Asuransi


DÍLI----Juventude sira iha Timor-Leste presiza iha vontade di’ak hodi bele kria abilidade ba pesoal liu-liu iha area kriatividade hodi prepara produtu ho idea inovativu atu bele responde ba ezijénsia merkadu.

Tanbá atu hamosu kreativu ne’ebe diak hodi bele kria oportunidade ida ne’ebe diak ba an rasik hodi sai ezemplu ba juventude sira seluk depende ba pesoal idak-idak. Tuir Valente José Gusmão konta tuir esperiénsia katak iha tempu Indonesia nian hamosu inisiativa hodi hala’o atividade iha setór Soldadura nian, hodi prepara produtu liu husi solda konsege solda Odamatan, Meza, Janela, Portaun, Uma no mós Karreta sira.

“Iha rasik vontade atu bele aprende tanba oportunidade menus tebes ba sira hodi fasilita formasaun sufisiente tan nee iha joven timoroan nain-10 mak mai serbisu voluntariu iha Ofisina Soldadór ne’e aprende ho hetan abilidade ruma. Oras ne’e iha ona nain-5 merese ona simu saláriu hodi responde ba nesesidade báziku tanba iha ona kapasidade natoon” dehan koordenadór Soldadór Valente José Gusmão ba jornalista Business Timor iha Ofisina Soldadór, Kuarta (04/03)

Koordenadór Soldadór Valente haktuir husi joven nain hira ne’ebe iha joven nian rua mak hetan ona abilidade no esperiénsia di’ak hodi loke rasik sira nia atividade soldadór iha parte Bebonuk no parte Kampu Baru. Husi esperensia ne’ebe iha konsege rendimentu rasik hodi responde ba sira nia nesesidade rasik no bele mós fó serbisu ba ema seluk.

“Pontu importante ba susesu ema ida nian mak presiza serbisu ho dixiplina no badinas tenke rona no kumpre saida de’it mak ema seluk haruka atu halo. Tenke iha Vontade di’ak hodi bele serbisu atu bele hetan abilidade di’ak no esperiénsia atu bele garantia futuru’’ dehan Valente José Gusmão.

Nia dehan joven sira ne’ebe hakarak kria negósiu rasik, importante liu mak presiza kriatividade maibé kriatividade atu mosu tenke iha vontade aprende hodi bele hetan abilidade ruma no atu manan esperiénsia barak presiza iha vontade aprende. Tan ne’e nia mos husu ba iha ministeriu kompetente atu ajuda joven sira iha area formasaun hodi nune’e bele prepara joven sira iha kampu servisu iha rai laran no rai liur hodi kontribui ba kresimentu ekonomia nasaun.

“Husu ba parte governu liu husi ministériu kompeténte atu bele fó apoiu formasaun sufisiente hodi bele hasa’e kapasidade joven sira hodi bele hamosu idea foun ba produtu balun ne’ebé mak bele responde ba nesesidade merkadu nasionál no mós internasionál atu bele kontribui ba kresimentu ekonomia, dehan Valente

Iha joven barak mak laiha abilidade hodi buka serbisu ou kria serbisu ba aan rasik, ida nee sai obstaklu boot tebes ba sira nia moris futuru no kontribui maks ba númeru dezempregu iha rai laran. Husu ba joven tenke hamosu vontade atu bele aprende liu husi formasaun saida de’it atu bele hetan abilidade ba moris, tanba bainhira laiha vontade mak sei difisil tebes pesoal ida atu bele muda nia moris hodi hetan moris di’ak tanba ita rasik bele la hetan oportunidade ba serbisu. (BT)