Asuransi


DÍLI----Pagamentu subsidiu ba uma-kain iha Suku Kaikoli la’o ho di’ak no termina tuir kalendariu ne’ebé iha, totál uma-kain hamutuk 1.099 mak sai nudar benefisiariu hodi simu orsamentu hamutuk $219.800,00 no osan restu ne’ebé la konsege fahe no autoridae lokal haruka fila ba kofre estadu hamutuk $12.000.00 tanba uma-kain hamutuk 60 mak lasimu.

Tuir xefe suku Kaikoli, Hipolito Marques Ximenes, hatete, dadus haruka husi suku Kaikoli ba Ministeriu Administrasaun Estatal (MAE) no Ministeriu Solidaridade Sosial no Inkluzaun (MSSI) ho total uma-kain 1.116 maibé aprova deit mak 1.099 ho montante orsamentu ba suku Kaikoli hamutuk $219.800,00 konsege selu ba ema hamutuk $207.800 no ema ne’ebé lasimu hamutuk 60 no osan mill $12.000,00 fó fila ba banku sentral.

“Ha'u haruka ha’u nia dadus ba Ministeriu Etatal no MSSI dadus hamutuk 1.116 maibé aprova deit mk 1.099 mill no ami iha ne’e montante orsamentu mill $219.800,00 ami konsege selu ba ema mak hamutuk $207.800,00 no ema ne’ebé mak lasimu hamutuk 60 ami fó fila-fali ba banku sentral orsamentu hamtutuk mill $12.000,00 no ema reklamasaun foun iha 54 maibé ne’e sei prosesu hela”. hatete Hipolito Marques Ximenes ba jornalista BT iha sede suku Kaikoli, Díli, Tersa (23/06).

Nia hatutan, osan mill $12.000,00 ba entrega tiha ona osan ba banku sentral, depois ami hein fali orientasaun, depois faze segudu iha 15 dias, selu iha primeiru etapa depois 15 dias sira sei simu segundu etapa. Nia infirma, suku iha teritoriu Timor-Leste ami hakarak liliu iha suku Kaikoli ami simu ema halo registu kona-ba moras COVID-19, tantu ema permanente iha suku ida ne’e rasik no ema sira mai fila liman iha Dili, depois surtu COVID-19 mosu iha nasaun seluk maibé afeta ba Timor-Leste ema sira ne’ebé hela iha ne’e ami konsege foti dadus.

Nia esplika, suku Kaikoli lasimu mak estudante ne’ebé mak mai eskola iha Dili signifika katak sira nia inan aman mos rejistu iha ne’eba so estadu hakarak selu deit mak estudante ne’ebé hela iha rai liur no ema sira ne’e afeta tebes timoroan balun ne’ebé eskola iha rai liur. “Ami nu’udar xefi suku kuandu ami rekolla dadus xefi aldeia sira mos reikolla dadus depois fó mai iha suku ha’u enkamina ba iha postu administrativu no postu administrativu enkamina tan ba munisipiu mak lori ba ministeriu estatal, estatal sei haree hotu iha teriroriu Timor-Leste depois mak foin bele ba iha MSSI, maibé iha failansu ne’e iha MSSI,” dehan Hipolito

Nia informa komunidade sira iha nia suku simu osan ho kontente tanba foin ba dala uluk Governu Timor-Leste fó subsidiu ba ninia populasaun sira. “Sira kontente ho razaun katak tanba estadu promete, se estadu la promete sira lahusu estadu promete tenki selu, entaun ami autoridade lokal sira mak lori todan, sira kontente maibé sira triste uituan, tanba iha ema balun salariu $500 labele simu, no osan ne’e tanto iha ema mak ko’alia maibé ami so rona deit, salariu bo’ot ne’e labuat ida, moras ne’e buat ida loloos ne’e sira mos bele iha direitu atu hetan osan,” haktuir xefe suku ne’e.

Subsidiu ba familia nudár apoiu ne’ebé governu fó ba ninia sidaun sira durante Estadu Emerjensia tanba durante Timor-Leste deklara tama iha estadu emerjensia atividade hotu-hotu paradu no komunidade sira obrigatoriumente tenke kuarentina sira nia-an iha idak-idak ninia rejidensia ka hela hodi prevene trasmisaun ba surtu COVID-19 ne’ebé konsege oho ema rihun ba rihun iha nasaun oin-oin. (BT)