Asuransi

DÍLI----Kreditu ho funan ki’ik ka “soft loan” ne’ebé governu lansa foin-lalais ne’e sai hanesan faze pozitivu ida atu dada timoroan hotu hari’i sira ninia empreza hodi bele kontribui ba dezenvolvimentu ekonomia nasaun nian ne’ebé tinan hirak ne’e hahú monu. Emprezariu David Jon konsidera kréditu “Soft Loan” ne’ebé Governu liuhusi Ministériu Turizmu Komérsiu no Indústria (MTKI) lansa hodi fó kréditu ho funan ki’ik 3% ba empreza mikro no pequena sei lori vantajen di’ak ba atividade emprezariál nasaun foun ne’e hodi bele kontribui ba dezenvolvimentu ekonomia nasaun nian.

“Programa kréditu ne’e di’ak tebes, tanba kréditu funan ki’ik bele hanesan fó vantajen ba emprezariu hotu liu-liu komapaña ki’ik sira, programa kréditu ho jurus porsentu 3% ba tinan nian di’ak no kapas teb-tebes tanba kreditu funan ki’ikoan ne’e bele hanesan fó vantajen ba insentiva ba emprezariu hotu-hotu liuliu hanesan kampañia ki’ikoan sira,” hatete Diretor Dili-Mart David Jon ba jornalista BT hafoin partisipa lansamentu electronic CoO iha salaun MTKI Bebora Díli, Kinta (24/09)

Nia hatutan, hanesan kompañia boot mós antes ne’e atu hetan kréditu ne’e susar teb-tebes funan boot, entaun funan boot mos atu selu funan boot ne’e mos hanesan todan ba sira balun mos la sangup tanba funan a’as ne’e, maibe agora hanesan fó funan ki’ikoan ida ne’e hanesan fó vantajen boot ba ita-nia funsionariu sira bele halo kréditu no hanesan fó tempu ba ita timoroan atu halo business maibé kapital menus entaun laiha.

“Hanesan governu fó kréditu ho funan ki’ik ida ne’e bele hanesan aumenta iha rai laran tanba ida ne’e hanesan fó motivasaun boot ida ba ita-nia emprezariu timoroan sira iha rai laran. Funan ki’ikoan ida ne’e ita-nia emprezariu mos bele brani foti kréditu bele aumenta sira nia kapital nomos asesu hanesan kapital ne’ebé durante ne’e sira ba ho kapital ne’ebé iha, entaun sira mos bele realiza mehi bar-barak ne’ebé iha,” Salienta nia.

Nia haktuir, Durante ne’e ita hare hanesan ita timoroan barak hanesan iha mehi atu halo business oi-oin maibé tanba hanesan kapital menus, entaun kapital laiha nomos hanesan asesu kréditu mos susar ho funan ne’ebé boot ida ne’e hanesan impedimentu boot ida ba ita-nia emprezariu.

“Ho programa 3% ida ne’e kréditu ho funan ki’ikoan ba ita-nia emprezariu fó vantajen boot ida ne’e hanesan ohin hau dehan bele mosu emprezariu foun bar-barak iha ita nia rai laran nomos business mos bele komesa tanba ida ne’e, bainhira hanesan emprezariu barak mak hanesan loke business ona ita-nia ne’e hanesan automatika kampu servisu mos aumenta barak liu tan, servisu mos bele aumenta barak liu tan, dezempregu mos bele hamenus. (BT)