Asuransi

OSSÚ----Kordenador Eskola Basiku Filial (EBF) Mua-Imi António Amaral, informa salariu ba professor sira iha area rural kontinua diferente nune’e husu ba governu no ministeriu kompetente atu haree asuntu ne’e.

“Ita haree sira iha area rurais ne’e balun nia salariu bele hasae maibé ami mos iha rural ne’e nunka hasa’e ami nia salariu uluk sira dehan katak 15% ba ami, maibé ami hein to’o agora nunka iha, maibé balun iha rural ne’e sira hetan hanesan 45% no 15% ami nunka hetan ne’e mak haree ba MEJD halo diferente uituan, tanba uluk promote dehan katak imi iha area rural ne’e imi tenki hetan 15% maibé buat hotu ami hein laiha nafatin,” hatete Kordenador EBF Mua-Imi António Amaral ba jornalista BT iha nia knar fatin EBF Mua-Imi, aldeia Umatamene, Suku Ossorua, postu Administrativu Ossú, munisipiu Vikeke, Sabadu (31/10).

Nia hatutan, Agora dadauk Salariu ba ami ne’e diferente uituan tanba uluk UNTAET nian ne’e ami nia salariu ne’e nunka hasae agora sira ne’ebé mak foin hanorin ne’e salariu boot liu. Nia haktuir, Ida tan mak ne’e liliu ba MEJD kria didiak kona-ba ami nia salariu no se bele karik halo fasilidade eskola atu kria ne’e mak fasilidade eskola ne’e tenki iha, tanba uluk Indonezia nia tempu ne’e fasilidade ne’e tenki iha maibé agora ita markar pasu iha fatin deit.

Nia haktuir, Tanba ne’e ami servisu ne’e hanesan liliu ba buat sira ne’e no MEJD se bele karik farda hanesan edukasaun ne’e ketak, labele dehan katak funsionariu ne’e hanesan ami professor hanorin primeriu no segundu siklu no ensinu basiku ne’e ketak, entaun sekundariu ne’e ketak tan ne’e mak ita haree ba kapaas oituan maibé agora ami funsionariu ne’e hanesan desizaun ida-idak nia hakarak ne’e labele tanba ne’e ministeriu relevante sira bele tetu took didiak. (BT)