Asuransi

DÍLI----Sekretáriu Estadu Kooperativa (SEKoop) Elizário Ferreira afirma, programa ne'ebé mak prioridade seí asegura estabilidade ekonómia iha Timor-Leste (TL), hodi rekopera ekonómika no seí foti programa Cesta Bázika hodi distribui produtu lokál ba komunidade sira.

SEKoop Elizário Ferreira hateten, programa SEKoop seí asegura ekonómia iha Timor-Leste, hodi rekopera ekonómika, foti mós cesta bázika atu distribui produtu lokál ba komunidade sira. "Programa ida ne'ebé mak parte SEKoop hala'o atu asegura estabilidade ekonómia iha Timor-Leste, primeriu mak ita rekoperasaun ekonómia, rekoperasaun ekonómika ne'e Governu foti programa cesta bázika, ne'e siknifika distribuisaun alimentar produtu lokál ba ita nia sidadaun sira sosa husi sira seí distribui ba sira," Dehan SEKoop Elizário ba Ekipa Jornalista BT iha nia kn'ar fátin Akait, Tersa (08/09).

Governante esplika, tanbá SEKoop iha programa internu, programa externu liu-liu kooperasaun ba povu, tanbá ida interna refere liu ba aspeitu legál sira, sistema funsionamentu sira ne'ebé mak parte SEKoop nian. Nia dehan, programa ida ne'e la'o ona iha faze konkluzaun, agora programa ne'ebé mak atu halo ba povu hodi povu bele senti iha sustentabilidade ba rekoperasaun ekonómiku, parte SEKoop iha programa neen (6), ne'ebé mak saí hanesan prioridade.

Ho nune'e programa mak Edukasaun, Formasaun no informasaun, atu eduka povu liu-liu membru kooperativa sira, oinsá atu maneza kooperativa ne'e ho di'ak, atu nune'e bele asegura sustentabilidade instituisionál kooperativa nian, estabilidade ekonómiku membru nian, no asegura bens estar família no sosiendade nian. Tanbá ne'e Povu tomák bele hatene senti informadu no edukativa katak, kooperativa mak sentru ba dezenvolvimentu iha nivel komunitária.

Elizário akresenta, programa mak kriasaun kooperativa, SEKoop iha programa ida, mai husi programa H6 hadia, kooperativa ne'ebé mak iha ona seí hadia atu nune'e bele la'o fila-fali, iha fátin ne'ebé mak seida'uk iha kooperativa seí harí kooperativa. Tanbá ida ne'e SEKoop iha planu kriasaun ba kooperativa kréditu, iha nivel Munisípiu no kada Postu Administrativa kada kooperativa ida kréditu, nivel Suku rua bazeia ba poténsia Suku nian, siknifika seí iha 2023 seí hamutuk 125 kooperativa kréditu iha Timor.

Governante klarifika, kooperativa seí aumenta 65, tanbá balun iha ona, siknifika 75 kooperativa máximu ne'ebé mak ho kualidade ne'ebé ho di'ak iha Timor, atu bele asegura kapitál finanseíru ba membru kooperativa sira. Tanbá atualmente iha kooperativa 26 institusionalizadu, funsiona hanesan office sira ne'e kooperativa kréditu, kooperativa produsaun barak liu mak ladun funsiona, tanbá la funsiona ne'e SEKoop prontu atu fasilita no kria kondisaun oinsá bele funsiona fila-fali.

Nia dehan bainhira harí ona kooperativa seí problema bo’ot, ne'ebé akontese mak kapitalizasaun, tanbá kooperativa laiha kapitál ida ne'ebé mak atu hatan ba prokura no "pemerintahan" ne'ebé mak bo’ot, tanbá ida ne'e Governu liuhusi ninia programa da haat, hodi kria kapitalizasaun di'ak, atu nune'e kooperativa federasaun sira fó empréstimu ba membru primária sira porsentu 2 (2%) kada tinan, siknifika por sentu 2 dívidi 12 ne'e 0.16 kooperativa, 100 mil ba federasaun selu jurus 100 mil, selu $170 kada fulan.

SEKoop Elizário afirma, kooperativa primária fó impréstimu ba grupu produtivu no individu ne'ebé adere ba kooperativa jurus porsentu 4 (4%) kada tinan, siknifika katak, 0.3 kada fulan, individu ida deve $1000 ba hakiak Karau, Bibi, Manu no Fahi, aktividade produtivu sira seluk ne'e bele selu jurus ne'e $3 kada fulan, jurus ne'ebé ki'ik ho kapitál impréstimu ne'e atu bele kontribui ba dezenvolvimentu produsaun rai laran.

Nia dehan, kapitál ida ne'ebé mak Governu kapitaliza uza rekopera ba kooperativa, ba impréstimu ne'ebé mak relasaun ho impréstimu produtivu, impréstimu konsumu sira, kooperativa mak asegura nia kapitál ne'ebé mak iha, ne'ebé mak óras ne'e kooperativa kréditu iha Milioens $11.8 ida ne'e bele asegura impréstimu bens estar família nian, no levantamentu emerjensia sira.

Governante ne'e hatutan, Programa Joventude saí hanesan faktór determinante ba dezenvolvimentu nasaun nian, tanbá ita nia joventude máximu ne'ebé mak seí idade minoridade porsentu 75 (75%) joven, siknifika dezempregu mak seí barak liu joven. Tanbá nasaun Timor-Leste agrikultura saí hanesan baze ho 85 no kuaze porsentu 90 (90%) agrikultór, joven porsentu 75 (75%) siknifika katak, iha agrikuktura sira mamuk, tanbá joven sira hela hotu iha kapitál sira.

Ho nune'e parte SEKoop seí organiza kooperativa nasionál ba joven hodi organiza motiva forma no insentiva sira hodi fila ba kampu atu eduka inan-aman sira atu bele hala'o produsaun iha aumentu ida ne'ebé bele lori ba merkadu. Kooperativa mós eduka no povu sira, atu kuda no lori sira ba merkadu, oinsá mak iha valór aumenta ba komérsiu iha merkadu. (BT)