Asuransi

DÍLI----Eventu ida ne’e ho objetivu atu selebra Oktoberfest nian, ne’ebé mak Timor-Plaza hala’o kada tinan dala ida, ho nune’e eventu Oktoberfest ida ne’e mós atu selebra loron serveja nian. Kompañia Timor-Plaza ejisti iha Timor-Leste desde tinan barak ona, ne’ebé kada tinan hala’o aktividade hanesan selebra eventu Oktoberfest hodi anima no konsentra komunidade sira iha kualker eventu ne’ebé mak Timor-Plaza hala’o, inklui mós promove produtu lokál iha Timor-Leste nian.

Tuir Manajer Timor-Plaza (TP) Lizeti Lucas hateten, tinan ida ne’e Timor-Plaza hala’o selebra Oktoberfest nian ne’ebé mak tinan ida, no objetivu eventu ida ne’e hanessn selebrasaun iha mundu tomák inklui mós Timor-Leste. “Ami ohin kalan selebra Oktoberfest iha tinan 2020, objetivu eventu ida ne’e mak hanesan selebrasaun iha mundu tomák selebra Oktoberfest loron festival serveja nian,” Dehan Manajer Timor-Plaza (TP) Lizeti Lucas ba Jornalista Jornal Semanal Business Timor (BT), iha Resintu Timor-Plaza (TP) Komoro Díli, Sabdu (03/10).

Manajer Timor-Plaza argumenta, tinan ida ne’e Timor mós hakarak koko hanesan iha rai liur, hodi selebra hotu maske dau-daun ne’e iha rai liur la selebra, maibé Timor-Leste Kontinua selebra nafátin. Nia admiti, hatudu katak, Timor nia Saúde di’ak nafátin, maske agora tempu pandemia Covid-19, iha rai liur la selebra, tanbá Covid-19 iha sira nia rai kontinua da’et ba sidadaun sira. Lizeti akresenta, Timor-Leste koko selebra hamutuk ho komunidade sira, atu kolabora hamutuk iha fátin ida ne’e, hodi kontenti hamutuk atu selebra festival Oktoberfest nian iha tinan ida ne’e iha Timor-Plaza.

Tanbá ne’e, Timor-Plaza kria eventu ida ne’e atu halibur Komunidade sira hamutuk iha fátin ida ne’e, ho kontenti ho músika ne’ebé mak timoroan rasik mak lori. Alende ne’e eventu ida ne’e mós nia benefisia mak mai bele koko hahán sira ne’ebé mak prepara iha fátin ida ne’e, ne’ebé mak ami dezenvolve hahán husi ETDA sira lori produtu lokál mai fa’an iha ne’e, no restaurasaun proema no restaurasaun balun iha Díli laran, ne’ebé mak servisu hamutuk hodi bele mai promove sira nia hahán. Lizeti konfirma, eventu ida ne’e halo timoroan sira kontenti no bele mai diverte hamutuk iha fátin ida ne’e iha Timor-Plaza Komoro Díli.

Tanbá eventu ida ne’e eventu Oktoberfest ida ne’e tinan ida dala ida, tanbá ne’e ohin ami komesa hahú tuku 3 lokraik to’o tuku 10 kalan, durante Óras hira nia laran aktividade mak hanesan banda lokál iha mistura band no sira seluk, inklui mós iha dansa kultural husi Timor Furak no dansa husi funsionáriu Timor-Plaza rasik. Tanbá ne’e eventu ida ne’e mós iha hahán produtu lokál no hemu, hodi selebra loron festival serveja nian, aktividade Oktoberfest ida ne’e, hala’o tinan ida dala ida, tanbá eventu ida ne’e espesiál ba timoroan sira, siknifika Timor mós bele selebra saída mak internasional sira hala’o.

Iha fátin hanesan manajer East Timor Development Agency (ETDA) Januário Von haktuir, festival Oktoberfest husi Timor-Plaza mak organiza ne’ebé mak kada tinan ida, nune’e kovida ETDA hodi bele mai promove produtu lokál, tanbá ETDA hanesan sentru formasaun Turizmu Otelaria. “Festival ida ne’e hanesan Oktoberfest ne’e husi Timor-Plaza mak organiza halo kada tinan dala ida, tinan-tinan sira konvida nafátin ETDA hanesan sentru formasaun ne’ebé mak iha turizmu otelaria,” Esplika nia

Manajer ETDA akresenta, ETDA servisu hamutuk ho Timor-Plaza bele konvida ami bele mai partisipa iha eventu ida ne’e, ne’ebé mak lori hahán sira ne’ebé mak ami iha hodi bele promove iha eventu sira hanesan ne’e. Januario klarifika, lori produtu lokál mai iha eventu ida ne’e hanesan Akar-Kadakal, Ai-Farina Bola no mai bolu Pakus husi Manu Timor, Sikat Lokál na’an Kabuar, Çhokolat Bou no produtu sira seluk.

Tanbá ne’e Manajer ETDA senti aktividade ida ne’e di’ak tebés, presiza promove ita nia produtu lokál sira, tanbá loron ne’e pandemia, tanbá ne’e mak aktividade sira hanesan ne’e komesa fila-fali atu atrai turista sira. Jornalista Semanál Business Timor iha terenu nota katak, aktividade ne’e hetan partisipasaun másimu husi Komunidade Timoroan no komunidade Internasionál sira, inklui mós bainhira atu tama fátin eventu ne’e, tenki fase liman ho sabaun utiliza maskra no seguransa Guardamor sek poin hafoin tama hodi akompaña eventu refere. (BT)