Asuransi


DÍLI----Sentru Integradu Jestaun ba krize (SIJK) iha loron 19 fulan Maiu, hato’o ba Públiku katak, numeru surtu Corona Virus 2019 (COVID-19), iha Timor-Leste ohin nian kazu rezultadu teste laboratóriu nian mak negativu na’in-1219. Porta-Voz SIJK Dr. Sergio Lobo aprezenta dadus katak, kazu konfirmadu na’in-24 inklui kazu provavel na’in-4, tuir analize laboratóriu katak, pursentu 100 (100%) rekopera no livre ona husi Virus Corona, kazu rezultadu teste laboratóriu nian mak negativu na’in-1219 no hein rezultadu laboratoriu na’in-289.

“Total kazu konfirmadu sei mantén 24 no rekoperadu na’in-28 (Na’in-24 husi kazu Konfirmadu no na’in-4 husi kazu provavel), kazu konfirmadu foun laiha, kazu iha izolamentu Vera-Cruz laiha, kazu akumulativu exame laboratóriu na’in-1314, kompara ho horseik na’in-1398, kazu hein rezultadu husi laboratóriu na’in-289, nomós rezultaddu teste laboratóriu negativu na’in-1219,” Hateten Porta-Voz SIJK Dr. Sergio Lobo ba jornalista sira iha SS-SIJK, CCD, Tersa (19/05).

Nia hatutan, Total Kazu akumulativu amostra husi triajen na’in-68, negativu porsentru 92 (92%), total amostra husi vijilansia sentinela na’in-801, loron rua liuba iha pursentu 44 (44%) mak negativu. Porta-Voz esplika, dadus ba ema sira ne’ebé sei iha karantina iha Díli no Munispiu no dadus ema kumpri ona regras karantina husi inisiu to’o ohin loron husi munisipiu Díli no munisipiu sira seluk. “Total ema sei iha karantina ka konfinamentu obrigatoriu na’in-90, na’in-38 auto-karantina iha Díli, na’in-5 auto-karantina iha munisipiu seluk, na’in-41 iha fasilidade goverru iha Díli, na’in-6 iha fasilidade governu nia iha munisipiu,” deklara nia

Porta-voz esplika total ema ne’ebé liu ona periodu karantina ka konfinamentu obrigatoriu hamutuk na’in-2242, iha munisipiu na’in-500, no iha Díli na’in-1742. Ema tama klandestinamente na’in-2, Ministériu Saúde halo daudaun vijilansia sindromika, katak teste ema hotu ne’ebé aprezenta ho sintomas respiratorius iha fasilidade saúde sira, no mos vijilansia sentinela. Husu ba komunidade atu kontinua uza fasilidade saude sira tuir ida-idak nia nesesidade.

Nia apelu, ami kontinua halo apelu ba populasaun tomak, Husu ba komunidade atu kontinua kumpri regra distansiamentu fíziku minimu metru ida. Tur hakmatek iha uma, no evita halibur malu, uza máskra wainhira sai husi uma, Keta rona boatus no notisias husi fonte ne’ebé lalós. Rona no fiar deit informasaun sira ne’ebé sai husi Konferensia Imprensa ne’ebé SS-SIJK realiza loron-loron. Kontinua pratika ijiene pesoal, liu-liu fase liman bebeik ho sabaun no liman labele kona-ba inus, matan ho ibun, Uza máskra wainhira sai husi uma. (BT)