Asuransi


DÍLI----Relasiona ho politika Minsitériu Turizmu (MT) ba tinan 2020 ne’ebe mak sei implementa Master Plan Turizmu iha Munisipiu 3 sei hein rejultadu Orsamentu Jeral Estadu 2020.

Implementasaun Master Plan ne’ebe tuir planu sei implementa iha Munisipiu tolu mak hanesan Munisipiu Dili (Cristo Rei no Atauro) Munispiu Lautem (Illa Jaco) nomos Munisipiu Ainaro (Ramelau) seidauk klaru tanbá sei hein Rejultadu OJE. Programa Implementasaun planu refere kaer ba Planu Estratejia Dezenvolvimentu Nasional (PEDN) Tinan 2011 to’o tinan 2030.

Tuir Diretór Jerál Turizmu (DJ) José Quintas afirma, iha tinan 2020 Ministériu Turizmu iha planu hodi halo Master Plan iha fatin tolu, hodi bele Atinje Metas Governu nian ba 2011 to’o 2030, maibé tinan ne’e Parlamentu Nasionál xumba Orsamentu Jerál Estadu, no seí hein OJE 2020 aprova bele implementa ona planu refere.

“Tinan 2020 Ministériu Turizmu halo nia planu ne’ebé mak seí halo Master Plan iha fátin tolu, no Planu Estratejiku Dezenvolvimentu 2011 to’o 2030 maibé OJE 2020 la aprova iha Parlamentu Nasionál seí hein, bainhira OJE 2020 Aprova fila-fali bele implementa ona ba planu sira ne’e,” dehan Diretór Jerál Turizmu (DJ) José Quintas, ba Jornalista BT iha CCD, Sexta (24/01).

DJ Turizmu ne’e hateten, tinan ne’e Ministériu Turizmu atu aloka ona Master Plan, maibé Parlamentu Nasionál xumba OJE, tanbá ne’e mak seí hein no seidauk bele implementa. “Tinan 2020 ne’e mak ita atu aloka ba Master Plan, maibé Orsamentu sira ne’e Xumba iha Parlamentu Nasionál, tanbá ne’e mak ita seí hein espera aprova fali OJE 2020 ita komesa halo ona dezenvolvimentu ba fátin Sítiu Turistiku sira ne’e,” dehan nia

Nia dehan Zona Turístiku Orientál nian, Sentrál no Osidentál, ne’ebé hamutuk Zona Tolu ne’e be mak téknikamente identifika ona, hodi halo Master Plan ba Zona Leste nian, Lautém mak Illa Jaco, ne’ebé mak seí halo koordenasaun kolaborasaun hamutuk ho Liña Ministerial no Autoridade lokál hodi haré ba fátin ida ne’e.

DJ ne’e esplika, Zona Sentrál mak seí foka ba Kristu Reí, no Zona Oeste mak seí haré ba Foho Ramelau, tanbá fátin tolu ne’e mak importante. “Tanbá ne’e, ami iha dadús ne’ebé mak hanesan Foho Ramelau, ema kontinua vizita barak, Ministériu Turizmu kontinua haré ona ba longu prazu, Governu presiza investe ona, ita mós presiza Master Plan, planu mestradu ida própiu Sítiu Turistiku sira,” katak nia

DJ Turizmu ne’e haktuir tan katak, Master Plan importante tebés, maibé planeamentu jestaun ne’e importante tebés, ba Sítiu Turistiku prinsipál sira, dalaruma komunidade barak mak husu ona, liu-liu kona-bá hanesan Sitiu sira ne’e, tanbasá mak Sitiu iha Munisípiu sira ne’e abandona, ne’e realidade. Minsitériu mós rekoñese, tanbá ita seí falta rekursu finanseíru, la’os ita mak atu dezenvolve maibé presiza orsamentu.

Tanbá ne’e mak, bu’at ne’e fazeadamente ita halo Master Plan hotu, ita seí haré tinan oin mai tan, ita tau ona orsamentu atu nune’e hari ona, komesa dezenvolve ba Sítiu seluk, sira ne’e harí hotu ona, hafoin mak ita haré fali ba jestaun. DJ José ne’e hatetem, jestaun ita seí aplika ba Parseria Públiku Privadu sira, atu nune’e jetaun ne’e Setór Privadu mak responblidade, atu bele ita koalia fali ona retornu, bainhira ita investe Sitiu ne’e mós bele mós produs ona osan rasik.

Nia dehan, Master Plan ne’e hosi Ministériu Turizmu nia planu, nia Xavi mak depende ba Orsamentu, tanbá Master Plan ne’e foin mak primeira véz, iha Ministériu Turizmu nia Orsamentu ami prevé kona-bá dezenvolvimentu Turizmu nian. Tanbá ne’e VIII Governu mós fó prioridade makás ba iha área Turizmu, ita presiza halo ona investimentu, investimentu ne’e ita presiza halo planu ne’ebé mak furak, la’os ita harí Sítiu Turístiku, lubuk ida gasta Orsamentu barak maibé abandona ne’e ladun di’ak ba ita nia dezenvolvimentu. (BT)