauk di’ak tanba ne’e impaktu varia sei akontese entaun mak ida ne’e maibe husu ba kliente sira nia komprensaun no kooperasaun di’ak atu hare’e ba situasaun ida ne’e. Iha Fatin Hanesan Ekipa Banku Nasionál Centrál Timor-Leste (BNCTL) Manuel Ranjel da Kruz, koordena ho Eletrisidade Díli Timor-Leste hari’i unidade ho obejetivu atu fasil atu fasilita kliente sira ne’ebé atu selu taxa ba kofre de estadu.

“Objetivu husi Lansamentu no hari’i Unidade ida ne’e oinsa atu bele hakman ita nia kliente sira ne’ebé mak atu bele asesu ba iha depozitu osan atu sira lalais ba buka fatin unidade maibe bele atende kliente sira ne’ebé mak asesu iha reseitas Governu ninian,” katak nia.

Afirma nia, Atendimentu laiha rekejitus, katak ida ne’e fó kooperasaun ho EDTL atu bele kria unidade hakbesik-an liuba ita nia kliente sira, ida ne’e hanesan misaun BCNTL ninian, Durante Banku Nasionál Centrál Timor-Leste, hakat ba hakat mai hari’i unidade lubuk ida, iha Díli laran ho obajetivu atu bele fasilita klientes sira ne’ebé hakarak asesu ba iha konta bankaria hanesan mós sira nia dever atu bele selu taxa ruma, ba kofre estadu.

Iha fatin hanesan kliente ba EDTL no BNCTL sente kontente tanba lalao ba fatin antrian maibe hari’i universal unidade BNCTL iha edifisiu EDTL atu fasilita ami no atende ami ho di’ak, kliente ne’e sente kontente ba atendimentu ne’e, tanba antes sira ba forma mós kleur loss wainhira atu selu taxa. (BT)