Asuransi


DÍLI----Komisaun Anti Korupsaun (KAK) ne’ebe halao nia kna’ar hodi kombate korupsaun iha Timor-Leste, tan ne’e iha tinan 2019 KAK konsege halo rejistu kazu hamutuk 73. Tuir Komisariu KAK Sergio Hornai hatete, husi kazu 73 refere Komisaun Anti Korupsaun delegasaun kompetensia husi Ministeriu Públiku no oras ne’e dadaun KAK sei iha promove inkeritu investigasaun.

“Husi kazu 73 ami iha delegasaun kompetensia mai husi Ministeriu Públiku, iha kazu 60, depois ami promove inkeritu investigasaun ne’ebé mak KAK halo liu husi espesialista Anti Korupsaun sira investigador sira halo iha kazu 43 ne’ebé mak ita submete ba iha Ministeriu Públiku atu bele promove ba iha akuzasaun ka bele halo arkivamentu imparsiál defende ba iha kompetensia ne’ebé mak Ministeriu Públiku iha,” dehan Sergio Hornai ba jornalista sira hafoin remata plenaria iha PN, Tersa (26/05).

Alende ida ne’e KAK mós halo servisu balun iha area prevensaun ninian, serbisu prevensaun, sensiblizasaun públiku, balun mak hanesan auto stop, halo mós vizita empreza sira ba iha instituisaun sira halo mós estudus instituisaun atu bele hare rekolla informasaun balun.

“Ita halo finalidade ida atu nune’e ita hakarak hasa’e ita nia integridade liliu ba Oganizasaun instituisaun funsionalismu públiku ninian, atu nune’e ita manan nafatin integridade iha ita nia presepsaun iha perante komunidade nasionál no mós iha komunidade perante internasional tanba ita nu’udar parte estadu ida liuhusi nasaun lubuk ida,” KAK klarifika katak, ba kazu sira hotu seguransa juridika hala’o hela nia serbisu atu Povu tomak tenke garanti estadu ne’e ninia funsionamentus ne’eb’e kualidade.

Nia informa katak husi kazu ne’ebe iha ho tipu oi-oin hanesan kazu pekulatu de ozu, trafiku influensia, abuzu de poder, rekesimentus resitus, partisipasaun ekonomia i negosiu, no mós administrasaun da nossa klasifakasaun diagnossa, no mós krime sira ne’ebé mak iha ona kait ba iha tipu de krime korupsaun ninian, iha posibilita to’o money loundry droga, ba iha trafiku ema, ministeriu interior no ministeriu edukasaun, PNTL, nomos ministeriu sira seluk.

Nia akresenta, sei investigasaun tanba ko’alia kona-ba kazu krime ne’e ninia komplisidade maka’as no Timor-Leste tenke kuidadu, tenke analize ida ba iha dokumentus los mós ema sira ne’ebé mak experta, ema sira peritus ruma, atu bele deklara katak ida ne’e loss no laloss. (BT)