Asuransi


DÍLI----Ohin loron restaurasaun independensia Timor-Leste ba dala-18 (20 Maiu 2002-20 Maiu 2020) hanesan povu hakarak husu lider sira tenki fó liman ba malu nafatin iha rai Timor ona hanesan agora atu halo aniversariu loron restaurasaun independensia ne’e, buka malu hodi túr hamutk hodi hanoin saida mak uluk luta atu hetan independensia iha rai doben ida ne’e, atu nune’e jerasaun foun sira bele banati tuir.

Tuir Negosiante João Bosco Dias Soares hatete, hanesan povu Timor fó honra nafatin ba heroi sira no ba luta na’in sira no fó parabens ba loron independensia Timor-Leste ba dala-18. Maibe triste hare bo’ot sira iha tempu hanesan ne’e lafó oin ba malu hodi relembra saida mak atu halo ba oin no oinsa atu hare ba povu ida ne’e.

“Hanesan povu Timor fó honra nafatin ba ita-nia heroi sira no ba luta nain sira no fó parabens ba loron restaurasaun indepedensia Timor-Leste ba dala-18 hakarak hato’o deit katak ba ita tomak tenki fó liman ba malu nafatin iha rai doben ida ne’e liliu lider rezistensia sira ne’ebé mak uluk luta hamutuk hako’ak malu ona ba iha tempu hanesan selebrasaun loron istóriku ida ne’e,” Hateten negosiante João Bosco Dias Soares ba jornalista BT iha merkadu Komoro, Kuarta (20/05).

Nia hatutan, Hanesan povu husu lider sira atu tur hamutuk ona hodi hamutuk hanoin oinsa hadia ona povu nia-moris, laos tur iha leten ne’eba hakilar malu deit lakohi hare povu nia moris oinsa iha baze ne’e. Nia dehan, hanesan ita hotu hare iha loron rua liuba ita hare ita-nia reprezentate povu iha uma fukun parlamentu nasional ita hotu hare halimar hanesan labarik ki’ik sira halimar berlindus hadau malu ne’e. Hanesan povu ki’ik hare ida ne’e triste tebes reprezenrtante povu iha uma fukun parlamentu nasional.

Tan ne’e, “Mezmu bo’ot sira hakilar malu ba maibé ami povu fó liman malu nafatin hodi nune’e Timor bele lao ba oin,” Hateten nia. “Hakarak fó mensajen deit katak liliu ba lider sira hotu tenki paz no estabilidade nafatin atu nune’e jerasaun foun sira bele banati tuir iha tempu ne’ebe mak sei tuir mai. Dala ida tan parabens ba loron restaurasaun indepedensia Timor-Leste ba ba dala-18,” Informa nia. (BT)