Asuransi


DÍLI----Iha segunda, loron 22 Juñu 2020, Ministru Agrikultura no Peskas (MAP), Eng. Pedro dos Reis simu audiénsia Andrew Jacobs, nudar Embaixadór Uniaun Europeia nian ba Estadu Timor-Leste, audiénsia ne'e realiza iha Gabinete MAP Comoro Dili.

Asuntu prinsípal ne'ebé Governante no Diplomatiku ne'e diskute mak kooperasaun entre Uniaun Europeia ho Ministeriu Agrikultura no peskas hanesan: Agrofloresta, Konservasaun Agrikultura no sel-seluk tan. Iha futuru, EU hakarak servisu besik liutan ho Ministeriu iha area oin-oin hanesan Floresta, Peskas, Pekuaria no Agrikultura.

Tamba Uniaun Europeia hanesan Parseiru prinsipal ida husi Parseiru Dezenvolvimentu sira iha arèa Agrikultura durante tinan barak ona. Sira ho Australia no Oxfam hodi kordena Parseiru Dezenvolvimentu sira nia Aktividade iha sektor Agrikultura. Sira husu atu haforsa kordenasaun ho Ministeriu atu Ministeriu mak bele orienta Parseiru sira nia Aktividade nune'e bele redus overlapping Aktividade entre Parseiru sira, ne'e duni lideransa husi Ministeriu importante tebes hodi koordena servisu iha Agrikultura tuir prioridade Governu nian.

Responde ba hanoin sira nee S. E Ministru dehan koperasaun ho EU impotante tebes. Sr. Ministru mos sujere atu Aktividade hotu tenki responde ba povu nia moris. Enkontru ne'e hanesan primeiru inkontru, no apresia tebes prezensa sr. Embaixador nian hodi diskuti kooperasaun entre EU ho MAP. Sr. Ministru mos dehan hakarak ba observa Direitamente Aktividade nebe iha implementa ho orsamentu EU nian iha terenu. Ba oin sei bolu mos Diretor Geral sira atu bele mai Partisipa tamba DG sira mak hatene liu serbisu sira ne'e. (BT)