Print
Kategoria: Politika
Hits: 295


DÍLI----Hafoin hetan posse husi Prezidente da Republika atu hatutan kna’ar iha governasaun da-ualu, Ministériu ba Asuntus Kombatentes da Libertasaun Nasional (MAKLN) lasente todan ba iha Pasta Ministérial nian tanba sei kontinua serbisu ne’ebé antes hala’o ona iha Governu Da-Ualu nian laran.

Tuir Ministru foun MAKLN Julio Sarmento da Costa “Meta Malik” hatete Hanesan Ministru ba lahalo buat seluk ruma mais tenke serbisu hamutuk ho ekipa ida atu bele hala’o kna’ar ne’ebé diak ba povu ho Nasaun.

“Signifika ba kontinua deit serbisu ne’ebé mak iha ona, hamutuk ho ekipa atu hare buat ne’ebé seidauk halo bele halo, bele aumenta tan. Maibe labele halo ses husi planu ne’ebé Eis Sekretariu Estadu ba Asuntu Kombatentes da Libertasaun Nasional (SEAKLN) hala’o ona durante tinan rua liuba,” Hateten Ministru foun MAKLN Meta Malik ba jornalista sira, hafoin simu pose hotu, iha Palasiu Prezidensia, Aitarak-Laran, Sexta (29/05).

Nia hatutan, Kona-ba sentimentu ka’er pasta núdar MKLN ne’e sente latodan tanba sei kontinua serbisu ne’ebé antes ne’e Eis Sekretariu Estadu ba Asuntu Kombatentes da Libertasaun Nasional (SEAKLN) durante ka’er pasta tinan rua iha planu ne’ebé iha Ona. Nune’e simu kargu foun hanesan Ministru par kontinua Servisu no mandatu ne’ebé seidauk hotu. Primeiru Ministru Taur Matan Ruak fó konfiansa hodi kontinua mandatu ne’ebé mak seidauk hotu atu nune’e bele kontinua programa politika ne’ebé mak iha Governu da-ualu nian hodi servi povu no Estadu ba Rai Ida ne’e.

“Sentimentu Babain tanba kumpri no obiedese ba konfiansa ne’ebé depozitu husi Pimeiru Ministru, husi Autoridade ne’ebé fiar no fó mai núdar ema ba rai ida ne’e ba povu ida ne’e prontu Atu servi iha kualker tempu. Tanba ne’emak lasente todan no Sei Kontinua serbisu Programa Governu nian,” Hateten nia.

Nia hatutan, Bainhita todan tanba hamutuk ho povu atu fó resposta ba buat hotu ne’ebé Planu politika nanis kedas ne’ebé Sekretariu Estadu ba Asuntu Kombatentes da Libertasaun Nasional (SEAKLN) serbisu durante tinan rua ho balun. Nia informa, Tanba Governasaun ida ne’e, sei nafatin Governu da-Ualu nune’e ba kumpri deit restus mandatus ne’ebé sei iha. Nune’e labele ba ho politika seluk ne’ebé mak atu destroi politika planu ne’ebé hala’o tiha ona. (BT)