Asuransi


DÍLI----Vise Prezidenti Cámara Comérsiu Indústria (CCI-TL) João Alves hateten setór privadu apresia ba servisu Governu nian ne’ebe konsege halo promosaun ne’ebé mak di’ak iha area Setór Turizmu iha Timor-Leste hodi hasa’e nia kualidade nune’e Timor-Leste labele depende nafátin fundu Petrolíferu.

Tuir Vise Prezidenti Cárama Comérsiu Indústria Timor-Leste (CCI-TL) João Alves realsa, Governu hasa’e ona Promosaun iha área Turizmu nian iha Timor-Leste, atu nune’e labele depende nafátin fundu Petrolíferu. “Primeiru Turizmu agora Governu halo nia promosaun ne’ebé mak makás, atu nune’e labele depedensia fundu petrolíferu, Turizmu tenki halo forma hotu atu bele enkam ne’ebe mak makás iha Orsamentu Estadu nian” dehan Vise Prezidenti CCI-TL ba Jornalista BT iha CCD, Kuarta (11/03).

Vise Prezidenti ne’e haktuir tan, Parte Setór privadu nia asaun importante wainhira halo mapamentu kona-bá zeo Turizmu seida’uk inklui. “Setór privadu presiza liu, prontu politika klaru ona, mesmu buat balun ne’ebe mak sei falta, la koalia kona-ba zeo Turizmu seidauk inklui iha laran, tanbá ita mos iha ita nia potensiazeo ba Turizmu hanesan buat ruma ne’ebe mak lulik buat sira ne’e ita iha hotu.

Nia esplika, maibé importante ba Setór Privadu ne’e mak asaun, wainhira los mak bele iha mapamentu ida, kongetu lolos ho estudu ida ne’ebé mak detallu tebés, atu nune’e bele hateten katak, área Turizmu ne’ebé mak bele iha retornu di’ak ho bele iha rendimentu ne’ebé di’ak. Tanbá ne’e, influensia atu atrai turista sira mai, ida ne’e mak Setór Privadu presiza, alende regulamentu ne’ebé mak iha, maibé estudu mapamentu ne’e tenki hatudu katak, área potensiál lolos iha Turizmu relizioju iha Turizmu maritima no iha zeo Turizmu sira.

CCI-TL hanesan mós Setór Privadu, ne’e importante tebés, mak halo dezeñu ida planeamentu kona-bá iha área potensiál sira, área potensiál mak atu halo investimentu ne’e ninia kondisaun investimentu hanesan ita presiza joven sira iha área Ospitalidade hanesan simu ema ho di’ak. Nia dehan, fatin sira ne’ebe mak ita loke iha área Turizmu, seguru ho inan sira ne’ebé mak tenki ho kualidade, koalia ho ema ne’ebé mak di’ak, hanesan turista sira moras ita atu lori ba Hospital ida ne’ebé mak fasilidade ne’ebé mak di’ak.

Vise ne’e haktuir tan, Serór Privadu hanesan parseiru governu nian, ne’ebé mak importante tebés, atu halo estudu detalladu kona-bá iha área Turizmu nian iha Timor-Leste. Tanbá ne’e importante tebés bele hamutuk ho Setór Privadu no Governu, oinsá bele halo estudu ne’ebé mak detalladu, hodi bele halo planu ida ne’ebé mak di’ak, hodi nune’e bele hatene Setór Privadu investe labele lakon. (BT)