Asuransi


DÍLI----Porta-Voz Sentru Integradu Jestaun ba Krize (SIJK) Dra. Odete da Silva Viegas iha aprezentasaun dadus ba surtu Corona Virus (COVID-19), katak ohin loron Timoroan sei hein teste rezultadu laboratoriu hamtuk na’in-467, no ema teste negativu ohin na’in-1346, no profesionál saúde na’in-11 mak oras ne’e dadaun iha hela karantina.

“Total numeru Komulativu teste na’in-1346 horseik iha na’in-1314 Total hein rezultadu na’in-467 horseik iha na’in-435, Total komulativu kazu konfirmadu mantein na’in-24, Total kazu foun laiha, Total resultadu laboratóriu negativu mantem hanesan horseik na’in-855, Total kazu rekuperadu ka kuradu na’in-28 (Na’in-24 husi Kazu Konfirmadu no na’in-4 husi kazu provael), numeru kazu baixa laiha, Numeru Mate laiha, Total Profesionais Saude iha Karantina na’in-11,” Hateten Porta-Voz SIJK Dra. Odete da Silva Viegas ba jornalista sira iha SS-SIJK, CCD, Sabadu (16/05).

Nia hatutan, Dadus ema sira ne’ebé sei iha karantina no Auto-karantina Díli no munisipiu hela na’in-53 kompara ho horseik numeru tun. “Total ema iha konfinamentu obrigatoriu no Auto-konfinamentu na’in-53, 48 Konfinamentu obrigatoriu husi Díli na’in-44 no Munisipiu na’in-4, Auto-konfinamentu husi Díli na’in-5 no husi Munisipiu laiha,” Informa nia.

Alende ida ne’e nia relata mós ba dadus sira ne’ebé mak sai ona husi karantina no kumpri ona regras karantina iha loron sanulu resin haat (14), hamutuk na’in-2238. “Total ema sira ne’ebé passa ona karantina iha loron sanulu resin haat (14) na’in-2238, (Iha Díli na’in-1738 no iha Munisipiu na’in-500),” Hateten nia.

Nia kontinua esplika, Ita hotu nia funu hasoru COVID-19 foin hahu hela no ita sei iha dalan nebe naruk, ba oin ba ita tuir mai sei iha servisu no responsabilidade bo’ot nebe sei kontinua halao hodi mantein bele kontrola epidemia ida ne’e no avansa hodi hadiak ekonomia iha sociedade. “Husi kazu 24 nebe durante ne’e regista konsidera hanesan kaju inportadu,” Salienta Nia.

Ne’e dunik, To’o oras ne’e seidauk iha evidensia kona-ba transmisaun lokal iha komunidade, Ida ne’e komprova ona husi dadus hatudu mai ita katak, husi ema na’in-24 kazu konfirmadu mak ho historia viajem no na’in-2 seluk mak kontaktus besik husi Prof. Portuguesa i horseik, kazu konfirmadu na’in-5 liberadu ona husi Sentru Izolamentu Vera-Cruz.

“Hanesan ita hotu hatene katak ho Grasa Maromak nian durante pandemia COVID-19 to'o agora Timor-Leste bele dezempeña serbisu diak tebes atu kontem epidemia COVID-19 iha ita-nia rain, Governu liuhusi-Primeiru Ministru ho Komisaun Interministerial, Seguransa, Dioseze, Komunidade Vera-Cruz, Autoridade sira, WHO, UNICEF, WFP, Parseirus hotu, Eis Vice Ministra. Dra. Elia, Eis Titulares, CVTL, Maun José Ramos Horta, Maun Bo’ot Xanana, front line hotu-hotu, SIJK, Voluntarius, Familia Rekuperadus ho Karantina no Auto-Karantina, Sosiaedade tomak Timor-Leste nian, Kontribui ona ba konkista ida ne’e ho maneira oioin,” informa nia. (BT)