Asuransi


DÍLI----Relasiona ho Selebrasaun loron boot Natal no Tinan Foun no oras ne’e dadaun loja JACINTO Kuluhun disponivel ona sasán dekorasaun Natál no Tinan Foun ho kualidade di’ak no folin ne’ebe mak baratu tebes. Tan ne’e atu labele lakon oportunidade refere bele hakat direitamente ba iha loja JACINTO Ne’ebe Kuinesidu ho naran JACINTO DEPARTAMENT STORE ne’ebe lokaliza iha Kuluhun, Díli.

Tan ne’e tuir Jenerál Manajer Supermerkadu JACINTO Karen Uitomo hatete atu selebra loron boot Natál no Tinan Foun oras ne’e Supermerkadu JACINTO prepara material ba dekorasaun Natál no Tinan Foun ho folin ne’ebé baratu ba publiku.

“Sasán dekorasaun hirak mak hanesan atu orna ba prezépiu no mós ho lampu Natál lakan furak no Koris oin-oin, iha mós estátua Natál hanesan, Santa Maria, Meninu Jesus, Saõ José, hodi bele infeita iha prezépiu laran.’’ Dehan General Manager Karen Uitomo ba Business Timor (BT) iha Edifísiu Supermerkadu JACINTO, Kuluhun, Díli, Kinta-Feira (19/12/2019)

Nia dehan Supermerkadu JACINTO oras ne’e oferese materiál dekorasaun Natál no Tinan Foun no folin ne’ebé mak ho variasaun bele asesu hosi ema hotu ho nivel ekonomia diferente. Nia afirma katak Publiku lalika duvida ba kualidade tanba material hirak ne’e haruka hosi nasaun Indonezia, Australia no Xina. Folin ba material dekorasaun ne’e ema hotu bele asesu hosi folin baratu, natoon no mós iha karun oi-tuan.

JACINTO hakarak loke negósiu ho sistema ida atu bele oferese folin ida ne’ebé mak ema hotu bele asesu hosi nivel ekonomia ne’ebé mak diferente. Tanba iha ema balun ne’ebé mak hetan rendimentu boot, natoon no balun ki’ik. “Atu selebra loron Boot Natál no Tinan Foun hosi parte supermerkadu JACINTO prepara ona Parcel Natál no Tinan Foun hodi tau sasán kombinasaun hosi buat balun, hanesan Hahán, Bebidas, Tua, Dose no seluk tan’’. Informa Nia.

Nia mós husu ba konsumidór sira atu bele hakat mai supermerkadu JACINTO atu bele sosa sasán saida de’it mak presiza hodi selebra loron boot Natál no Tinan Foun atu haksolok hamutuk ho família tomak. Nafatin Supermerkadu JACINTO asegura folin no kualidade ba sosa nain hotu. (BT)