Asuransi


DÍLI----Premiadu Nobel ba Dame José Ramos Horta hatete iha tinan 2020 sei serbisu hamutuk ho Prezidente da Republika, Governu, Sosiedade Sivil no Igreja hodi kombate violénsia iha komunidade nia leet hodi kontribui ba dezenvolvimentu ekonomia nasaun nian

“Bainhira kuandu problema sira ne’e ita la rezolve nasaun seluk atu mai investe iha ita-nia rain sei iha duvida ba ita-nia rain rasik tanba problema violensia mosu iha komunidade nia leet nunka rezolve” hateten Premiadu Nobel ba Dame ba jornalista sira hafoin selebra ninia aniversáriu ba dala-70 ne’ebé selebra ho labarik kiikoan sira iha Meti-Aut, Kinta-Feira (26/12/2019).

“Ha'u serbisu hamutuk ho sira atu hare problema violensia ne'ebé durante sei mosu iha komunidade” nia dehan, durante hare problema mosu hela deit iha komunidade nia leet tanba ne'e 2020 serbisu hamutuk ho sira para hare problema sira ne'e ita rezolve. Nune'e problema hirak ne'e liga ho Arte-Marsial sira tanba ne'e koalia tiha ona ho Prezidente KHUNTU atu koalia ho lider Arte-Marsial sira atu bele kontribui ba dezenvolvimentu rai ida ne'e.

“Ha'u koalia ona ho Naimori atu koalia ho lider Arte-Marsial sira atu ita bele serbisu hodi kombate problema violensia tanba tinan 2020 atu hasa'e ita nia ekonomia rai laran problema violensia iha komunidade nia le'et sira hakmatek” afirma nia. Ne'e dunik hanesan Novel ba Dame tenke tulun Governu hare oinsa resolve problema kiikoan sira hanesan ne'e tanba problema violensia iha komunidade nia le'et sira ne'e labele akontese tan iha tinan sira oin mai ne'e.

Alende ne’e, depois hare oinsa bele tulun governu para hare 2020 Ita-nia ekonomia aranka duni ba oin tanba ita hakarak dame iha rai ne’e, problema ki’ak ne’e tenke tun. Nune’e la’os Governu nia responsabilidade maibe kuaze uniku pais AZIA ne’e buat hot-hotu halo hein Governu. “Tanba ne’e, hau hare grupo balun hanesan Kooperativa ne’ebé Rui Castro hahu halo iha Territoriu Timor Laran tomak nia la simu apoiu hosi Governu,” tenik nia.

Alende ne’e sira hahu ona halo kooperativa tama ona Munisipiu sanulu resin ida kona-ba hakiak Manu, i Manu ne’e Manu Timor maibe ho kualidade. “Nune’e ohin sira lori balun mai hau nia uma, ha’u hare i folin diak, kualidade na’an ne’e diak liutan tanba ne’e natural nomos fresku 100%” hateten nia.

Nia salienta liutan, ita hot-hotu sosa manu mai hosi Brasil, Singapura no sel-seluk tan problema boot ba saude mos. “Maibe iha tan inisiativa seluk, hau hare tanba ne’e tenke hare ho setor privadu nian maibe problema mak ne’e banku fό impresta jurus sira ne’e a’as demais” afirma nia. (BT)