Asuransi


DÍLI----Relasiona ho Forum Organizasaun United Nation Econimic and Social Commission for Asia and Pasific (UN-ESCAP) ba dala VII ne’ebe halao iha Thailandia (Bangkok) iha loron 20 fulan Maiu Tinan ne’e. Timor-Leste Entrega Pasta Prezidente UN-ESCAP ba iha Nasaun Srilanka hodi kaer pasta Prezidente Durante tinan ida hahú husi tinan ne’e to’o tinan oin (2020-2021).

Tuir Ministru Atual Reforma Lejislativa no asuntu Parlamenatar (MRLAP), Fidelis Manuel Leite Magalhães katak Timor-Leste entrega fali pasta Prezidente ba Srilanka tanba mandatu Timor-Leste remata ona. Maske Estrega Pasta Prezidente ba Prezidente foun Timor-Leste ne’ebe antes ne’e kaer pasta Prezidente labele partisipa iha forum refere tanba Kauza husi Pandemia COVID-19 ne’ebe oras ne’e nasaun hotu hasoru.

“Ita hare’e katak iha VII Forum Fasifik, ba dezenvolvimentu sustentavel nian ne’ebé mak (ONU) Nasaoens Unidas ninian reprezentasaun UN-ESCAP ba ONU Nia reprezentasaun ba komisaun ba ekonomia sociál no ekonomia ne’ebé sei iha Bangkok Tailandia mak halo, ESCAP ne’e konta mós ho Timor-Leste no pais sira hotu iha Asia Pasifik inklui Timor-Leste,” dehan Fidelis Manuel Leite Magalhães ba jornalita sira hafoin remata forum UN-ESCAP iha salaun enkotru PCM Palasiu Governu, Kuarta (20/05).

Tuir Ministru katak Timor-Leste kaer pasta Prezidente ba UN-ESCAP durante iha Tinan ida, no Prezidente nia mandatu remata iha fulan Marsu maibe la konsege realiza tanba pamdemia COVID-19, eleisaun forum ba mandatu halo tuir fali hanesan Virtual. “Forum ida VII ne’e Timor-Leste mak hanesan Presidente ne’ebé ha’u rasik mak asumi husi fulan marsu tinan kotuk to’o tinan ida ne’e, Maibe Timor-Leste la partisipa tanba COVID-19 entaun eleisaun no forum konferensia ne’e halo tuir modelo virtual de’it,” Iha forum ne’e Ministru Fidelis mak loke no prezensa mensaejm vice-sekretaria Jeral Nasoens Unidas nian, no diretor UN-ESCAP iha Tailandia, reprezentante MNET, eleito foun ba prezidente UN-ESCAP ne’e husi Srilanka no nia vice husi Filipina.

“Ohin ha’u loke forum ne’e ho prezensa ho mensajem husi vice-sekretariu Jeral Nasoens Unidas nian, no diretór Ejekutivu ONU UN-ESCAP iha Tailandia, enome Ministru Negosiu Estrajeirus Tailandia ne’ebé mak hanesan uma na’in, ne’ebé ha’u mak loke iha eleisaun ba viru ba ema foun ne’ebé mak sei troka no ohin eleito tiha ona Prezidente foun ne’ebé mak mai husi Srilanka, no ninia vice husi Filipina, sira mak sei assume fali kna’ar hanesan Prezidente ba forum Asia Pasifiku, dezenvolvimentu sustentavel nian ho mandatu tinan ida nian,”informa nia

Nia mos hateten katak mandatu foun ba Organizasaun UN-ESCAP ne’e troka ona iha loron 20 fulan Maiu tinan 2020, entrega ona ba mandatu foun husi Srilanka no Nia Vice husi Filipina hodi lidera to’o tinan ida iha nasaun ASIA PASIFIKU. MRLAP imforma, sesaun tuir mai sei iha intervensaun hodi hare liu-ba dimensaun nasionál no rejional Global relasiona ho ajenda importante ne’ebé ko’alia kona-ba dezenvolvimentu sustentavel Ekonomiku. Nune’e mos Sei Foku Liu ba Hametin liu tan Bens Star Sidadaun Sira Nia Kontablidade no Sei Hari’i Dezenvolvimentu ekonomia ne’ebé mak sustentabel iha pais menbru sira no atu hare baze ba dezenvolvimentu ne’ebé Timor-Leste iha, inklui sistema Aihan ho nutrisaun ne’ebé sustentavel ba sidadaun sira. (BT)