Print
Kategoria: Lalenok Sidade Dili
Hits: 447


ILIOMAR----Suku Iliomar I Postu Administratrivu Iliomar Munisípiu Lautém, kompostu husi Aldeia Arara, Kaentau, Iliomar no Osohira, ne’ebé agregadu hamutuk uma kain 15 seidauk hetan subsidiu husi Governu. Uma-kain 15 iha suku iliomar I ne’e seida’uk hetan subsidiu husi Governu tanba balun ninia dokumentu la loos no balun kada fulan ho ninia saláriu liu $500.

Xefí Suku Iliomar I José Luis Da Costa hateten, agregadu uma kain hamutuk 15 iha Suku Iliomar I seidauk hetan subsidiu husi Governu, tanba agregadu balun nia dokumentu ne’ebé maka ladi’ak no balun simu saláriu liu $500. “Agregadu balun seidauk simu subsidiu hamutuk na’in-15 ba xefi familia no iha xefi familia hamutuk 15 balun hetan salariu liu $500 no balun dokumentu ne’ebé mak ladi’ak,” Hateten, Xefi Suku Iliomar I José Luis Da Costa ba Jornalista Business Timor (BT) iha Suku ne’e, Segunda-Feira (15/06).

Autoridade Suku ne’e informa, Agregadu ne’ebé maka seidauk simu husi subsidiu Aldeia Hat (4) kompostu husi Aldeia Arara na’in 2, Aldeia Kaentau hamutuk na’in 4, Aldeia Iliomar hamutuk na’in 4 no Aldeira Osohira hamutuk na’in 5. Nia dehan, agregadu família ne’ebé simu subsídiu hamutuk 410 husi Aldeia lima nian ho orsamentu hamutuk $82.000,00.

“Orsamentu ba komunidade husi Suku Iliomar I hamutuk rihun $85 hodi fahe ba kada xefi Familia hamutuk 425 ne’e ba Aldeia Lima husi Suku Iliomar I nian, kompostu husi Aldeia Arara ho nia xefi familia hamutuk 75, ho Aldeia Kaentau hamutuk 76 xefi Familia, Aldeia Iliomar xefi familia hamutuk 135, Aldeia Osohira ba xefi familia hamutuk 88, Aldeia Wata-Matar ba xefi familia hamutuk 51,” Katak nia.

Nia haktuir suku Iliomar I simu osan husi Banku BNCTL iha loron Kuarta-Feira 10/06/2020, depois komesa hahú pagamentu iha loron Kinta-Feira 11/06 iha Aldeira rua kompostu husi Aldeia Arara selu benefisiáriu sira hamutuk uma-ka’in 71 ho total orsamentu hamutuk $14.200.00. Tuir fali husi Aldeia Kanetau fó pagamentu ba xefi familia hamutuk 58 ho nia orsamentu hamutuk $11.600.00, hahú pagamentu loron ida.

Depois kontinuasaun iha loron 12/06/2020 fó pagamentu ba Aldeia tolu kompostu husi Aldeia Arara agregadu uma-kain ida nian orsamentu hamutuk $200, Aldeia Kaentau fó pagamentu ba agregadu hamutuk nain 8, ho nia orsamentu $1.600.00 no Aldeia Iliomar fó pagamentu ba agregadu hamutuk nain 124 ho nia orsamentu $24.800.

Alende kontinua ba iha loron 13/06/2020 konsege selu Aldeia Haat (4) kompostu husi Aldeia Kaentau fó pagamentu ba agregadu na’in ida ho nia orsamentu hamutuk $200.00, Aldeia Iliomar mós fó pagamentu na’in ida ho nia orsamentu hamutuk atus $200.00, Aldeia Osohira fó pagamentu ba agregadu sira hamutuk na’in 80 ho nia orsamentu hamutuk $16.000. no Aldeia Wata-Matar fó pagamentu agregadu sira hamutuk uma ka’in 47 ho orsamentu hamutuk $9.400,00.

Xefi Suku ne’e relata, ba benefisiáriu sira ne’ebé maka seidauk hetan, parte autoridade lokál seí halo reklamasaun husi Suku nian hodi nune’e bele simu ba faze segundu nian, konabá ita nia komunidade balun ne’ebé maka iha alezadu, parte husi ekipa husi nasionál hamutuk autoridade lokál no OPS Suku lori ba sira nia uma hodi fó pagamentu.

Tuir observasaun Jornalista Business Timor iha terenu nota katak, komunidade sira husi Suku Iliomar I kumpri regra estadu emerjensia relasiona ho surtu covid-19, pagamentu subsidiu ba agregadu familia hetan mós seguransa husi PNTL, OPS Suku hamutuk ho Autoridade Lokál Suku nian to’o remata. (BT)