Asuransi


DÍLI----Vise-Ministru Obras Publika (V-MOP) Nicolau Lino Freitas Belo husu xefi Governu Taur Matan Ruak, atu fó diresaun propriu ida hodi nune’e bele konsentra atividade balun. Tanba, durante ne’e kompentensia V-MOP nian halai liuba iha area inspeksaun no auditorial laiha diresaun ruma, hodi konsentra aktividade balun, tanba ne’e nia (V-MOP) informa ona ba Xefí Governu hodi fó diresaun ida hodi nune’e bele hatene rezultadu servisu ba komunidade sira.

Tuir Vise-Ministru Obras Públika (V-MOP) Nicolau Lino Freitas Belo informa, hela tinan rua ona, presiza diresaun ida, hodi bele konsentra aktividade balun, atu nune’e komunidade sira mos bele hatene. “Tanbá ne’e ohin hau mai hato’o PM, tanbá ita hela de’it ona tinan rua, pelumenus hau mós iha kompetensia propriu ida ba iha diresaun ruma, atu nue’e aktividade tomák hau mos bele konsentra hodi bele ninia rezultadu ba ita nia komunidade sira bele senti,’ dehan V-MOP Nicolau Lino Freitas Belo hafoin remata hasoru malu ho Sefi Governu ba Jornalista sira iha Palásiu Governu, Tersa (21/07).

Governante ne’e hatutan, durante ne’e V-MOP nian kn’ar mak halai liuba inspesaun kompeténsia ba auditorial, lahalai liuba diresaun ruma. “Mak halai liuba iha area inspeksaun to’o ohin loron hau kompetensia no auditorial, hau lahalai ba diresaun, diresaun hotu, partikularmente direta ba iha MOP,” dehan nia

Nia dehan maske knar ne’ebe nia halo hanesan inspesaun ba auditoria iha diresaun hotu, Bee-Moos, Estrada konsege identifika barak hanesan rekursu umanu, planeamentu, ejekusaun no implementasaun. Nicolau hateten, atividade ne’ebé mak durante ne’e halo, hanesan membru governu atu ajuda MOP, relata kada eskrita ba relatóriu annual trimestral ba PM, no entrega direta atu haree durante ne’e aktividade dezenvolvimentu infraestrutura ne’ebé mak kabe ba MOP ba iha Setór Agua no Saneamentu, Eletrisidade Planeamentu Urbanu no Abitasaun nune’e ba iha Obras Publika sira seluk tan.

“Tanbá ne’e, aktividade sira ne’e hotu, hau relembra kada eskrita ba PM, nune’e mós PM hameno ba futuru, tanbá ita hela deit ona tinan rua, ba tinan 2020 ida ne’e ita laiha orsamentu, utiliza mak orsamentu duadesimal, siknifika katak, dezenvolvimentu ita labele la’o ita kontinua de’it ba orsamentu duadesimál, signifika orsamentu lasufisiente,” katak nia.

V-MOP akresenta liutan katak, PM fó hanoin, oinsá iha faze planeamentu, wainhira lori orsamentu ba iha tinan 2021 nian, presiza tebés ba iha orsamentu ne’ebé mak bo’ot, atu nune’e tinan 2021 liu-liu ba MOP bele tau iha prioridade sira ne’ebé mak Parlamentu Nasionál kestiona no komunidade sira kestiona. Ho kestaun hirak ne’e, koloka liuhusi planu ida, atu nune’e ba iha orsamentu ne’ebé mak iha, ejekuta tuir planu no regras prosedimentu planeamentu ne’ebé mak MOP iha, hodi nune’e MOP defini planu estratejiku dezenvolvimentu nasionál 2011-2030.

Nia dehan, dadús ne’ebé iha Agua no Saneamentu katak komunidade tomák, asesu ona Bee-Moos foin mak 45 to’o 50%, siknifika katak seí iha 50% ne’ebe mak governu liu-liu Ministériu Obras Publiku presiza atu esforsu atu nune’e bele haree. “Tanbá ne’e, xefi Governu kontenti tebés, tanbá ninia membru sira iha relatóri atu bele relata aktividade tomák husi kada membru governu sira, tanbá ne’e mak hanesan membru governu relata aktividade hotu, husi inisiu to’o ohin loron, tinan rua frakeza lakuda ne’ebé mak Vise MOP infrenta,” informa nia. (BT)