Asuransi


MAUBISE----Estrutura Nasional husi Banku Nasional Komersiu Timor-Leste (BNKTL) halao inspeksaun dala ikus ba Edifisiu foun ne’ebe mak harii iha Gleno (Ermera) no Edifisiu Foun Ajénsia Maubisse (Ainaro).

Tuir Presidente BNCTL Brigido de Sousa hateten Objetivu husi estrutura nasional BNKTL halo inspeksaun ikus ba Edifisiu foun Gleno no edifisiu foun Ajensia Maubise atu hare progresu konstrusaun, instalasaun lina eletrisidade no lina internet atu nuene’e iha tempu badak bele ona halo inagurasaun hodi bele uza ona ba servisu.

“Objetivu husi Vizita ne’ebé mak ita hala’o iha loron sabadu (6/6/2020) ne’e atu halo inspeksaun ikus ba edifisiu foun BNCTL nian iha Gleno nomόs sukursal Ainaro Ajensia Maubise foun, ne’ebé mak mais-menus harii tinan ida ho balun liuba maibe iha atrazu uit-oan tanba Estadu emerjénsia entaun objetivu ohin mai halo inpeksaun ikus atu hare fali mobiliaru ne’ebé mak tau hotu ona iha laran.

Depois mai ho IT sira hodi tes fali lina eletrisidade no lina internet sira serake lina sira ne’e funsiona hotu kalae tanba edifisiu foun ne’e kuandu finaliza ona tempu badak bele utiliza edifisiu sira ne’e,” Hateten Presidente BNCTL Brigido de Sousa ba jornalista sira hafoin halo inspeksaun hotu iha Maubise, Sabadu (06/06).

Nia hatutan, Estrutura BNKTL laos halo inspeksaun deit maibe mai ho ekipa husi KP ne’ebé mak halo supervizaun ba konstrusaun edifisiu ne’e nomόs kompañia ida fali mai halo verfika fali kualidade konstrusaun tuir padraun BOQ. Inspesaun ne’ebe BNKTL halao tanba projeitu refere nain mak BNKTL nune’e bele asegura nafatin nia kualidade ne’ebe diak iha future. “Ami mai halo inspeksaun buat hotu lao diak, iha fulan juñu sei halo inagurasaun atu hahu uza ona edifisiu foun Gleno tanba iha edifisiu tuan ne’e ladun permite ka ladun iha kondisaun ne’ebé diak,atu bele atende kliente sira,” hateten Brigido.

Tuir Planu ne’ebe iha tuir lolos edifisiu hirak ne’e halao ona inagurasaun iha fulan hirak liu ba maibe tanba ho situasaun Virus Corona inklui mos implementasaun Estadu emergensia hodi halo edifisiu hirak ne’e seidauk bele utilize too ohin loron. Nia hateten liu husi inspesaun ne’ebe iha konsege identifika item balun ne’ebe presiza hadia tan ne’e husu ona ba kompana atu bele hadia nune’e hodi hein inagurasaun. Nia informa katak ba kontrusaun Edifisiu Gleno no Ajensia Maubessi gasta Orsamentu besik Rihun $700 resin.

Entretantu, Diretor Kompañia Biamali Jorge de Aroujo rekuinese katak kona-ba konstrusaun refere finalize ona maibe presiza hadia buat balun hanesan tembok nakfera nomos mobiliariu sira seluk tan. “Konstrusaun edifisiu foun ne’e ami halo hotu ona, hein hadia tan buat kiik oan balun tan tanba ohin ekipa husi IT dehan presiza hadia buat balun.

Maibe ami halo kontrusaun edifisiu ne’e gasta orsamentu tuir kontratu tanba kontratu iha ne’eba ne’e, dahuluk kontratu ho dolar amerikanu rihun $500 depois nain ba projeitu koa tiha balun ba ATM tanba ATM ne’e depois BNCTL mak sosa rasik. Nune’e foin dadauk ami husi kompañia konstrusaun hotu ami hatama karta mai halo inspeksaun maibe ohin inspeksaun ikus ona depois sujere tan buat balun deit atu hadia hodi nune’e bele diak liutan.

Ami mos prontu atu hadia tan maibe ami sei husik hela buat balun atu aprovas mak foin haida tanba item balun mak sei monta tan hanesan CCTV, AC sei monta tan ka lae’e,” tenik nia. Ba Item sira ne’ebe iha nia promete katak iha tempu badak kompana sei hadia no sei entreja ba nain projetu hodi halo inagurasaun. (BT)