Asuransi


DÍLI----Vise-Reitor Univesidade Dili (UNDIL) Fransisco Monteiru da Silva hateten reprezentante povu iha parlamentu nasional presiza hare povu ninia susar, labele hare deit ba sira nia-an hodi hola kareta no atu halo uma ba sira-nia a’an rasik.

“Prontu husi ami nia hanoin hare ba nesesidade estadu kuandu ita interprete ba labele estadu ne’e rasik, ita bele hateten ohin loron hare ba Deputadu no ba sira seluk ne’e sai hanesan prioridade ita-nia nasaun kalae, tuir ita nia hare agora dadauk ne’e prioridade ida ne’ebè mak ita-nia ekonòmia estabelese, ita bele hateten dehan katak paradu tebe-tebes, prioridade primeiru ita tenki nasaun nia laran, tenki movilizasaun forsa hodi bele hasoru ida ne’e hodi bele haforsa no salva povu nia moris ita bele hateten katak problema bo’ot ida ne’ebe ke ita hasoru, quer-dizer halo uma ba ita-nia deputadu ho sira seluk ne’e gastuz ne’ebè mak signifika katak povu iha hela susar hasoru hela susar, Parlamentu hakarak goza povu nia susar,’’ hateten Fransisco Monteiru da Silva ba Jornalista BT iha Kna’ar fatin Mascarinhas, (UNDIL), Kuarta (26/08).

Nia hatutan, Ekonomia Timor-Leste nia ohin loron paradu tebes-tebes prioridade primeiru tenki nasaun nia laran movilizasaun forsa nafatin hodi hasoru povu nia nesesidade. “Ho husu halo previdensia osan ba sira nia an rasik hanesan kultura a’at ida ne’ebè mak dezde kedas primeira lejislatura mai to’o agora ita hare sira nia lei aprova pensaun vitalisia ba sira nia an rasik, tuir mai sira halo lei aprova kareta ba sira nia an rasik, mai tan sira husu tan ho ita bele hare katak osan ba telefoni buat hotu-hotu halo ba sira-nia a’an rasik, hateten katak resultadu ne’e parlamentu ne’e la produtivu, ”Dehan nia.

Nia dehan ohin loron funsionáriu públiku sira ho de’it salariu $115, saláriu ida ne’ebé ki’ik tebe-tebes, ida ne’e hatudu mos-mos katak ita-nia Parlamentu ida ne’e, hare ladun koresponde ba nesesidade povu maibe parlamentu ne’e sai orgaun ida ne’ebè mak tau matan ba sira nia an rasik mak barak. Nia haktuir, Funsionariu sira ne’ebè mak salariu dollar Amerikanu $115 deit atu sustenta nesesidade la to’o oinsa ho povu ne’ebè mak laiha salariu ne’e loron bele hetan hahan ruma kalae.

“Sei ita kontinua lao dalan sala, ita kontinua ita-nia ego nafatin, ita mak nune’e hela passu nafatin no a’at liu tan fila ba kotuk tanba buat ne’ebé mak ita koalia la’os faktus la’os evidensia maibe buat sira ne’ebe ita koalia opiniaun no gostu sei lori ita ba do’ok, tanba ita ohin bele gosta, aban la gosta, ohin ita gostu aban ita desgostu,” Tenik Nia.

Hanesan, “Ami akademika nia hare katak buat ida ami bele koalia mak ne’e faktus evediensia se ita hakarak dehan katak buat ne’e hanesan halo to’o peskija dudu tok ba diskuti to’ok, ba hare tok, husi aspetu barak-barak dehan katak buat ne’e sala, ne’ebe rekomendasaun ne’ebe ke simples husu ba orgaun kompetensia halo netik konstrusaun ruma ho diak liu mak ne’e politika bazeia ba evidesia sira nomos politika tenke bazeia ba peskiza ruma,” Nia Informa. (BT)