Asuransi

DÍLI----Governu liuhusi Ministériu Koordenadór Asuntu Ekonomiku (MECAE-sigla portugés) no Ministériu Finansas no Ajensia TradeInvest atribui deklarasaun benefeisiariu ba empreza nasionál no internasionál lima (5) ne’ebé hala’o sira ninia investimentu iha setór produtiva iha area agrikultura no setór turizmu ne’ebé iha posibilidade bo’ot atu kontribui ba dezenvolvimentu ekonomia nasaun nian no apoiu mós ba programa rekoperasaun ekonomia Timor-Leste nian.

Empreza lima (5) ne’e kompostu husi empreza internasionál rua (2) no nasional tolu (3), no empreza hirak ne’e mak hanesan empreza COMVE Limitada ne’ebé hala’o ninia investimentu Munisipiu Lautem, Empreza Do Santos Agorpec Unipesoal, LDA, iha Bobonaro, COMPAS Boat Cahter & Diverses, LDa ne’ebé investe iha setór turizmu nian iha Atauro, ACELDA Unipesoal, LDA, ne’ebé hola fatin iha Baukau no empreza AGROPRO Corporatrion, LDA, ne’ebé investe iha Likisa.

“Permite mai ha’u iha biban ksolok ida ne’e hodi TradeInvest nia naran no VIII Governu Konstiuisionál hakarak fó sai naran empreza 5, investidor primeiru mak COMVE Limitada, Segundu ivenstidor Do Santos Agorpec Unipesoal, LDA, terseiru COMPAS Boat Cahter & Diverses, LDa, kuartu ACELDA Unipesoal, LDA, no Empreza AGROPRO Corporatrion, LDA, ne’ebé hola fatin iha Likisa,” hatete Ministru MEKAE Joaquim Amaral iha ninia diskursu ba serimónia asina protokolu kooperasaun entre ajénsia Autoridade Adoaneira ho TradeInvest no atribuisaun sertifikadu ba investidór sira iha edifísiu Ministériu Finansas foin lalais ne’e.

Ministru Koordenadór Asuntu ekonómiku ne’e hato’o nia votus parabens ba diretór sira kada empreza ho ninia ekipa ne’ebé iha vontade bo’ot hodi halo investimentu iha Timor-Leste tanba konsidera investidór lima ne’e ninia investimentu importante tebes. Membru governu ne’e konsidera empreza lima ne’e halo investimentu iha tempu ne’ebé oportunu no sei kontribui maka’as tebes ba programa governu nian liga ba iha rekoperasaun ekonomia nasaun nian. “Ba ita bo’ot na’in-5 estadu nia parabéns, estadu nia orgullu tanba ita bo’ot sira mai iha momentu ne’ebé oportunu atu ita hamutuk ho estadu transmite mensajem ba iha merkadu katak ita nia ekonomia rekoopera dadauk e rejilente duni,” dehan Ministru ne’e

Nia hatutan, iha momentus ida ne’e importante tebes tanba mundu tomak no estadu Timor-Leste hasoru situasaun Covid-19 ne’ebé ninia implikasuan ba ekonomia todan tebe-tebes, tanba ne’e maka eventu ida ohin marka istória boot teb-tebes tanba ida ne’e fó mensajem trasmite sinal de rekopeerasaun ekonomiku sinal de rezilensia ita nia ekonomia iha situasaun ida ne’ebé merkadu presisa teb-tebes asaun konkreta bele hatudu katak ita nia ekonomia book-an dadauk iha fase ida difisil ne’e, tanba ne’e maka dala ida tan ha’u permite atu fó parabens ba investidor na’in-5.

Polítika Oitavu Governu nian kona-ba rekoperasaun ekonomia rai-laran atu fó tulun ba empreza sira no traballadores mantein empregu hodi hamenus Dezempregu. “VIII governu introdus politika planu rekooperasaun ekonomia ne’ebé ninia objetivu atu fó tulun ba iha empreza sira atu hahú fila fali sira nia atividade ekonomia nune’e mós ba iha traballadores sira ne’ebé atividade sira ne’e fó fokus makaas liu atu konsentra atu ajuda setór privadu sira hodi hasa’e ekonómia rai laran, atu kontinua mantein empregu sira ne’ebé maka iha atu nune’ mós bele trava ou amenus dezempregu ne’ebé iha,”tenik nia

Nia hatutan, ohin ita hotu iha ne’e atu sai sai sasin ba esforsu setor privadu liu-liu ba investerdor sira nasionál no entranjeiru sira ne’ebé ita orgullu tanba investidór sira ohin sira hotu ita bele dehan investe iha setor ne’ebé sai prioridade teb-tebes ba iha VIII governu, setór ida ne’e mós sai importante tanba rekomendasaun husi komisaun rekooperasuan ekonomia atu rekoomenda ba Governu atu investe ita nia Dezenvolvimentu ekonomia hodi fó atensaun barak liu ba iha setor produtivu.

Governante ne’e afirma, hodi VIII Governu kontituisionál enkoraza investor ki’k sira ne’e atu banati tuir dezenvolvimentu setór produtivu atu hadia ekonomia iha rai laran, liu-liu iha rea ekonomia. “Ha’u hodi Governu nia naran enkoraza investidor sira seluk atu bele banati tuir sira na’in-5 ne’ebé mak iha atu kontinua hola parte iha prosesu dezenvolvimentu liu-liu iha setor produtivu atu nune’e Governu mós kontinua sereamente servisu hadia ambiente negosiu ne’ebé iha liu-liu ajensia sira ne’ebé maka iha laos ajensia TradeInvest,”nia informa. 

Nia hatutan, Iha ajensia SERVE ho ajensia sira seluk instituisaun apoiu emprezariál sira iha ajensia lubuk ida ne’ebé ihaVIII Governu nia mahon Kompremete atu komsidera setor privadu hanesan parseria importante ida atu hamutuk servius makaas iha faze rekooperasaun ekonomia atu ita hakat liu lalais faze importante id ane’e to’o iha Dezembru 2020 atu nune’e loke dalan ba faze dezenvolvimentu ne’ebé se hahu iha 2021 atu nune’e bele lori dezenvolvimentu barak liu no diak liu mai Timor-Leste.

Iha fatin hanesan Reprezentante investor na’in-5 diretór COMVE LDA, unipesoal Brigida António Coreia, hato’o nia profunda Agradesimentu ba menbru Govenru no inklui menbru paralementu anasionál tanba oportunidade atu investe nafatin. “Atan ha’u representa husi emprezariu benefisiariu na’in-4 hato’o mós ami nia profundu no agradesimentu ba parlamentu nasionál ba governu no RDTL, ne’ebé bazeia ba lei investimentu numeru 15/2017 no dekretu lei numeru 2/2018 maka ohin loron iha loron 17 Setembru 2020, ami impreza benefisiaria na’in-5 bele hetan oportunidade hamri’ik iha ita boot sira nia oin hodi simu rekohenesementu aas huis Governu republika demokratiku demokratiku de Timor-Leste ba ami nia investimentu no atividade negosiu hodi refora ekonómia iha rai doben Timor-Leste,”dehan Brigida António Coreia.

Diretóra informa, Ami hato’o ami nia apresisaun no agradesimentu wain ba ekipa servisu ne’ebé lideradu husi tred Invest iha mahon Diretór ejekutuvu enjenaria Arcanju da silva, tanba liu huis prosesu selesaun dokumentu koperativa judisiaria, jitus komfirmasaun manitazasaun ba ami nia empreza tantu impreza nasionál no impreza internasionál mak rejulta empreza na’in-5 ohin bele simu deklarasaun de benefisius. Representante investor ne’e iha esperansa katak, Governu no Parlamentu iha kompetensia tomak atu kria dekretu lei ne’ebé bele fó benefisiu ba empreza nasionál no mós internasionál.

“Ami iha esperansa katak ita boot sira husi parte Governu parlamentu nasionál iha kompetensia tomak atu kria lei desiasaun lei dekretu diploma ne’ebé di’ak liu tan nune’e bele asegura presensa empreza nasionais, hodi bele moris buras liu tan, iha fatin seluk ami espera katak entidades Governu ne’ebé halo entendimentu ba dokumentus no prosedimentu hanesan serve portu alfandega kuarentena bele kolabora di’ak liu tan iha prosesu atendimentu liu-liu iha terenu nune’e la fó espasu hodi prejudika atendimentu diariu,”katak nia.

Brijida Husu komsiderasaun atu distingi ka justifika material inportasaun ne’ebé sensitive, animais vivo, arves, ikan, fini manu nian, hodi fó atensaun ba preoridade ba prosesu atendiemntu ho nune’e labele prejudika prisize ba impreza importandora, Ami mós ho haraik-an hakarak konsiderasaun ba sua exelensia ministru koodenador asuntus ekonomiku hodi foti asaun konkreta partilla ho minitru relevantes hanesan ministeriu da edukasaun no ministeriu da defeza, ministeriu interior ho ministeriu saúde, ministeriu finansas, MCTI, SEKOOP, hodi konsidera kotas ba produtus nasionais ka produtus lokais hanensa nan manu fresku ka ema ne’ebé maka hakiak manu iha Timor-Leste fos lokál, naan karau, ikan no feuk oin-oin no mina.

Nia afirma, programa eskolar refesaun forcas armada no seguransa refisaun ba menbru governu no menbru parlamentu ba Ospitais ne’e katak, wainhira iha intervensaun husi exenlensia sira liu huis diploma ministerial maka mai nudar produtores ba setór produtivus bele hetan benefisiu direita ho nune’e bele ajuda ami nia impreza no grupu agrikultura iha Timor laran tomak ih animu atu haburas no aumenta produsaun agrikulas, loke kanpu de traballu nune’e bele fó impkatu ba rendimentu ba ekonómia familia no rendimentu ekonomia nasionál. Reprezentante hato’o profundu agradesimentu dala-1 tanba sua exelensia MCAE Joaquim Amaral no MF ne’ebé ho representa Governu, no ministru finansas inklui TradeInvest, no SERVE, no presidente CCI-TL inklui diretóres jerál sira. (BT)