Asuransi


DÍLI----Bazeia informasaun balun ne’ebe mak oras ne’e iha katak pagamentu Subsidiu ba komunidade sira simu iha Postu Administrativu ida-idak maibe Informasaun ne’e lalos tanba Tuir planu Banku Nasional Komersiu Timor-Leste (BNKTL) sei halo pagamentu Subsidiu ba Komunidade sira iha kada Aldeia no suku ida-idak iha Timor laran tomak.

Prezidente BNCTL Brigido de Sousa hatete oras ne’e dadaun BNKTL hahú prepara ona nia rekursu hodi halo pagamentu subsidiu emerjensia ba Komunidade sira iha baze tuir kada aldeia no Suku.

“Ha’u lori BNCTL hakarak esklarese ba ita-nia komunidade sira, ba ita-nia populasaun sira tomak, katak labele konfuzaun tanba iha ema barak mak sei iha konfuzaun dehan katak komunidade sira mak tenke mai iha postu administrativu husi uma-kain ka xefe da familia sei mai iha postu administrativu par simu sira-nia direitu ne’e Maibe mekanizmu laos hanesan ne’e, BNCTL mak sei ba iha postu administrativu hot-hotu iha territóriu laran tomak ne’ebé mak sei halo pagamentu simultaneamentu hahu husi loron 08 fulan Juñu sei haleu iha munisipiu 12 La-inklui RAEOA tanba prosesu administariva ne’ebé mak sei la’o hela,” dehan Prezidente BNKTL Brigido de Sousa ba Jornalista sira iha Maubesi, Sabadu (06/06).

Tan ne’e nia husu ba iha komunidade sira atu ida idak hein nia aldeia no la presiza mai forma iha postu administrattivu tanba lider ekipa xefe suku ho lider pagamentu sira sei ba selu iha aldeia. Nia hatutan, BNCTL sei la’o ba postu administrativa sira deit, sei selu ba ekipa pagamentu de suku, ne’ebé mak kompostu husi suku sira ho tan ekipa ne’ebé mak sira forma atu foti osan husi konta bankaria suku ne’e. Depois mak ekipa pagamentu sira ba fali iha aldeia ba suku sira ne’e, selu ba xefe da familia sira.

Nia esplika katak BNCTL nia banku mobile sira sei pagamentu iha postu administrativu sira Signifika katak BNCTL-nia banku mobile mai halo tiha pagamentu ba ekipa pagamentu suku sira iha postu administrativu ne’e depois sei ba fali fatin seluk iha munisipiu sira ne’e hotu. Nia informa, Bainhira halo hotu pagamentu iha postu administrativu depois mak ekipa pagamentu ba halo fali pagamentu iha uma-ka’in ka xefe da familia sira no populasaun sira iha ida-idak nia aldeia ho nia suku. Porenkuantu sei lasala ekipa pagamentu sira ne’e sei ba pagamanetu durante loron sanulu resin haat (14) atu halo pagamentu. 

“Buat ida mak ha’u hakarak esklarese iha ne’e katak ema barak mak kestiona kona-ba dadus, baze de dadus seidauk los buat sira ne’e hotu. Ha’u hanoin ita labele prejudika ema seluk atu rihun atus ba atus ne’ebé mak hein hela osan ne’e, maibe rihun ida ka rihun sanulu ninia dadus ne’ebé mak ema barak hein hela osan ne’e, entaun diak liu ita despaixa tiha laiba, selu tiha laiba, semak iha reklamasaun buat sira ne’e sira ne’e hotu sei lasala iha mekanizmu MSSI nian halo ba ne’e, ne’eba iha meza par hato’o reklamasaun, depois MSSI hamutuk ho MAE mak sei kompoen ekipa dadus sira ne’e los ka lalos, sira sei iha direitu sei simu sira nia direitu. Depois sira-nia reklamasaun sira ne’e verifika ka konfirmadu katak sira iha direitu mak foin bele simu direto ida-idak nian,” Informa nia. (BT)