Asuransi


DÍLI----Padre Referendismu Parokia Bekora hare ohin loron Reprezentante povu iha uma fukun Parlamentu Nasional Deputadu sira larona malu ona no lahakru’uk ona ba Lei, hare hanesan povu sira iha baze ne’ebé mak terus ba hamlaha, Deputadu sira mai tur iha ne’e par hada’u malu kadeira lakoi hare asuntu ida ne’e, maibe Deputadu sira mai tur iha ne’e hodi halimar hanesan labarik sira halimar iha liur.

Tuir Padre Domingos Maubere hatete, Iha uma lulik Parlamentu Nasional hare katak maluk sira ne’ebé representante povu ne’e larona malu no povu ne’ebé mak hamlaha lakohi reprezentante povu hodi hato’o assuntu povu nian maibe sira la komprende ba povu ninia ezizi nesesidade lor-loron nian maibe sira halimar fali.

“Hau rona problema bara-barak ne’ebé mak lao iha uma lulik ida ne’e, horseik ha’u rona no ohin ha’u hare iha televizaun katak maluk sira ne’ebé reprezenta povu mai iha ne’e, larona malu no ami hanesan povu ne’ebé mak terus, povu ne’ebé mak hamlaha lakohi atu ami-nia reperezentante sira la kompriende malu,” hatete Padre vigariu Bekora Domingos Maubere ba jornalista sira iha Resintu PN, Tersa (19/05).

Padre hatutan, depois núdar padre mos hanesan buat ne’ebé mak hanorin iha igreja, iha ne’e hanesan maioria katolika no katolikus hotu karik ami hanesan liafuan ne’ebé hanorin, igreja hanesan atu kompriende hadomi malu, perdua malu ba povu nia diak, hare ba katak ladun tau iha pratika entaun mak senti hanesan responsavel uituan nomos ba independensia ba rai ne’e ninian, ne’ebé mak ema hotu luta no depois hanoin mos ba solidariedade mundial.

“Timor ne’e laos ita mesak mak manan, maibé ha’u bolu fila-fila ne’e milagre de solidariedade tanba grupu solidariedade nian iha mundu tomak mak fó apoiu ita hodi hetan, oras ne’e mak asiste buat ne’e iha mundu globalizadu ne’ebé ita halo deit hanesan ne’e ema mundu tomak hare,” Hateten Nia.

Nia informa, mundu tomak hare ema sira ne’ebé mak serbisu no sira luta grupu solidariedade iha Portugal, Brazil, Alemaña no Fransa ne’ebé mak hare hetan ida ne’e senti triste tanba durante luta laos ba ida ne’e. Povu sira ne’ebé mak uluk luta ba ida ne’e lae, ita atu luta ba povu ida deit, depois hanesan mos ba ita-nia matebian sira, ita hanoin ba povu barak mak mate no mate sira nia ideal mak ida ne’e.

Ne’e dunik, “Ha’u husu de’it ba Deputadus sira atu bele komprende malu hakruuk ba konstituisaun no hakru'uk ba rejimentu no buat ruma mak ladun komprende no ladun los, bolu espesialista sira mai esplika. Nia dehan, selae labele tan ba tribunal tanba nasaun ne’ebé ho justisa, entaun ba tribunal hodi bele husi tribunal mak desidi. 

“Ita-nia problema dalaruma ita la hakru’uk ba konstituisaun no konstituisaun mak halibur ita. Konstitusaun dehan A ita tenki tuir, konstituisaun dehan B ita tuir, kuandu ita fila kotuk ba konstituisaun hahú husi leten to’o kraik, laiha konsiderasaun ba konstituisaun dehan katak buat hotu labele lao,” Esplika Nia.

Hanesan hau (Pe. Domingus Maubere) dehan tiha ona, Ida ne’e triste uituan, hanesan dehan grupu solidariedade la haksolok ema matebian sira ne’ebé mak Mate barak, povu ne’ebé sei terus, ema ne’ebé luta ba indepedensia ne’e sei moris ne’ebé ita hare hanesan. Nia dehan tan, Husu deit Maromak atu tulun ita-nia reprezentante sira no ita labele fó todan deit ba sira, ita hotu-hotu tenki fó liman ba malu hodi halo buat ne’e lao diak liutan fali baoin, laos deit ba ita maibé ba ita nia jerasaun futuru.

“Ha’u sente joven barak mak sai husi Timor ba buka serbisu iha fatin sira seluk, ida ne’e hanesan problema bo’ot ida,” Hateten Nia. Ne’e ha’u labele koalia tanba hau mai ne’e laos bispu mak haruka hau mai maibé hau mai hanesan parokia ne’ebé mak hela iha povu nia le’et, ha’u iha parokia Bekora no ha’u senti povu Timor ninian ne’ebé mak ita hanoin no buka to’ok oinsa igreja atu intreven ga la interven ida ne’e Bisipu sira mak koalia.

Ha’u mai tanba liuliu hanesan povu no ha’u mai liliu povu ne’ebé mak terus, povu ne’ebé lamerese hare situasaun henesan ne’e. Ida ne’e mak ha’u dehan ita hanoin ba ita-nia rai ne’e ita kontenti, ita sai husi Indonezia ne’e tanba razaun forte, razaun politika moral no razaun Ispiritual. Depois ita-nia direitu ba ida ne’e agora to’o momentu ida hanesan ne’e, ita la hakás-an ona..… Ha’u hare Sente Nakonu ho Tristeza,” Informa nia. (BT)