Print
Kategoria: Politika
Hits: 220


DÍLI----Bazeia ba komprimisiu governu atu fó apoiu umanitáriu ba populasaun sira iha Timor laran tomak ho osan dollar $100 ne’ebé governu promete sei implementa maske seidauk deside data atu fó. Tan ne’e Xefe governu husu ba Populasaun atu pasensia hodi hein komprimisiu ne’ebé mak iha tanba governu sei hadia tekniku administrasaun ne’ebé iha.

“Ha’u hakarak hatete katak medidas sira ne’e sei implementa tanba ne’e promete ona, planu ona no sei implementa, tanba ita nia populasaun sira tanbasa tenke preokupa,” Hateten Primeiru Ministru Taur Matan Ruak ba Jornalista sira, hafoin remata plenaria extende EE ba da-tolu iha PN, Kuarta (27/05).

Primeiru Ministru hateten, Governu servisu maka’as hodi implementa promete ne’ebé iha maibe sei hadia tekniku administrasaun nune’e bele implementa ho diak. “Klaru katak Governu servisu maka’as loos tanba ida ne’e mak kompetensia Governu nian bele hadi’a no hakat liu, atu evita implementasaun Governu halo dadaun ida ne’ebé mak labele Governu sei husu ajuda apoiu ba iha Parlamentu Nasionál,” Tenik nia.

Iha difikuldades ba subsidiu COVID-19 nian ba kada Uma-kain subsidiu $100 dollar ne’e tarde tanba difikuldade iha prosesu de administrativas, tenke lao tuir dalan legal nian. “Ita iha difikuldades teknikas no difikuldades prosesu de administrativas, kona-ba ita nia lei medidas legais sira,” Akresenta Taur. Primeiru Minitru informa, katak kuandu iha problema iha nasaun sempre Governu mak sala hanesan Povu Sira kuandu hamlaha, mate, laiha Servisu, no povu nudar Anju. (BT)