Asuransi


DÍLI----Embaixadór Australia iha Timor-Leste Peter Robert Hateten hanesan Embaixadór Australia Agradese tebes ba ema sira ne’ebé luta hasoru Corona Virus (COVID-19) tanba bele konsege hasai tiha kazu positivu sira iha Timor-Leste. Nune’e Australia kontinua Apoiu ekipamentus Medikús hodi kontiua luta hasoru surtu moras corona.

Tan ne’e, Servisu Liña-oin mak hanesan, Governu, Ministériu da Saude (MdS), SIJK, Dotór/a sira, Infermeira sira, Polisia Nasional Timor-Leste, (PNTL) Sira, FALINTIL-Forsa Defeza Timor-Leste (F-FDTL), Cleaner sira no Inklui mos Jornalista sira.

“Ha’u kontenti tebes mai iha ne’e hodi simu proposta Timor-Leste nian kona-ba COVID-19, tanba dahuluk, ha’u kongratula ema ne’ebé servisu luta kontra Corona Virus iha Timor-Leste hanesan Infeirmeiru sira, Dotór Sira, PNTL, F-FDTL, Funsionárius sira, liliu Ministériu da Saude, WHO, Governu da Ualu, SAMES no Jornalista sira mós importante serbisu maka’as, ha’u rekuinese katak ita bo’ot sira serbisu maka’as duni,” Hateten Embaixadór Austraia liu husi nia diskursu iha, SAMES-Kampung Alor, Sexta (15/05).

Nia hatutan, No liu husi ekipamentus hirak ne’e liu husi kontroversial no teste agora kontrol kolombias maibe ita seidauk bele deskansa, signifika tenke kontinua prevene. “Ohin ha’u Kontenti tebes bele fó tan PPE (Personal Protection Equipment), no ekipamentus saude ba Timor-Leste inklui mos Maskra Rihun 1000, Maskra seluk rihun 18.000, Luvas rihun 22.000, ba laboratóriu nasional, Oxigenio litru 50 no sel-seluk tan,” Hateten nia.

Nia dehan ekipamentus hirak ne’e importante ba ema sira ne’ebé moras grave tanba Ami rekuinese katak proteze ema serbisu luta kontra Corona virus hanesan infermeiru, Dotór, seguransa sira, nomós ema sira cleaner (Hamos) importantes tebes. “Ha’u espera katak PPE ne’e bele suporta Timor-Leste nia servisu,” Esplika nia.

Nia esplika tutan, Ekipamentu ne’e diak ba Klinika Vera-Cruz, no ida ne’e reprezenta pakote datoluk ekipamentu no PPE husi Australia. Maibe Australia la’os kuinese ekipamentus deit maibe sei inklui mos buka atu serbisu hamutuk iha rai laran no Povu Timor-Leste. Nia Afirma, Kona-ba support DICS sira sei serbisu hamutuk ho Ministériu da Saude fó ninia dotórs servisu iha laboratóriu da saude, no Austraia nia polisia no Forsa Defeza serbisu hamutuk ho F-FDTL no PNTL tanba ita belun no Viziñu.

“Australia no Timor-Leste iha interese hanesan tanba ne’e Australia kontinua serbisu ho Timor-Leste ,” Dehan nia. Ikus liu Agradese dala idatan kolaborasaun diak tebes ho Ministeriu da Saude, SAMES, WFP no sel-seluk tan. (BT)